陳儀興玫瑰餐廳

營業中

休息中

今日黎左新蒲崗呢邊，老友知道我喜歡試新野，帶左我去呢間「玫瑰餐廳陳儀興」。講真見到門面可算其貌不揚，如果不是有人帶路，自己亦未必會試，它是帶有老店的感覺，也不是什麼富麗𤎌煌的裝修，估計應該是實力派一類。坐低之後，Order咗個椰子雞煲（半隻），好快一個充滿椰子香味的雞煲就送到我地面前，上面滿佈香芹、大葱、椰肉、大蒜，當然唔少得雞件，上枱嘅時候尚未滾起，慢慢加熱之後，椰香味四溢，超香。另外我哋叫咗個深海花膠（3両），試食價$48有圖有真相，深唔深海我唔識分，總之花膠大大件，真材實料，咁嘅價錢，自己都買唔到，馬上加埋落個椰子🥥雞煲度試吓先，果然香滑彈牙，啱晒我咁需要補充骨膠原嘅年青人😛再講番呢煲椰子🥥雞煲，足料不在講，材料吃得出新鮮之餘，味道混和之後十分匹配，椰肉經過時間煮滾後，椰香更濃，偶爾挾起咀嚼一下，更是滋味，而雞肉顯得更加嫰滑，讚！食到咁上下，整多碟手切肥牛（細），首先要讚就係刀功，厚薄一致雙飛切法。令灼熱時更平均和易熟，加上牛脂分佈平均，輕輕放在湯鍋上數十秒，入口肉香而不膩，特別有咬口，喜歡食牛的絶不要錯過。三寶丸，強調自家新鮮手打，包括蝦丸、肉丸和墨丸，蝦丸鮮甜，肉丸彈牙，墨丸

玫瑰餐廳陳儀興🌹🌹玫瑰椰子雞煲 （連 蔬菜籃）2個人份糧既雞煲有半隻雞🐥，一上黎既時候已經見到有好多椰子🥥。湯底好濃，會聞到好香既椰子味。雞好嫩口，為左唔好煮到d雞變老，我地決定食曬d雞肉先打邊爐。唔中意食洋蔥同臭草（芫茜）既朋友，記得加湯打邊爐前夾起佢喇，如果唔係好快痴底。火鍋既配料有好多可以揀，因為半隻雞對我地黎講都幾多，就無叫到肉。今次我地叫左：新鮮魚標$68嘩！第一次打邊爐食魚標好新奇有趣，好大份魚標，仲有2枝竹籤。原來落之前要督穿佢，唔係既話係煲入面爆就會彈曬d湯出黎，會辣親嫁喇！💥脆鯇魚腩$58脆肉鯇黎講，陳儀興真係好足料。出面食脆鯇腩都唔會厚切，除左厚切個口感會好爽之外，真係比其他鋪頭既份糧為多。哩個價錢係好抵食！😋自家韮菜餃 自家手包雲吞 各4粒 $42 + $5（雙拼）每粒餃同雲吞都好漲卜卜。雲吞入面有張蝦，而唔係切粒既蝦肉，豬肉都好新鮮。而韮菜餃就好足料，一咬開都是滿滿的韮菜der～手打芝心丸 $88貪得意叫左碟手打芝心丸，一碟有8粒。芝士切左碎粒之後，就同肉丸搓埋一粒。食落口唔似普通芝心丸咁，手打既丸同芝士既口感會溶埋一齊，咬落去就真係有mix埋左一齊既味度。唔似

