嘉發麵包小食 (已結業)

其實已經幫襯過嘉發好多次每次都只係食：格仔餅！係我響香港食過最好食既格仔餅！同埋佢就黎結業啦！（根據媒體報道，將會響2022年5月）黎元朗國，必定要食：嘉發既格仔餅！佢係即叫即整，而且非常脆同香！最鐘意食呢個格仔餅既原因係因為佢夠脆！最近多左既厚版格仔餅加花生粒既格仔餅都食過但個人認為最普通既原味已經好好食小食店都唔少街坊幫襯所以都需要等下不過即叫即整既，絕對值得花少少時間等佢新鮮滾熱辣咁整出黎食

是日屈小姐黎到元朗陪賴生買餸(等賴生番去）煮飯仔（比佢食），碰巧經過近期被報導既格仔餅店 - 《嘉發》，就豁出去試一試啦（格仔餅對長期話減肥人士尼講真係太邪惡啦）每個格仔餅都你落Order之後先做，所以新鮮熱辣辣嫁！只要交低$13，就可以親眼睇住佢整屬於你既1份，整好之後，佢仲會問你要唔要晒全部料：砂糖、鍊奶，花生醬同牛油，落得都幾重手下嫁！賴生同屈小姐今次試左冇砂糖版（有D後悔冇走牛油⋯太邪惡啦太肥啦）格仔餅：⭐️⭐️⭐️⭐️⭐️認真，呢個格仔餅真係賴生同屈小姐食過最好食既！事關佢每格都脆邊，而內心係軟綿綿而唔空心嫁！！ 再者，佢味道都唔錯，有蛋香同蛋味，加上超足料牛油，花生醬同鍊奶，食完真係好難企得穩⋯！賴生同屈小姐你一啖我一啖好快就食晒同場加映：賴生咬左一啖係口後，手持格仔餅對住鏡頭說：太性感啦！謎之聲：Epic Fail ⋯#超脆格格脆#好邪惡但值得食#可愛既女朋友#食完覺得好食又後悔太肥#多謝你等左我咁耐#好彩晚餐係愛心健康餐