鼎尚棋哥燒鵝湯館 (已結業)

眾所周知，鼎爺喺煮食方面都有一兩手，但係餐廳多行貴價老路線。💸 今次，佢同棋哥喺戲曲中心開嘅餐廳就比較貼近平民路線，主打靚湯同埋燒鵝。⁣⁣⁣⁣⁣🤩⁣⁣⁣⁣⁣⁣⁣椰皇燉嫩雞 ($138)⁣⁣⁣⁣⁣ [好味度: 8/10]⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣ ⁣鼎爺將私房菜中的燉湯帶給大眾，而呢個係就係招牌靚湯，非試不可。🥳 原隻用椰皇上，將兩個椰皇水、加雞、椰肉同香茅燉成一個，超足料。😋 飲落清甜無比。⁣😚 用料天然，一啲味精都無落。⁣⁣⁣😲⁣⁣⁣⁣⁣⁣⁣荔枝柴燒鵝飯 ($88)⁣⁣⁣⁣⁣ [好味度: 8/10]⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣ ⁣除咗鼎爺嘅燉湯係必試之外，棋哥嘅燒鵝都係招牌。😬 棋哥對燒鵝非常堅持，令佢以燒鵝聞名。😝 今次鼎爺棋哥雙雙聯手，燒鵝只選鵝乸，所以皮脆內嫩，零舍充滿鵝香。😜 而且經過荔枝柴火燒過，鵝皮表層散發淡淡荔枝柴香，更加令人垂涎三尺。⁣⁣🤤 順帶一提，見到餐牌有個「燒鵝祕笈」，原來係簡介原隻燒鵝食法，可惜今次冇食原隻燒鵝。⁣⁣😂⁣⁣⁣⁣⁣⁣⁣桂香切雞飯湯瀨粉 ($78)⁣⁣⁣⁣⁣ [好味度: 7.5/10]⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣ ⁣除咗燒鵝外，其他燒味當然一樣出色。👍🏻 呢個雞控制喺啱啱好熟嘅狀態，造就出最嫩滑嘅口感，再加上特製湯底，清甜入味。⁣⁣⁣⁣⁣😗⁣⁣⁣⁣⁣⁣⁣脆皮燒腩仔例牌($108)⁣⁣⁣⁣⁣ [好味度: 7.5/10]⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣ ⁣燒腩仔皮鬆脆，當然係基本。😌 驚喜嘅係，雖然冇乜肥膏，但係肉質嘅層次依然分明。😳 重點係少啲脂肪，唔會過肥，一嚟無咁肥膩，一嚟又減輕罪惡感。⁣⁣⁣⁣⁣🤫⁣⁣⁣⁣⁣⁣⁣港式奶茶 ($28) ⁣⁣⁣ [好味度: 7.5/10]⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣ ⁣港式奶茶用上外賣樽裝，好特別，亦都好方便邊行邊飲。⁣🚶 除咗奶茶有外賣裝外，外賣湯杯都有特別嘅外賣裝，同樣方便。⁣🤟🏻⁣⁣⁣⁣呢間餐館賣嘅嘢食都係港式嘅傳統味道，餐廳設計亦都好反映呢個特點，充滿懷舊設計。⁣⁣🧧⁣…查看更多