幾個朋友仔黎新蒲崗學做手工藝，做得慢比預期中🙈冇睇有啲乜嘢想食。因為附近都係工廠區，諗住一係就去mikiki,但係其實我唔係咁鍾意食連鎖店。所以嗱嗱聲上OpenRice睇有乜食。一見到呢間排第一位，仲要冇負評仲好近整手工嘅地點。我哋路痴都係唔好周圍去就嚟呢間。一開門就係茶餐廳格局，坐滿晒人好恐怖🙈我記得上網睇過話呢間個海鮮鍋係要一早預訂，問個哥仔有啲乜嘢係好食。佢就介紹醉雞鍋同椰子雞鍋好好食😂行經一次我地枱就細細聲講一次😂咁就椰子雞啦，見到個賣相好靚仔，仲有好鍾意食嘅洋蔥芫荽同炸蒜頭。白色湯底好濃郁。一放低個煲就香噴噴啲椰汁好杰，偷食咗一啖有啲似沙嗲王嘅白咖哩，不過冇咁濃味。不過啲雞就鞋左啲糾結緊食本地手切牛要二百幾蚊定係食安格斯肥牛百幾，因為唔知有幾大碟，所以就叫咗個平嘅大碟版睇下咩料先。上菜嘅時候見到啲牛肉有雪花紋。肉嘅顏色都深色代表肉味相當濃，又知唔算多肥膏，不過有啲筋。影相中間有假花好似幾好睇，不過我見有塵🙈唔整仲好呢間野啲嘢食唔算貴蔬菜類只係＄18，一般打邊爐平均都要三十幾，仲有少有既萵筍雖然要加錢。其他即食野就$38例如蟹柳乜丸牛丸嗰啲。仲有啲內臟牛骨髓大腸豬粉腸都唔算貴＄

新蒲崗是窩夫與蝦子餅比較少出沒的地區，日前去試了一間口碑不錯的玫瑰餐廳陳儀興，單看它的名宇根本不會聯想到火鍋。火鍋配料選擇很多。落單後店員送來醬油和其他配料。點了一個椰子雞煲(半隻$128)，一上桌便聞到香濃的椰汁味。自家手包雲吞(8隻$42)隻隻脹卜卜，每隻雲吞都包有一隻鮮蝦。美國桶蠔($158)一客有六大隻，脹卜卜很肥美，煮熟後縮水情況不太嚴重。窩夫與蝦子餅都愛吃薯粉，點了手打薯粉($10)來試試，份量不少，很抵食呢。薯粉只需滾一滾便可以進食，口感軟滑煙韌，加點椰子雞湯來吃更加滋味。這是椰子雞煲附送的蔬菜籃，有冬菇、金菇和唐生菜等，冬菇很滑，吸了美味的湯底很好吃。另點了一客西洋菜($18)，新鮮爽脆。壓軸登場的是松露墨魚丸($98)，窩夫很喜歡手打丸的口感，咬到不少墨魚粒，可見真材實料，加入松露更具特色。凍檸芬即芬達橙汁加檸檬，窩夫從來沒有喝過，見有火鍋優惠價每杯18元，便點一杯來試試看，味道不錯呢。

今天約好新蒲崗工作的朋友，目標是去膠鞋特價倉掃貨。原本開倉價已是低於專門店，不過在特價倉優惠，買二對有八折，三對有七折，四對有六折。我們三人共買了五對，即是開倉價的千六，再有六折，真係＜抵到爛＞。購物後，總覺得心情特別愉快，要搵地方晚餐。不過冬風漸，就來個打邊爐吧！朋友在這邊工作，就由地膽帶路吧！ 來茶餐廳的門面：有早餐午市茶餐，晚市仲做埋打邊爐。心想：呢位餐廳老闆真有諗頭！晚市有小菜，又有邊爐，實行叫几飛，大包圍。不過最重要係，朋友話几好味，就相信朋友吧！卡位有插蘇配可移動的爐頭，枱面還有抽抽紙巾呢！茶餐廳竟然提供抽抽紙巾，相信食客們會很喜歡！又來到最重要的時候：點菜。我們之中，有人不食辣，有人不食海鮮，所以選了最中庸平和的椰子雞煲。　椰子雞煲 配唐生菜　　這裡是茶餐廳，不要強求有椰青／椰皇水。這個椰子雞煲，用了杰撻撻的原味椰漿，即是芒果糯米飯所用的高粘度椰漿。再加上雞件，洋蔥，蒜子，大蔥，芫茜，就變成茶餐廳版本的椰子雞煲。鍋內椰子雞湯底開始翻滾，先放入耐煮的食材，然後來到牛肉了！安格斯牛頸脊~大　薄片牛頸脊，紅多白少，以肉味為主。加上是對半開成蝴蝶狀，方便煮熟。放在湯面，慢慢地把牛

