Cafe Siam (科士街) (已結業)

留咗喺屋企home office多日，前兩日終於出街接男朋友放工再一齊晚餐。呢排出街食都要好小心，寧願食貴少少，都要搵間乾淨啲嘅！西環都幾多選擇，見到Cafe Siam嘅裝修好企理又好有泰國風情，所以食呢間。每次食泰國菜，都有幾樣食物一定要食！其中一樣就係泰式沙律，我同男朋友都好鍾意泰式沙律嘅調味配搭，又酸又辣，而且好多蔬菜好健康。今次我哋叫咗泰式燒牛肉沙律，呢個燒牛肉好高質，中間係粉紅色，肉質嫩滑，配埋啲新鮮蔬菜同埋酸辣汁，好開胃，勁推介！另一樣必食係燒豬頸肉。今次係炭燒豬頸肉伴酸子醬，豬頸肉外面燒得香口，肉質彈牙，配埋香辣嘅酸子醬，非常惹味！主菜方面，我地食咗炒金邊粉同椰汁焗飯。炒金邊粉賣相好吸引，有蛋花皮包住。金邊粉炒得有鑊氣又唔油膩，亦好足料，兩隻大蝦新鮮彈牙，絕對係水準之上！太耐無出街食，今次我哋好大食，仲叫咗個椰汁焗飯，真係食到好飽！呢個椰汁焗飯好有誠意，好足料，差唔多每啖飯都食到條新鮮嘅椰肉，仲有雞粒同青豆，呢種足料嘅程度真係唔係好多間做到。我哋仲食咗泰式飛天通菜，通菜爽口又有鑊氣，我哋都好滿意。甜品本來想食芒果糯米飯，可惜當日無芒果，店員推薦我哋食南瓜焦糖布甸。我哋未食

其實我同男朋友都幾鐘意港島區嘅餐廳，新界西最近多左過海搵飯食，不過車費真係太貴…Cafe Siam就喺堅尼地城站出口對面，位置方便。同蘭桂坊嘅分店唔同，呢邊係地鋪，裝潢簡單，但我鐘意呢度光猛啲。餐廳面積唔算十分之大，但用上木枱、木凳襯托灰色牆身、色調和營諧，營造空間感。亦都可以選擇坐吧枱，每逢假日特別多客人黎過一個悠閒下午。餐單選擇豐富，有泰式小食、沙律、湯、咖喱、海鮮、肉類、蔬菜、飯麵、甜品等。青檸蝶豆花特調 $38 (原價$48/新張優惠)賣相好靚嘅飲品，大玩漸層顏色，蝶豆花本身冇味道，所以呢杯其實就係青檸梳打，可按個人喜好添加糖水，中和酸味泰式奶茶 $48茶味較淡，飲落有少少雲呢拿味，同港式奶茶好唔同。冬蔭蝦湯 $80睇個賣相以為一般？但好好飲啊，份量大概有兩碗半，真材實料裡面有兩隻新鮮大蝦，蝦肉爽口彈牙，加上磨菇，值回票價；香茅味唔會過重，飲落唔會太鹹，適合港人口味。泰式單骨雞翼 (冬蔭) $68單骨雞翼係西環店限定，雞翼切開一半，方便食用，冬蔭味道唔算好強烈，但比起雞中翼較乾身燒豬頸肉伴酸子醬 $92豬頸肉燒得剛好，外皮微脆，肉質保持腍嫩，而且份量頗多。附上酸子醬中和，食落完