NUTTEA (旺角中心第一座) (已結業)

最愛的飲品店💕成日專門去飲旺角飲同普通飲品舖唔一樣，飲品都主打健康，水果茶都採用新鮮蔬果而不會使用濃縮水果汁🙌🏻啱晒啲想減肥同埋健身人士。仲有堅果奶可以選擇，堅果奶好適合素食者、健康人士、乳糖不耐症和牙齒矯正不適合咀嚼的人士。店舖最出名就係佢嘅堅果奶蓋，我好鍾意飲佢個堅果奶蓋😍好少見舖頭會用堅果做奶盖因為會成本好高。首先奶盖口感很綿密，再配上脆卜卜的堅果，有好濃郁嘅堅果味，令口感更上一層樓更加豐富。咁我就叫咗一個$45椰子水堅果奶蓋（期間限定）咁由於佢係冇添加任何糖水所以就冇得轉糖度。用新鮮椰子製作！本身好驚佢飲落去冇乜味，但飲落去好甘甜，再配上佢個堅果奶蓋一流💕另外一杯就係$40香蕉燕麥堅果奶飲落去好濃郁嘅香蕉味，仲有燕麥增加口感🤣成杯嘢飲健康又好味。

雖然依家有好多唔同既飲品店,但好多都係比較唔健康，又用全脂奶同加好多糖,唔係好揀得落手。但呢間飲品店係用杏仁整成既杏仁奶做底，再加唔同既水果／味道， 健康得黎仲可以好飽肚，可以等於一餐啦。今次揀左火龍果堅果奶同椰子水堅果奶蓋，都係健康之選。火龍果堅果奶就正常發揮，反而椰子水堅果奶蓋好有驚喜: )椰子同堅果係好夾既，出到黎好香甜但係唔會好漏，而且堅果奶係好香滑唔鞋口，再加埋奶蓋係個口感再豐富Ｄ。所以，點解每次經過都會想買: )