龍門冰室 (已結業)

聽朋友講龍門餐廳啲扒餐好抵食，今晚就約朋友來晚飯，就試下呢度啲扒，今晚十分旺場，坐無虛席，門口都需要排隊等位，不過等左約10分鐘就有位喇，呢度亦都有是日晚餐，常餐，全日早餐都有，好多選擇，今晚決定係叫扒食我地四個人，每人都叫左個扒，另外再叫多個菜同雞翼小食。呢度啲扒超大件，好夠份量，可配飯或意粉，自選配汁，有餐湯及飲品~黑松露芝士焗雜菌西蘭花,好香既黑松露加上濃濃既芝士，芳香撲鼻朋友叫左個燒汁牛扒炸蝦黑椒西冷扒拼香草腸~牛扒好大塊，七成熟剛好，肉質夠稔，香草腸大大條，唔太鹹黑椒什扒走飯(雞扒，豬扒，煙肉，腸仔，煎蛋)雞扒豬扒都大大件，呢個什扒都只係85蚊，真係平靚正，唔使要飯都已經夠飽，朋友無介紹錯，咁既價錢又勁多份量，真係好抵食餐湯~羅宋湯蜜糖雞翼椒盬雞翼

之前已經成日見到「龍門冰室」，分店都設於旺區，呢幾個月為香港人不斷打氣，有學生證有碗免費麵食，雖然我唔再係學生，但身為香港人當然要幫襯下！餐廳內外由於銅鑼灣實在太多人排隊，就嚟到北角既分店，估唔到都係咁多人！餐廳不停有客入，生意十分好，座位都同一般茶記一樣較窄。食物選擇食物選擇十分之多，西式、中式、港式都有，但由於餐廳實在太好生意做不停，有啲食物今日未能供應，因為廚房整唔切，但身為香港人絕對理解！自選撈丁餐 $44起可選兩款餸，我就揀左牛乳炒蛋，另外加配左雞脾(+$9)及加豬扒($7)，汁方面揀左個茶餐廳少見啲既龍蝦汁(+$4)。撈丁有咁多款餸揀實在唔多地方有，餐廳牛乳炒蛋出名，當然要試下，果真入口有彈性之餘幾滑身，雞脾滷得入味，豬扒亦夠大塊，麵既份量足夠，一個人食好滿足。晚市套餐 ：照燒汁雞扒泡菜炸帶子 $60奉送多士、餐湯，可選飯/意粉，揀左後者。牛油多士一份加是日餐湯係忌廉湯，泡菜沽清。呢份相對上就貴左啲，如果係鐵板上價格就合理點。雞扒炸過，幾濃味，炸帶子都有幾粒，喜歡炸物既朋友呢碟意粉。椒鹽雞翼 $40有6隻，大小不均，炸得有啲過左火，可能太趕，較失色，但不失椒鹽味。Latte

耐唔耐就要食下茶記呢類comfort food☺️食完邪惡野,心情會靚返晒呢次遇到間好野,龍門冰室都有唔少分店呢間喺北角,唔難搵。整左個🍅🐷焗茄汁豬扒飯D茄汁滲晒落d飯度,甜度啱啱好不知不覺會食晒成兜飯🤭蕃茄係甜嘅唔酸👍🏻豬扒都幾腍,易咬開兼啖啖肉☺️另外見好多人都點嘅鐵板試左個🐮牛仔骨得喎,兩大塊,叫左黑椒汁牛仔骨好入味,唔韌配炸帶子,細個成日食,好耐冇食過喇鐵板餐仲跟埋餐湯,係羅宋湯兩個大食嘅吃貨,叫埋黑松露薯條🍟真係好鍾意呢款波浪文薯條,勁脆點埋黑松露醬食,真心正冇諗過茶記可以食到,一大盤,好邪惡😈仲有椒鹽雞翼都唔錯🐔有6隻,好入味飲品都唔係hea奶茶幾有茶味 ☕️朋友嘅🍍菠蘿冰仲有唔少菠蘿粒添

今日同朋友黎呢頭行街，見到新開左間龍門冰室，決心一試！令我最surprise既係每樣野(除了野飲)都係即叫即整，上到黎都係岩岩出爐，超新鮮！椒鹽雞翼 $40平時食開蜜糖雞翼🍖，今日試下椒鹽味😉。椒鹽雞翼的焦度剛剛好，炸到好香脆。一咬落去，外皮嗶啵一聲，內層的肉汁流出，外脆內軟，口感好👍👍星級雜扒 $105意料之外，冇諗過甘精緻！煙三文魚呈花狀，煙燻味很濃，鹽量控制得剛剛好保留了魚的鮮味😍。帶子很出色，外表炸至金黃色，由於沾粉少，所以炸的部分很薄，更加突出到外脆內軟的口感👍👍西冷扒🥩性價比較高，保留了濃郁既牛味。雞扒很軟，輕輕一咬，便咬開了，值得一提的是整個雜扒的鋪排，雞扒放在鐵板底層，雞扒肉汁多，同時食的時候係溫熱👍 西冷扒擺係上層，避免同底部直接接觸令口感變硬。薯蓉焗青口 $40每隻青口都好大隻，薯蓉混著沙律芝士醬鋪係面，緊緊鎖住青口的肉汁，一定要趁熱食！凍咸檸七 $5經典的凍咸檸七，跟餐食超抵。紅豆冰 $24紅豆冰特登叫了少冰，紅豆份量多，粒粒飽滿👍👍