一直都有聽朋友講過話棋哥燒鵝好食，知道戲曲中心都開左間棋哥燒鵝仲要加埋有鼎爺的燉湯飲，所以就去試下。戲曲中心就係柯士甸站，一出就到，如果係佐敦站行過去都唔係好遠，大概10分鐘路程。餐廳的裝修都幾特別，除左有好中式的壁畫，也有算盤做裝飾，另外收銀位置像個百子櫃，什有中國特色!連餐牌都好特別!椰皇燉嫩雞，黎到呢度當然要試下鼎爺的燉湯，呢款燉湯非常之甜，原來用上了兩個椰皇水加椰子肉同埋雞一齊燉，所以好香椰子味，非常清甜!螺頭黨參五指毛桃燉湯，這款湯飲落好甘香，碗入面亦好足料，好耐冇飲過咁足料的燉湯!荔枝柴燒鵝飯，這裡的燒鵝皮非常脆，肉質嫩滑多油份，十分juicy!加上酸梅醬一齊食，能減去油膩感。桂香切雞瀨粉，除了食招牌燒鵝，這裡的雞也很有水準！我都有一段時間冇食過瀨粉啦，這裡的瀨粉湯底清甜而且唔油，瀨粉爽口。切雞肉質嫩滑而且好香雞味，十分出色!  脆皮燒腩仔，我一向都唔太喜歡食燒腩仔，但係呢度的燒腩仔竟然可以令我食到唔停口!豬皮非常鬆脆，唔會令人覺得好漏好油，肉質層次分明，唔會只係得肥膏，肉和肥膏的分配很平均，而且味道唔會好咸，非常惹味!外賣樽裝港式奶茶，這裡的奶茶味道剛剛好，茶的澀味和奶味岩岩好。阿爺涼茶是雞骨草，雞骨草的味道較出面仿間飲到的苦，但苦度剛好，又不會過甜，證明涼茶真材實料!最後因為食到好飽，外賣走個湯，估唔到他們的外賣湯杯非常貼心，像咖啡杯設計，可以一到行一到飲，仲有個手抽，方便拎住，唔怕燙親!…查看更多

鼎爺私房菜好出名相信大家都知道，book咗都要等起碼大半年先有得食，聽講鼎爺啲燉湯仲好好味！而棋哥嘅燒味亦都好出名，成日見到佢銅鑼灣店人頭涌涌，最近留意到佢地竟然一齊開咗舖，而地點更係喺戲曲中心，平時經過都見到新起好嘅戲曲中心好靚，但就一直未去過，所以即刻約朋友去食鼎爺燉湯同棋哥燒味，順便睇下戲曲中心入面係點。平日夜晚去到好彩去到都唔洗等位，不過都見到幾多客，見到佢地嘅餐牌真係好有心思，專登整成中式月曆咁，好靚！餐紙同埋紙巾都印咗餐廳名，餐紙仲好精美，而家已經好少見到咁揼本嘅餐廳啦！餐廳嘅裝修都好有特色，除咗門口有懷舊鐵閘同埋牆上嘅手繪壁畫之外，仲有呢個復古味濃嘅中式算盤，真係好特別！秋風起，最好就係飲返盅燉湯補一補，呢盅椰菜瑤柱海皇湯真係真材實料，隨便一撈就已經係蠔豉同埋乾瑤柱，真係落足料好揼本！椰菜瑤柱海皇湯聞落已經好香，飲落去清得來又有好鮮嘅味道，仲有少少回甘，真係好正！遘到補，又點少得椰皇燉嫩雞，一打開已經聞到好香嘅椰子味，飲落好清甜，估唔到燉咗咁耐但雞肉都真係仍然保留到鮮嫩肉質，真係好鐘意呢盅湯，我會俾100分！！！店內員工真係好nice，佢地仲專登拎個外賣攜杯出黎介紹俾食客知原來佢地呢度嘅燉湯可以外賣！個外賣杯真係好吸引，方便拎之餘設計仲好方便飲同攤凍，真係睇得出佢地好有心！荔枝柴燒鵝飯真係呢度必食嘅燒味飯，而家仲用荔枝柴去燒嘅燒鵝真係買少見少，賣相仲好靚，食落表皮夠薄夠香脆，食落真係食得出荔枝柴獨有嘅香味，燒鵝份量都好多，肉質夠厚夠多肉，而且唔肥，賣相吸引。對於我嚟講，燒味一定要食脆皮燒腩仔，呢度嘅燒腩仔皮夠脆，咬落啲聲脆卜卜，味道唔會太鹹，發覺而家可以食到個皮真係脆嘅脆皮燒腩仔真係唔容易，好彩喺呢度可以食到高水準嘅燒腩仔！桂香切雞選擇配瀨粉，平時好怕啲切雞好肥好油，而呢度嘅雞皮唔多肥膏，切雞肉質好滑好新鮮，搭配薑蔥蓉一齊食就更夾！奶茶見住店員喺凍櫃拎出嚟，冰凍嘅奶茶真係同燒味好夾，茶底香濃又夠滑，唔會太甜亦都冇澀味，剛剛好。成個感覺都係好港式，呢啲真係香港獨有嘅美食，要好好保留呢啲咁能代表香港嘅特色…查看更多

