兩合海鮮火鍋飯店

營業中

休息中

街市熟食中心卧虎藏龍，細個嘅時候中意係依度食飯，久別重逢當然要大吃特吃，多數小菜一百蚊有找，十分抵食。茄子牛仔骨煲茄子煮得軟腍，牛仔骨亦夠入味，肉質唔韌，水準之上。平凡小菜韮菜豬紅小小辣，好開胃。椒鹽九肚魚即叫即炸，外脆內軟，亦唔會過鹹。家鄉蠔砵其實同砵仔焗魚腸相差唔多，不過焗蛋口感粗嚡，而且蠔仔量少，反而陳皮好多。油鹽水浸大蜆蜆肉肥大鮮甜，亦乾淨無沙。白灼墨魚味道清淡，配上Wasabi及刺身醬油，帶日式風味。比起大牌檔，呢度嘅室內環境較為舒適，更重要嘅係佢充滿童年回憶。

之前吃過1次覺得好好吃, 於是介紹比朋友, 點知上次太多人, 條龍好長, 朋友未能吃到, 今次就book 定位, 朋友終於吃到啦, but 可能期望太高? 定係師傅今次失手? 定係今天太多人? 朋友的評價話好一般, 公道d講, 雖然係我推介的, 但今次真是失準! 韮菜豬紅 : 味道普通, 唔夠野味, 豬紅唔新鮮, 有d 實, 韮菜又少滷水拼盤 : 都係普通, 滷得唔係好夠味椒鹽九肚魚 : 好吃, 好香口, 個粉漿唔太厚身, 魚肉好嫩滑, 正~ 椒鹽鮮魷 : 好吃, 好香口, 魷魚爽口彈牙, 大大舊, 啖啖肉, 正~ 蜆蚧鯪魚球 : 外皮淋左, 有d 失望, 好在裡面魚肉都幾好味彈牙, 而且仲好夠味, 唔洗點蜆蚧汁都ok蒜蓉粉絲蒸勝瓜 : 好香蒜蓉味, 粉絲索晒d蒜蓉味, 好野味, 勝瓜清甜, 可惜份量少左d 豉椒炒蜆 : 炒得好香好野味, 份量唔止少, 仲好多殼, 好少肉, 好失望薑蔥蠔煲 : 爆得唔算野味, 味道差d, 份量都係少乳鴿 : 好吃, 好香好野味, 又大只, but個皮淋左dd 除去今次的失準 & 份量少, 價錢係經濟實惠, 希望下次正常番啦~