小魚兒 (金馬大廈)

營業中

休息中

食過咁多間烤魚店, 暫時只有呢間最合我心水。位於尖沙咀呢間「小魚兒」, 平日晚人氣依然好旺。餐廳主打烤魚, 三款魚類供選擇, 分別有海鱸魚、江團魚、凌波魚, 再自選心水口味, 另有不少火鍋配料、小食同埋雞煲。而今次我就點咗海鱸魚啦!!【爆醬鳳梨香辣豆花配海鱸魚】HK$326整盤烤魚擺盤豐富又吸引, 海鱸魚被煎得金黃, 魚肉厚大又鮮嫩; 自選小辣小麻, 足以刺激味蕾, 配有滑滑豆花、雲耳、闊薯粉、洋蔥、芫茜等等…. 滾住食, 熱辣辣又令每款配菜更入味, 香甜多汁嘅鳳梨更可中和辣味, 真係好味剌激!【椒鹽魷魚鬚】HK$98份量非常多又大條, 炸皮薄而脆, 魷魚鬚爽口唔硬, 加上了些少炸蒜粒, 香口美味。

天氣一凍就會想食啲熱辣辣嘅野，烤魚一定係心水之一依間烤魚都食過好多次，一開始係因為有朋友係到做，介紹咗我黎食野之後係覺得味道唔錯所以想食烤魚的話都會諗起依間～今次見到上網訂位仲有折就更加抵食烤魚的話江團魚一定是我的首選～魚刺比較少，大骨頭為主，不怕卡魚刺而且就算魚肉煮久了口感依然滑嫩有豐富的魚脂香氣，重點是不會有魚腥味很適合作為烤魚的主角。之前我都是點剁椒湯底的，但今天想試試其他的就選了老壇酸菜～酸菜給很多厚厚一層鋪滿了整條魚，底湯夠酸夠辣，作為配菜的寛薯粉吸滿了湯汁，味道很濃，酸得很過癮朋友叫了白飯拌湯汁加魚肉一齊吃，超下飯～我也忍不住多吃了兩口飯一串兩隻的小鮑魚～醬香味很濃，鹹中帶微甜鮑魚彈牙爽口，味道口感都蠻不錯新鮮炸起很香～脆脆的炸衣加上爽彈的魷魚配上解膩的喼汁，很涮嘴的小吃

有一日，好想食辣於是搵下有咩推介啦～ 比我搵到呢間「小魚兒」，我地就係度慶祝生日！ 到步後，填番基本資料量體溫就可以安排入座了。地方唔係大，但可容納好多台客人。我地就坐近水吧位置。餐牌有太多選擇了，樣樣都想食，最後又係叫到成台都係食物啦首先叫左鴨血、響鈴、安格斯牛肉（小）、黑毛豬腩肉。重點黎啦～ 就係老壇酸菜豆花海鱸魚（小辣）個湯底有粉皮、芽菜、豆腐，樣樣加埋唔錯！ 如果食得辣既，可以選擇大辣。食下食下又叫多左其他燒物啦～ 值得推介係燒鱔同炸榴櫣