河內越式料理

營業中

休息中

😚經過尖沙咀想食一碗熱辣辣嘅湯粉，喺堪富利士道有好多餐廳選擇，其中一間越南餐廳人頭湧湧，我哋兩個人係晚市時段等咗一陣就有位。我最鍾意食越南湯河，餐牌內選擇好多。我就貪心啲叫咗一個牛三寶湯河，有齊牛丸、牛展、生牛肉，一次過滿足三個願望😆充滿牛肉香濃味道，大滿足。朋友叫咗一個豬扒蔥油飯，豬扒鬆軟多汁加上充滿油香嘅蔥花，香口惹味。加上兩個賣相都唔差，再叫咗兩個小食。😍侍應姐姐介紹炸蝦餅，同埋炸春卷。果然冇介紹錯！兩款都香脆可口，尤其是蝦餅非常足料，唔會炸得太乾。👀見到周圍每檯個個都嗌椰汁冰，我哋兩個都唔執輸，加$12有一杯特飲，點左椰汁冰，另一杯係珍多冰。食炸嘢飲椰汁冰，簡直係最佳配搭。兩個人埋單都係二百幾蚊，咁抵食，可以再嚟🥰

突然想食越式野，又唔想食太貴搵到呢間尖沙咀既。河內越式料理。晚上9點左右，呢個時間唔洗等有位因為堪富利士道比較靜，人流唔多雞絲湯河粉$56，個河粉份量夠晒多，雞絲都幾多咬感唔係老雞，個湯都幾好飲，一出即上夠熱！如果唔鍾意食蔥既朋友要叫少蔥，但我就覺得好正。食越式嘢一定要有洋蔥，覺得唔夠問姐姐拎，服務太態好好👍🏻👍🏻扎肉湯檬$59，個湯感覺比雞絲湯河個湯濃味d，唔知一唔一樣㗎呢，扎肉正常野冇乜特別，輕輕胡椒味實肉唔粉夠彈牙，檬粉份量都多，辣椒青椒係另上 ，要先加都幾好椰汁冰$12 ，非常抵，椰子味幾香甜，推薦越式炸蝦餅（細）$29 ，一塊切4件，價錢適中，炸皮唔厚夠脆，炸得岩岩好金黃色，好香蝦味有咬口，好好味，值得一試！夠熱一出即上！

晏就喺尖沙咀The One買完新衫準備過新年，落到樓又忽然覺得有啲肚餓想坐低食下野坐下，行過兩條街見到中銀同建行對面有間越南野，價錢正正常常就入咗去啦。見餐牌選擇都係一般越南菜式，當然唔少得有牛肉粉同撈檬嗰啲啦。我就食開湯檬嘅，鍾意濕濕地入口😌所以叫咗一碗順化蕃茄蟹肉扎肉湯檬，要多杯凍椰汁冰🥛🥛一個人等緊嘢食期間，四圍望吓，舖頭唔算大但望落都幾乾淨企理，枱面都有唔同嘅越南醬料擺咗喺度，有紙巾又有搓手液提供，衛生都做得幾足👍🏻侍應仲俾咗杯熱茶我添，幾貼心☺️椰汁冰（主食配特飲加$12）椰汁冰先來，飲落又無出面果d咁甜喎，唔錯唔錯👍🏻叫一個主食加$12就有啦，仲想點😁順化蕃茄蟹肉扎肉湯檬 （$66）檬粉上嘅時候配埋有一小杯青檸同辣椒粒，目測係幾大碗，比其他餐廳食嘅份量多，有蟹肉有扎肉又有啲肉碎仲有兩粒豆卜，真係好多材料😍😍個蕃茄湯底唔會太酸同埋太鹹，食唔出有茄膏味，本人覺得個湯底真係唔錯😋😋我仲竟然食唔晒成碗粉添，因為份量實在太多，男仔一定夠飽😉食完就真係當去咗河內啦😂😂疫情下有排都冇得去旅行，唯有幻想一下，真係有得去旅行嘅時候我都想去河內玩吓😎😎