珠江酒家

營業中

休息中

e間酒家賣ga從來都唔係門面裝修（因為佢根本都冇🙈），佢賣ga係一碟又一碟令你食唔停口ga餸菜。e碟炸蠔爽，我毎次黎都必定會叫，大大粒ga蠔仔炸得岩岩好，令你食到停唔到口。冰梅金沙骨，炸得金黃ga肉排，再配上酸酸甜甜ga醬汁，咬落肉排個陣重充滿肉汁，火喉控制得岩岩好👍🏻👍🏻👍🏻金沙脆涼瓜，真係五星推介，涼瓜食落一D都唔苦，配上咸蛋黃，又係完全食到停唔到口！！！三杯雞煲，由雞件變成雞扒肉，岩哂鍾意啖啖肉ga朋友。椒鹽九肚魚，表面炸到脆朴朴，但內𥚃重係軟棉棉。總括黎講，如果你係要食環境ga,唔好意思，佢比唔到你；但如果你係要食好味ga餸菜，我會推介你黎幫襯佢👍🏻👍🏻👍🏻

珠江酒家呢個名聽咗好耐，由於位置唔就腳，一直未有專誠去食。今次朋友生日話想食小菜，於是就提早卜定呢間懷舊中菜。附近嘅雷生春近年都活化咗，反而珠江酒家依然故我，保留歲月痕蹟，入面嘅裝修仿佛停留咗喺七八十年代，好有時光倒流嘅感覺。睇咗4頁餐牌，發現唔少特色菜。蝴蝶腩，鴨下巴，野山豬，豬雜煲等，都唔係出面咁易食到嘅。生炒骨酸甜味道啱啱好，好怕有時食到啲酸到乸喉嘅。每舊生炒骨都沾上足夠嘅汁，而且外皮都仲係卜卜脆。好開胃嘅前菜，青瓜墊底，配上煮得啱啱好嘅花蛤，再淋埋個酸酸辣辣嘅汁，好帶出花蛤嘅鮮甜，連青瓜都一舊唔淨全部食哂。值得一提嘅係，全晚冇人食到花蛤有沙，唔錯。好香美極味，小小咸，多多鑊氣。外脆內軟，辣辣地，好香口。蠔仔細細粒但好肥美，一層薄薄嘅脆漿，炸到粒粒分明，唔會痴埋一舊又冇穿冇爛，都幾考功夫。豬雜同蝴蝶腩都好入味。好濃嘅胡椒味，豬肚爽口入味，酸菜份量剛好，提鮮得嚟唔太酸。****全晚嘅菜都好夠鑊氣同比較重口味，上菜需時，眼見佢地人手唔多，我地都係慢慢邊食邊等。另外特別要小心階磚地滑，大家要小心啲行。