麻辣Doi (已結業)

元朗新開的麻辣店鋪頭不是很大，內裡裝潢有些像日本見到狐狸面具，完全不像四川菜……坐位舒適，枱與枱之間都寬闊，店內坐位不多，有限時120分鐘告示。我們天寒地凍好想食辣，所以選了一個麻辣乾鍋，2個小菜。滑雞香鍋，最滿意有個火爐仔加熱可以任選6款材料和雞件一同炒。選了餐肉，肥腸，年藕片，豬皮，油麥菜，萵笋片原來份量幾多，我們2人吃不完，最後要打包小菜比想像出色椒鹽海蝦 爆得好香脆，有鑊氣！ 海蝦肉質結實，新鮮！好吸引好香！蒜泥白肉都不錯簡單薄片配蒜泥，麻辣花椒油，水準正常

路過見到元朗新開麻辣餐廳，最近天氣涼涼地都想搵d又熱又辣既食下。☺️酸菜魚魚塊切成一片片薄片，而且完全無骨，魚肉嫩滑，酸菜亦都不會太嗆喉，因為叫了小辣，味道較溫和，豆卜吸收了湯汁，好入味口水雞每件雞件都厚身，皮滑肉嫩,雞肉吸收了辣椒紅油的味道，夠晒入味椒鹽海蝦睇個名好似同辣無關，但海蝦經油炸後用辣椒仔和椒鹽爆炒，好惹味。雖然每樣都要了小辣，但食食吓都幾刺激。P.S 店員們好友善，其中一位是hellosss,播了一系列Ian既歌，邊食邊聽歌😆

今晚同至愛喺元朗行街街,突然想食麻辣野,於是上Openrice搜下啦,比麻辣Doi店舖名吸引咗,見到呢間店舖主力做酸菜魚、烤魚和乾鍋，咁啱我哋又喺雞地附近,即刻去試吓!來到店舖地方雖然細小,裝修簡約,但環境同座位都坐得舒服。店員推介招牌菜;有麻辣香鍋、烤魚同水煮大盤酸菜魚。我哋揀咗老壇酸菜烤魚（小辣），本身配料份量已不少，有海蝦、雜菌、芽菜、豆卜同酸菜,我哋再加咗蓮藕片、娃娃菜同萵筍令配料再豐富些。鱸魚屬於中至大條，炸後外皮香脆,肉質嫩滑,師傅拿捏炸魚的時間剛剛好，食得出是新鮮魚，就算比酸辣湯煮浸後都很鮮甜,香口得來帶點甜酸又有微微麻辣,真係配絶。小食叫咗口水雞, 雖然見到好多紅油,但只是微辣,雞肉非常嫩滑, 雞皮爽脆,連怕肥的我都連皮食,一啲都唔油膩,值得一食。小炒我哋揀咗椒鹽海蝦鮮蝦連殼炸得酥脆,脆到連蝦頭都可以食埋,蝦肉爽口彈牙,連同椒鹽一齊食超野味。主食每人一碗米線和薯粉,用上酸菜湯底,兩碗粉份量十足，食完兩個都捧住肚走，幸福滿滿。