深深甜品

營業中

休息中

深深甜品相當出名，尤其係芋泥地瓜圓、珍珠仙草之類，8點已經坐滿咗一大半舖頭嘅位。雖然係主打台式甜品，但都有好多港式糖水嘅選擇，試過少少椰西，椰汁香+有口感西米，真心推薦。*即制蛋白杏仁茶 $26 (+芋圓地瓜圓 $7)餐牌寫住“正”，仲唔係必叫嘅糖水，但深深嘅芋圓都好出名喎，所以我決定加$7加芋圓地瓜圓。果然不負眾人所望！蛋白杏仁茶有超級濃杏仁清香，質地濃厚，杏仁茶+蛋白順滑，唔會太甜，食得出真材實料。芋圓地瓜圓都非常優秀，煙韌又不失芋頭蕃薯香，比起有芋圓粒蕃薯粒嘅粒粒口味，我更加偏好深深嘅單純芋頭蓉蕃薯蓉，而且加$7份量合理。

收工去食個糖水，順便搵走左冇耐既同事吹下水！呢排口水係多左d第二次黎深深甜品，今次叫左紫米露配清心丸$29紫米露正喎！清心丸又幾特別架喎！煙煙韌韌咁！舊同事食椰汁西米配包心芋圓$29佢話包心芋圓好得意，都幾好味！我第一次黎既時候係揀左黑糖薑茶配包心芋圓$29當時岩岩失戀，睇到佢既裝潢，一路食住呢碗糖水，真係別有一番風味呀....講返包心芋圓，我真心推介！總結，呢度既糖水性價比高，味道好，抵食，環境都唔錯！IG: f.nbreak

餐廳裝修行懷舊風，甜品選擇多。整體甜品唔算甜，價錢可接受。豆花紫花園 $38超多料🤤有黑糖水晶,紫米,豆腐花,芋圓...黑糖水晶似有甜味既涼粉，配埋一齊食，幾好食。本身最期待冰烤紫薯雪糕，食落雖然滑，但冇咩紫薯味。另外，芋圓食落煙韌，還過得去。椰汁西米配包心芋圓 $29係有饀既芋圓😍真係第一次食，總共有三款，每款都包左唔同饀，地瓜圓最好食👍入面包左芋泥，煙煙韌韌，碗仲有好多粒。只有兩款糖水跟有饀芋圓，如果其他甜品都可以加就好。

食完晚飯，當然要食甜品，剛好看見這間深深甜品挺多人的，所以決定一試。仙草紫草園 （$38）：有紫薯雪糕、黑糖水晶、蜜紅豆、仙草和芋圓，配料種類多，口感十分豐富。紫薯雪糕是少有的雪糕口味，還可以食到粒粒紫薯肉。椰汁西米配包心芋圓（$29）芋圓有咬口，真材真料，而且這款包心芋圓十分特別，芋圓還分別包著紫薯餡、番薯餡和芋頭餡。配上紅豆和西米露一起吃，口感很好。而且整體不太甜，很合我的口味。下次要再來試試其他的款式！