兩姊妹涼皮有限公司 (柏樹街) (已搬遷) 新店位置

係太子行過想買外賣返屋企食，諗住食辣嘢所以就行去兩姊妹涼皮，見到都多人等緊外賣。我就叫咗招牌兩姊妹涼皮(中辣)同椒麻雞(中辣)，因為我唔食荽茜同花生，所以都叫咗走荽茜，花生。等咗大概10分鐘就有得拎。平時食開譚仔中辣嘅我就覺得兩姊妹個中辣唔夠辣，可能下次要叫大辣先得。涼皮同平時食嘅好唔同，兩姊妹嘅涼皮係厚身啲，食落煙韌啲。同埋佢個調味係偏甜，唔會覺得好重口味。椒麻雞都唔錯，雞肉嫩滑，調味都足夠，仲有幾嚿青瓜墊底，但都唔係唔夠辣。同埋佢個份量少左啲，同屋企人share食兩嚿就無，唔係好值$52。除左價錢之外整體都唔錯，下次行過都會再買！

自從一次喺太子經過《兩姊妹涼皮有限公司》，見到佢個白底紅字舊式招牌幾搶眼，上OpenRice 見到好多😋食評，一試之下愛上咗佢嘅招牌涼皮，之後一想食涼皮，就會專程過嚟～通常會喺app度叫定外賣先，唔使等咁耐嘛～同埋可以知道涼皮會唔會已經sold out，免得白行一趟～🤓照舊order 咗碗小辣 ”兩姊妹招牌涼皮”加咗4款配料 爆脆豌豆 滷水豬脷 滷水肥腸 滷水豬肚絲 《兩姊妹》嘅涼皮滑嘟嘟，煙韌度適中配埋個微微酸酸辣辣嘅汁好開胃（唔食辣嘅朋友可以揀走辣；食得辣嘅朋友可以挑戰勁辣🔥）講返4款配料 爆脆豌豆真係豆如其名～爆脆☄️～超級脆卜卜嘅呢～🤩 滷水豬脷嘅厚度適中 滷水肥腸處理得好好 滷水豬肚絲有咬口～滷水配料嘅滷水味唔會太濃，配埋涼皮嘅醬汁一齊唔會互相搶味👍🏻其實，即使唔另外加配料，”招牌涼皮”本身都配有芫荽、蔥、青瓜絲、花生、同爆脆豌豆不過，啲”爆脆豌豆”真係好好食😋，建議可以再加配至於唔食肉肉嘅朋友，配料嘅選擇有木耳、雞蛋乾、酸豆角、秋葵，或者再加配多多青瓜絲記得如果唔係即刻食，最好分汁，咁食嘅時候D配料就唔會浸得太耐影響質素喇～除

每次經過太子，都會幫襯依間涼皮，店舖以外賣為主，裝修不起眼，但係食物水準超高！涼皮$28未食過咁好食嘅涼皮，口感超滑同冰涼，總會掛汁好入味，煙煙韌韌，唔會好似平時嗰啲好重「粉」咁。中辣辣度夠又野味！配料亦豐富，有芫荽、蔥、花生、青瓜絲、爆脆豌豆，啲豆唔係講笑，真係好脆，正！整碗份量好充足，食到飽肚！椒麻雞$52叫左中辣，椒麻越食越辣好過癮。雞好滑，有雞脾、雞翅、雞胸等等，好似手撕雞咁咩都有啲，每一件雞都好入味，而整碗份量適中唔算多。

🥰招牌涼粉(加配鹵水豬耳、肥腸)好食！價錢合宜！可以加唔同餸🥰椒麻雞更好食！個人覺得小辣都好辣😝美中不足係，開得太遲！本想當午餐吃，結果要兩點半先開🤦🏼‍♀️，要食下午茶☕️