早前親戚在尖沙咀戲曲中心有演出，於是我倆便到場支持。入場前，去了中心內的鼎尚棋哥燒鵝湯館食飯。這間是鼎爺(李家鼎)跟棋哥(黎樹棋)一齊開設，以燉湯和燒味為主的餐廳，可讓人同時嚐到他們的拿手靚湯及燒鵝。為配合燉湯和燒味是香港傳統美食的代表，所以餐廳用上懷舊鐵閘、復古算盤、海報、手繪壁畫等充滿懷舊特色的裝潢，給人帶來不一樣的感覺。當中最搞鬼的是用了一舊薑作筷子托，真的有心思呢！這裡有多款燒味及燉湯選擇，更有燒鵝套餐添！由於有點肚餓，所以叫到成枱都是美食。(左) 椰皇燉嫩雞 (HKD138/盅)(右) 白果腐竹燉雞湯 (HKD78/盅)椰皇燉嫩雞材料新鮮，內有嫩滑雞肉、清甜椰皇水、椰子肉，另加入香茅，令椰子味更提升，打開椰蓋，湧出濃郁椰香味，入口滋潤，鮮味十足。白果腐竹燉雞湯同樣真材實料，放入嫩滑雞肉，清香的白果、補氣養心的腐竹，令每口湯入口清甜、燥熱全消。(後) 秘製叉燒 (HKD108/例)(前) 油菜 (HKD28/碟)秘製叉燒半肥瘦，外皮微焦、肉質鬆軟、肥瘦層次均勻、肉汁豐富油香，伴飯一流！荔枝柴燒鵝飯 (HKD88)有禮的服務員告知，燒鵝每日由江門石井運來香港，以荔枝柴煙熏，燒約45分鐘。唔怪得眼前的燒鵝皮香肉滑，肥瘦均稱，入口味美，仲有陣陣煙熏味啦！桂香切雞米粉 (HKD78)切雞選用桂香雞，雞皮爽口、油香滿溢、肉質嫩滑，這裡所有燒味飯可轉瀨粉或米粉，所以換個新口味，轉為米粉，原來味道都很夾呢！凍奶茶 (HKD28)最後當然要飲番枝香滑外賣奶茶先圓滿啦！老公話阿爺靚湯好好飲，所以就叫了兩杯外賣帶回家嘆，估唔到這裡的外賣湯杯設計相當精美，仲配有外賣手抽，方便攜帶，又可隨手飲用，正！…查看更多

聽聞呢間餐館鼎爺有份開🙊，位置係尖沙咀戲曲中心入面，裝修以懷舊為主，有手繪壁畫、復古算盤、海報，仲有懷舊鐵閘，好有特色💕食物方面燒味做得亦相當有水準，叫咗個荔枝柴燒鵝同玫瑰豉油雞，肉質都非常嫩滑，另外叫咗個秘製叉燒，肥瘦亦適中，食落相當滋味😋不得不提呢度既燉湯，真係超重料，心機貨黎‼️叫咗個椰皇燉嫩雞同杏汁花膠燉白肺湯冇諗過椰皇燉嫩雞真係成個椰皇上，黎到既時候仲出緊煙😍，椰味超濃，入面有切好咗既椰皇肉同好多嫩雞肉🥳杏汁花膠燉白肺湯就有成大舊花膠係入面，仲有好重既杏汁味，飲落好香🥰飲完唔夠喉仲可以打包外賣返屋企! 外賣湯杯設計特別，仲好細心配埋外賣手抽，方便擕帶，仲可以隨時飲用!…查看更多