御滿屋日本料理

營業中

休息中

本身超中意食壽司刺身既野食， 咁岩約到朋友就簡左依間位於旺角既日式放題試下。 依間絕對係CP值高既日式放題，點解咁講？ 因為選擇真係好多！ 出面自助區超多野食揀😆 沙律、點心、任食雪糕雪條、生果甜品、馬卡龍仲有超多野飲簡， 仲有梅酒、Sake 、啤酒任飲 ，岩哂中意飲酒既人。餐廳係用QR CODE落單，落左單之後好快就會有野食到。 刺身有鮮味又厚切 ，仲有蝦夠甜又大隻。重點係凍鮮奶桃膠雪燕 ，岩哂女仔食🤤依期餐廳做緊馬來西亞榴連主題，中意食榴連既朋友絕對唔可以錯過🤩 朋友都叫左好多瘋狂食，夠哂邪惡😈😈

自助餐近排成日食，放題就好耐都冇食過，早排見到放題人均$300有找，今日心血來潮拉埋男友同我一齊去食😋呢晶放題係朗豪坊附近，旺角地鐵站E出口一出就係，非常之方便易搵😉頭一轉想食既刺身、壽司、炸物都叫一轉睇下佢咩料先😌結果又有啲驚喜啵，連對魚生好挑剔既奴才爸都讚，呢個價錢有咁既質素完全收貨👍🏻刺身樣樣都幾新鮮，赤貝夠爽口，帶子鮮甜唔漿口，我同奴才爸就推介阿根廷紅蝦🦐正過甜蝦好多好多🤤壽司我地就叫左馬刀貝、燒左口魚裙邊、蜜柑鯛魚仲有我最中意既海膽手卷🤤🤤全部都好新鮮，馬刀貝夠晒爽脆，海膽新鮮鮮甜🤤入座經過見到出面好多款小食、雪糕、甜品同飲品，最最得我心既係清酒、梅酒任飲，岩晒我呢啲酒鬼👻炸物上枱熱辣辣，唔係炸定係係度擺度凍冰冰又乾又淋，加分👍🏻呢個羊鞍我同奴才爸都好喜歡，上枱一刻已經香氣撲鼻，燒物味加上少少羊膻味🤤咬落去羊肉仲好juicy，一啲都唔靭，推介🙌🏻甜品方面都好多選擇，奴才爸就好喜歡個椰子奶凍，我都試左啖，果然係椰子味香濃🥥不過我就因為咳左勁耐都未好，唔敢食咁多，淨係試左個朱古力雪米糍同Häagen-Dazs咖啡味雪糕🍨兩樣都好好食🤤另外放題仲有一樣野食令我覺得CP值超高😳就係榴

數數手指，都有成年沒有食過放題，今日好友無懼疫情，相約吃頓午餐放題，既然出口相約，那就一於赴約。一入門口就是食物自助區，再入一點就是飲品區和甜品區。餐店環境光猛企理，地方寬敞闊落，設有多行四人卡座，行與行之間的通道亦闊落，出出入入取食品相當方便，空間大自然坐得舒服。午巿放題時間12:00nn-3:00pm，可任飲任食3小時，時間絕對充足。共有四款放題選擇，每款的食物內容有些不同，越貴價的食品的收費自然越貴。我倆揀了最經濟實惠的A款75品經典放題，星期一至四成人收費為 ($208+10%)。******************************先準備飲品，選擇都好多。凍飲方面，大型飲品櫃有多款罐裝凍飲，包括啤酒、汽水、果汁等等，另外還有熱茶、清酒和梅酒等。我倆都決定飲返杯慶祝一下，慶祝什麼? 慶祝可一起外出吃飯，宜家能相聚吃飯都不是一件容易的事，的確好值得慶祝。梅酒入口微凍，梅味雖不算突出，但不太甜，酒味亦不太烈，算很易入口，不錯!******************************再去自助區取食物，熱食有炸帶子、炸薯條、腸仔、炸薯角、蒜香白菜、蒜蓉菜心、彩椒牛舌和炆牛腩；

好耐冇食放題lu，難得今次夾齊人，當然係擦餐勁嘅啦！今次揀咗旺角嘅御滿屋食放題，食完餐勁嘅，仲可以去對面雅蘭行街買衫添，好方便！😘我地叫嘅燒羊架嘅嘅肉好林，唔痴牙，個個都鍾意食，我哋總共encore 咗幾次！😃炸天婦羅都相當唔錯，😏我哋總共叫咗好幾份天婦羅蝦🦐，南瓜天婦羅同蟹棒天婦羅，天婦羅蝦好大隻，南瓜天婦羅好甜，蟹棒天婦羅唔太大件，兩口啱啱食得晒。仲有任飲嘅梅酒🍾tim，初時係朋友睇錯以為係酸梅湯，倒左一大杯，後尾先知係酒⋯⋯硬着頭皮咁飲晒佢，點知飲飲下，佢又話幾好飲，天氣凍凍地啱晒暖身。同埋飯後點可以唔食啲水果呢？！我哋揀咗燒菠蘿🍍燒菠蘿好甜，冇乜渣，同埋唔鞋口，真係好健康呀！