南翔饅頭店 (已結業)

南翔饅頭店基本上係銅鑼灣區食上海野既首選, 亦都幫襯過唔少次, 今晚兩公婆去, 見餐牌有 d 新花臣, 又有 d 平時好少會叫既送, 咁就 order 左個二人餐, 有醉雞, 蝦, 賽螃蟹, 椒鹽腰果酥, 粗炒, 另外再加多籠小籠包.. 用某張 credit card 仲有折加送橙汁..食物方面, 份量識中, 唔會太大碟或者太細碟, 醉雞好香酒味, 雞肉又唔鞋, 蝦同粗抄都好味, 不過略嫌多油左少少.. 賽螃蟹同椒鹽腰果酥都好好.. 全晚唯一有少少唔滿意既, 反而係佢地既招牌小籠包, 因為之前食咁多次 d 皮都好薄, 但係今晚 d 皮真係厚到好似食饅頭咁, 希望只係個別事件, 整體黎講, 要食上海野既 openrice fans, 南翔饅頭店係唔錯既選擇...題外話: 應該大家都知賽螃蟹唔係真係蟹, 不過今晚坐我地隔離檯既一男一女, 一路食一路大大聲講, 多多怨言, 話碟賽螃蟹一 d 蟹味同蟹肉都食唔到, 全碟野只係食到 d 類似蛋既野......... 唔知賽螃蟹係乜既, 即管多口係度講句, 賽螃蟹唔係蟹黎架..

今日約左舊同事食飯,商議後決定到南翔,佢地晚上開6點,我地早到所以唔駛第等位卡位夠寬,坐兩個都唔覺迫GOOD而且椅身夠高,私隱度幾好見有套餐$325二話不說就點了,再加半打小籠包一人一杯茶係特色之一雞絲粉皮比別人做得好,冇話油淋淋椒鹽腰果酥好味食品大致ok,雖然賽螃蟹未話滑口,點醋後卻覺美味,層次亦豐富高力豆沙略油滯下次可以再黎

食小籠包, 我個人都幾喜愛到銅鑼灣的南翔饅頭店, 一來這裡環境氣氛不俗, 二來這裡的食品質素也可以. 以小籠包來說, 這裡的小籠包雖然並不是我吃過最好味的, 但也算得上是好吃的, 而且單單是小籠包, 這裡便有5款之多, 分別是鮮肉、素菜、蟹肉、松茸及蟹粉, 當然, 五款小籠包的價錢亦各也不同. 今天和朋友一行3人來用晚膳, 由於我早到了(6:00pm), 因此不用輪候(店舖晚上6時正才開放予客人入座)便可入座, 坐低後先點了茶. 不得不提的是, 這裡的晚市會收取每位人客$8元茶錢, 客人可從4款茶中選擇自己喜歡的, 每人一杯(並不是茶樓一壺壺的), 4款茶分別是普洱、龍井、烏龍及玫瑰花茶. 我個人特別喜愛的是龍井及烏龍, 由於是一人一杯, 而且每杯的茶葉份量也不少, 因此這裡的茶頗有茶味. 客人可以從透明的杯子見到茶葉並不是酒樓那些下價貨色, 而是一片片的原片茶葉, 所以就算是$8元一位, 其實比起一般酒家來說, 一點也不貴!是晚點了:1. 鮮肉小籠包(6隻)2. 四喜烤夫3. 椒鹽腰果酥4. 糯米燒賣5. 酸辣湯(例)6. 松茸小籠包(4隻)7. 鱔糊湯麵坦白講, 雖然松茸小籠包的價

星期六放半晝, 又到銅鑼灣行街, 去左這間想試很久的南翔小籠包,印像中記得有數樣食物好多人都推介的。兩點到達, 都六成滿,被安排坐長檯櫈, 兩邊都有人, 聽到隔離檯講咩呢! 鮮肉小籠包 $33/6隻: 外皮不是好薄那種, 但勝在不易穿, 而且夠韌度, 彈牙, 裝著很多湯汁,肉餡都夠鬆軟, 但略嫌湯汁咸左些。 椒鹽腰果酥$28/4個: 聽過很多人都話好吃, 試過覺得真不錯,有意想不到的驚喜。外層很鬆化, 入面的餡料調果適中,似叉燒酥個醬, 食到好多腰果粒, 好香口。 鱔糊粗炒 $52: 點都要叫些飽肚的東西, 喜歡吃上海粗炒和鱔糊, 將兩樣二合為一就最好不過, 夠濃味但又不會太咸。黃鱔的份量還很多, 啖啖吃食到。粗炒份量不少, 足夠三人吃了。 午市不收茶錢,晚市則計$8/位茶錢, 有幾款茶選擇,下次要揀晚市光顧。因為要留肚, 所以包起了半碟炒麵和兩隻腰果酥。 賣單$124, 都算抵食。

一家四口約齊食晚飯，打電話 Book 枱，原來要一個月內食够 $500 (每次 $100 以上) 才可做會員，做了會員才可 Book 枱。所以六點正，待它一開始營業便進去，正 ! 給了我們一張近大窗的高背卡位，够私隱，後來全部滿座也不覺有太大噪音。我點了龍井，太太和大女點了玫瑰花茶，細女要了杭菊，每人一杯，有茶隔在杯內把茶葉隔開，有心思，茶味也不錯。待應勤快有禮，裝修雅致怡人，未吃已可給它 80 分。今晚菜式： 椒鹽腰果酥 $28：香酥味美 鎮江肴肉 $44：精緻好味 蟹黄白玉卷 $38：外脆內嫩(內有菜及豆腐) 鮮肉小籠包 $33：肉鮮多汁、可惜包皮頂部太硬 賽螃蟹 $52：嫩滑鮮美、必食之選 竹笙砂窩雲吞雞半隻 $90：雞嫩湯甜、雲吞鮮美 津白肉絲炒年糕 $44：不太油、味適中、年糕有咬口 桂花拉糕 $20：買相精美、不太甜、够煙韌茶錢每位 $8 送 2 小碟紫菜炒花生(脆口好味)竹笙砂窩雲吞雞和津白肉絲炒年糕吃不完要包回家連小費合共 $419 非常滿意的一餐