金滿堂甜品

營業中

休息中

在九龍城食完晚飯，最好食個甜品，九龍城大把甜品店選擇，因為之前在九龍灣食過金滿堂覺得唔錯，便入了店內。眼見好多枱食客都食椰皇，老公便叫了椰皇蛋白燉湯丸，而本人喜歡食湯丸，叫了超辣薑汁湯丸。椰皇非常原味，可食到陣陣椰香味，不會太甜又潤喉。底部的蛋白非常嫩滑，滑到以為是豆腐花，芝麻湯丸細細粒容易食，唔錯的甜品。超辣薑汁湯丸，食一口湯丸，芝麻餡流出來，皮薄餡靚，好似是…..寧波湯丸，飲一口薑水，真係好辣，飲完個身都暖哂。

九龍城係食肆林立既地方，但坐低食既糖水舖或甜品店就相對較少，做得出色既感覺無咩。呢間幾年前都黎過，覺得好一般，佢衣家越做越大，同一條街幾個舖。坐位唔係好舒服同有少少迫，張椅子有少少向前傾………張枱就太細張，放唔穩隻手！佢都係預你食完就走，唔好阻住做生意…叫左個佢地既名物椰皇蛋白湯丸，上黎水汪汪以為比錯我，原來燉蛋白係下面。燉蛋白好滑，加上用椰皇水燉，有椰皇香，上面水汪汪既椰皇水，唔會太甜，岩我！麻茸湯圓唔似係自製，兼且份量唔係好夠，美中不足！