澐

營業中

休息中

澐是一間令人有驚喜的餐廳. 第一次去拜訪依間餐廳, 員工非常有禮貌, 招呼一流.  食物質數更是意想不到的好 而且酒類飲品更有HAPPY HOUR, 甚至乎支裝紅白酒亦有買一送一優惠. 價錢亦相當合理.  而令我地最驚喜是甜品, 普通一個豆腐花都可以製作得十分精美.  坐在窗邊更可以看到飛機升降. 依間餐廳雖然位於亞博館, 但真係誠意推介

爸爸係一個非常傳統嘅人，生冷野唔多食，最鍾意就係中菜！有朋友去過澐話佢中菜高質，又難得有釀焗蟹蓋，一於就book去同爸爸慶生～ 因為我遲左book所以窗口位冇哂，中菜廳空間感十足，落地大玻璃設計令中菜廳好光猛，而且裝潢同擺設好有氣質，枱與枱之間相隔得遠而且環境寧靜，坐離窗口一兩排都唔會太差~ Service認真一流，侍應貼心有禮貌，最surprise係見到侍應係set檯時出動蒸氣燙斗燙直檯布，非常認真！Order左四款點心，全部都非常高質，爸媽都讚口不絕。唔好見個焗菠蘿叉燒包個樣普普通通，皮超脆，個包超軟，而且叉燒餡料熱焫焫，係我食過嘅Top 3！黑魚籽金巢香酥帶子芋角有着燒賣嘅外貌，酥脆嘅口感，香口而不油膩，必試！香焗鮑魚叉燒撻嘅鮑魚有啜口，叉燒餡料配曲奇撻皮超正！澐裳金箔鮮蝦餃皇一籠有四粒，加金箔豪氣十足，個皮再薄就Perfecto~杏汁白肺湯絕對係功夫之作，奶白嘅湯熬左好耐，遠處就聞到好香嘅杏仁味，豬肺好嫩滑，好味又養顏。金湯海明珠係令人驚艷勁一道菜，鮮燈色幼滑而清甜嘅南瓜蓉下蘊藏左嫩滑嘅蒸水蛋，加埋面頭隻又大又爽嘅蝦，有視覺同味覺嘅衝擊，好後悔抱住試吓嘅心態淨係order咗兩人

屋企人生日，上網搵到呢間食中菜既餐廳，食完有驚喜一入餐廳已經覺得好舒服，地方闊落，加上設計令整體感和好柔和。坐低之後職員會拎酒精同你消毒雙手，仲有壓縮毛巾可以清潔，感覺好乾淨同周到！叫左個鮑魚做前菜，平時食開蒸鮑魚，呢個鮑魚脆脆地，入口鬆化，好有新鮮感。雖然好多炸蒜，但食唔唔會味重過咸，食到鮑魚鮮味。個鮑魚仲已經切開做3件，方便進食，好細心！呢個蟹蓋我個人十分鍾意！擺碟上已經成個蟹既外型覺得好靚。食落口真係啖啖蟹肉，裡面有好多洋蔥，充滿洋蔥既甜味，仲有蟹肉食鮮甜味呢個湯飯都好正。個湯好濃，聽職員講好似加左啲魚去煮個湯底，所以湯既味道好豐富。如果拉麵係呢個應該都好正而且佢仲有脆米，加埋落湯飯到食可以食到唔同既口感趣脆咕嚕肉冰鎮上場，每舊咕嚕肉都大舊，而且比汁包住，好吸引！脆都真係脆既，不過就略嚴個粉漿厚左啲啲，如果薄啲就更好啦～脆皮三黃雞，即係炸子雞，味道都唔錯既，不過我呢個鍾意食雞胸既，就覺得個雞胸唔夠滑。擺碟仲有幾粒核桃，甜甜地帶有白芝麻，好食如果核桃多啲就好啦🤤由於唔夠肚叫唔到叉燒例牌，所以叫左一碗飯試一試。叉燒夠淋但唔會肥，肥瘦適中，不過我嚴佢唔夠燶邊。另外可能4個人share一