之前朋友推介呢間餐廳打邊爐好好味，咁啱又系mikiki 行街，行完又到食飯時間，突然諗起玫瑰餐廳陳儀興，所以就黎試下系咪咁正先。椰子雞煲一上枱香噴噴呈奶白色，好杰身好濃郁椰子味，雞肉好滑溜不鞋，每件雞都充滿椰子香味好鮮甜，仲有椰子肉好爽口鮮甜，真是真材實料，湯底好好飲。打邊爐必叫生蠔，生蠔大大隻，好新鮮又唔會好腥，滾熟了生蠔依然大大隻。蓮藕片好爽口。手切肥牛油脂雪花好均勻，一入口好重牛味，肥牛又不韌😋椰子雞煲包埋個蔬菜藍，好抵食仲要咁大兜。

新蒲崗雖然工廈林立 但原來也好東西 今次由米飯班主屋企去mikki途中遇見 一間名字挻特別的餐廳 "玫瑰陳儀興” 所以故意停下來看看 餐廳雖然沒有富黎麗堂皇的裝修和門面 即使不是假日但卻頗多人在店裏食飯 一定是有什麼過人之處 所以決定和米飯班主一於行完街去試下 八時半來到餐廳 餐廳坐滿四分三人 晚飯時候除了主打既打邊爐 仲有各式各樣既小菜（係真係好多款） 真係花多眼亂好難選 最後我們點了老闆推介我們新出的椰子雞煲 海鮮拼盤,本地手切肥牛, 蟹籽墨魚滑,韮菜餃 椰子雞煲 一黎到就已經聞到好香既椰子味 湯底除了用上了椰漿和椰子肉仲加入香茅紫洋蔥,椰香滿滿香氣撲鼻 湯底比一般濃稠,但入口香甜椰味濃郁 絕無油膩感雞肉滑溜且非常入味 即使加左湯打邊爐,湯底依然清甜帶淡淡椰子味 雞迷米飯班主同小妹都表示對這雞煲非常滿意 海鮮拼盤 海鮮種類非常多 有蟹仔,蝦,蟶子,鮑魚,鯇魚,蠔,帶子 蝦是新鮮海蝦,肉結實一點都不會霉 蟶子不小,不會有沙,肉質爽口彈牙 蠔肥大肉厚,蠔味濃郁 鮑魚小小隻,但一啲唔韌 蟹仔則吸收曬湯汁 咬下去既時候湯汁更加係流出黎 鯇魚爽脆一點也不腥 而帶子亦都嫩滑 每一款都非常鮮甜新

住在鑽石山的我，又係區內發現新火鍋好去處，食神又要出動啦～！！💃🏻💃🏻💃🏻 和小妹正苦惱着要去邊到食野的時候， 就發現附近有一間店面裝修好街坊feel，但名字又有點親切感的餐廳 ——「玫瑰餐廳陳儀興」（下稱陳儀興）。 點解有親切感？ 因為小編一向都要是相熟的人，才會叫中文全名，所以餐廳取其名為「陳儀興」不禁給了我一份莫名的親切感，☺️ 見門面也有不少吸引的火鍋介紹，就入去試試啦。🙈  餐廳擺設都是以普通茶餐廳裝修為主， 座位大部份都是靠牆的卡位，有電視高高掛在牆上供食客收看，  雖然沒有特別的裝修，但我覺得食個飯其實環境乾淨整潔即可。😉 餐牌除了有各式小炒選擇之外，  還有秋涼時分最適合的打邊爐和食雞煲，選擇十分之多， 除了有傳統重慶辣雞煲，又有花雕雞煲、豬肚雞煲、娘惹鴨煲等，😲  我們千挑百選，就選了味道頗為新穎的椰子雞煲（半隻）（$128）。 椰子雞煲食得多，但咁重椰子味的雞煲就第一次試。😲 平時食開的椰子雞煲，感覺都會像喝老火湯一樣，椰子味最多只是微微地滲透出來， 但「陳儀興」的椰子雞煲卻是以新鮮椰汁製成的椰漿烹調而成， 椰漿比較濃稠，明符其實的椰子味，香甜可口，又不