am.pm (譽發廣場)

營業中

休息中

平時日日放學都經過黃巴士，成日見到好多人係度排隊，今日同男朋友係旺角食完飯後，佢話想食梳乎厘，但旺角無咩甜品鋪有賣梳乎厘😹，所以就黎左am.pm.黃巴士🚌有好多擺設同公仔，都幾靚，但最大缺點就係無得坐，要企係度食。我地叫左個梳乎厘+3.7牛奶雪糕（$40）可能已經係晚上9點幾，等左5分鐘就有野食。食物賣相好靚，原本以為牛奶雪糕都係白色，但竟然係天藍色，顏色就好靚啦，但食落去牛奶味就少啲。主角係梳乎厘，有兩件，鬆鬆軟軟，好有空氣感，仲可以配埋雪糕一齊食，凍凍熱熱咁，我地用左三分鐘就食曬😹😹😹

究竟我這個梳乎厘pancake控，可以有幾失控呢？😂這晚食過晚飯後，經過旺角這家am.pm ，就算吃完晚飯有幾飽，就算幾多人在排隊，就算下午才吃了一次梳乎厘班戟，我也要拉著我的朋友去買一個，最多兩個人share 架姐！這家am.pm 聽就聽得多，食就真的未食過！既然初次會面，就不如吃最original 的pancake 吧！於是點了梳乎厘+3.7牛奶雪糕($40)。一客有兩個梳乎厘，旁邊有牛奶雪糕，以紙皮造的外賣盒盛裝著。質地上，這個梳乎厘pancake的鬆軟度，比較接近班戟的口感，不是那種空氣或泡的感覺。簡單說就是充實一點，但我覺得這不是缺點，反而在芸芸標磅空氣感的班戟店中，打出自有一套特色，口感成功令我記住。無論在蛋香、牛油味、熟度，始終這裡的班戟維持很高的水平，而且不會很漏，不會heavy，反而覺得兩人share 不夠吃。牛奶雪糕香滑，而且牛奶香濃，配合旁邊的班戟放入口，大佬！班戟味道口感又被帶上另一層次囉！現在不少梳乎厘班戟動輒也要80-100元，am.pm 40元吃到！還要多一個牛奶雪糕！大排長龍，似乎也是相當合理吧！

呢架黃色巴士都真係唔講得笑，每次經開旺角必定見到人試。大排長龍由小行排到出黎，佢真係係甜品界佔一席位。雖然唔係甜品界老OG，但佢絕對係一個Young OG。今日難得係旺角睇完戲，都要入去睇睇碰下運氣，見到無人即刻抖順條氣，買個黎試下佢有幾好戲。黎到一定要試呢個傳說中嘅梳乎厘，果然咁多人排隊都係有理。Soft質感認真細緻軟滑好味，可惜個3.7牛奶雪糕撐唔到最尾。「相機食先」嘅代價就係個雪糕好快溶晒，今日黎嘅時候已經係夜晚唔曬，好難想像炎炎夏日中午d人點捱。其實梳乎厘同雪糕分開食係okay，不過一齊食就有d怪...no way~，個人嘅建議食的話淨買梳乎厘，因為個梳乎厘認真價錢合理。Skr Skr~