鼎王麻辣鍋 (金巴利道) (已結業)

疫情令好多travelers都心癢癢，想去又去唔到。最近想去台灣既心情要爆發之際，諗起香港都有鼎王，即刻訂位同順便預祝父親節。一到門口兩位帶位姐姐已經90度鞠躬歡迎你，由於動作太利落真係嚇左一跳😂服務員都好有禮貌。去鼎王一定要食鴛鴦鍋，今次簡左中辣&小酸，鴨血好多，但酸菜同粉條相對下較少。不過唔緊要！因為可以任加！梅花豬肉分量都多，而且唔肥唔老，好好食！如果我個胃再大d就可以叫多碟啦⋯一入座已經被推薦既牛拼盤，一共五款唔同部位既牛肉，每款四塊。而當中白色好似肥膏既係稀有既牛心前肉！只需涮四秒就食得，口感係脆！唔錯唔錯其他部位都好食，唔韌之餘好有牛味（可能我平時少食牛）。如果budget ok既都可以一試。廣島蠔一盤十隻，size都唔錯，食落無腥味，好食！蛋餃皮薄餡靚，d豬肉餡咬落去有陣鮮甜味。蟹滑有驚喜！原來加左蟹膏係入面，彈牙又有口感。最後係豆皮，感覺普通，不過不失，或者食油條會較好成餐飯都食得好滿足，90分鐘後要交枱都夠食（不過見其他枱好似都唔夠時間）。坐位雖然無台灣咁闊落，但乾淨企理，如果偶爾想重拾台灣既味道可以黎試下！

今天約了友好吃午餐，是日到鼎王麻辣鍋。坐低後店員就結我們茶及水。先點了鴛鴦鍋小辣小麻鍋底，再點了粉條，綜合菇，千層凍豆腐，桂花蚌，滷豬肚，梅花豬肉。鴛鴦鍋，辣個邊有鴨血，豆腐。酸個邊有酸菜，粉條及豬肉。店員不時添湯及配料，鴨血豆腐我覺得好味道，食了不少。不得不讚店員服務態度，真係有禮貌及貼心。粉條：彈牙可口，配合辣湯底更佳。綜合菇：口感好，味道佳。千層凍豆腐：最佳邊爐食品將湯完全融入豆腐中。桂花蚌：鮮甜可口仲有口感彈牙。滷豬肚：入味爽口，口感非常好。梅花豬肉：豬肉肉質良好，口態一流，脂肪分佈平均。

12月進入我最愛的打邊爐的季節，天氣轉冷又想食啦。近年有好多過江龍來到香港，台灣的「鼎王麻辣鍋」我確信有一定吸引力，全因正常的晚餐時間可以滿座。朋友好不容易終於訂座成功，恰巧又是寒冷的冬天已到的一天。入內全走木系設計的格局，每位的侍應的製服都古色古香，殷勤款待每一位的客人。店內全走電子器材落單，節省不少人手的功夫。另外桌身會有差電的位置，可供客人享用相當貼心。鴛鴦鍋 $136湯底方面只有兩款的選擇，有別於其他火鍋店此店以人頭每位計$58-$68 不等，有麻辣窩及酸菜白肉鍋；前者單點了中辣，溫和的辣度並不搶喉而且可以無限添食鴨血及豆腐相當滋味。後者的酸菜白肉鍋以天然醃製酸菜，酸度微酸容易入味配上白肉及粉條，相當美味。五花去骨鮮牛 $188香港人打邊爐又點少得牛呢？厚切的五花去骨鮮牛，去骨鮮牛紋理平均脂肪不高，沾上麻辣湯的醬汁，令人回味無窮。梅花豬肉 $108豬肉亦是以厚身為主，豬肉的口成帶有煙韌，喜歡肉食口感的朋友必定喜歡。蛋餃 $78台灣最出名之一蛋餃，來自店直送相當有風味，皮薄落餡靚又不穿，滿滿蛋香值得一試。招牌川丸子 $68丸子成為招牌之物，的確不容忽視。細小的丸子，粒粒彈牙而有嚼