影片
營業時間
今日營業
15:00 - 02:00
星期一至日
15:00 - 02:00
以上資料只供參考, 請與餐廳確認詳情
相關文章
第一次食椰皇係order外賣，估唔到有驚喜，送到黎仲暖笠笠，keep到個溫度之餘，仲有個靚仔外賣樣，所以心心念念想試一次堂食🤭.短短用餐半小時，已經見到外賣單無停過，keep住都有車手拎外賣送餐，果然係九龍地最hit既糖水店之一😌.💎鎮店之寶椰皇桃園燕真係超級潤心潤肺，有齊晒，清心丸、桃膠、芋圓、雪燕集來於一身，我全都要🤓🤓.🥥椰皇燉雪蛤唔係好多糖水舖有燉雪蛤食，所以見到真係要試一試佢😍入口即化，甜而不膩。除左好味，仲好滋潤
繼續閱讀
15/9/2024📍金滿堂甜品呢日夜晚想去遊車河 又唔知去邊好 最後決定揸遠啲去食糖水😂去到果時已經12點 舖頭仲係坐滿晒人 仲有唔少人等外賣 望落好多都係街坊 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨寶島（$46）呢款嘅組合係芋圓、西米、小丸子、咖啡啫喱、芋泥、鮮草 個底係黑糖水 咁多配料 啱晒心大心細咩都想食嘅人🤣唔係好甜 我哋覺得啱啱好 ✨雪中送炭（$40）呢款係熱食嘅 有芝麻湯圓、燉蛋白、清心丸 個底係椰汁 甜度比上一款高好多 但都好食 特別鍾意燉蛋白 好香好滑😍椰汁好香 同燉蛋白好夾⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$86（冇加一）甜品講唔上有幾特別 但試到嘅兩樣都唔錯 想食港式糖水嘅不妨嚟試下☺️推薦指數🌟：3.5/5📍 九龍城城南道9號地舖
繼續閱讀
同朋友食糖水去左附近九龍城度，呢間開左好耐既金滿堂試下先。叫左一個鎮店 之寶 :桃園燕 🩷🩷🩷呢個係我覺得價錢最貴，又最期待嘅一個甜品。因為佢都60蚊一個，一嚟到見到芋圓，其實唔係好多粒，我果個椰皇應該五粒芋圓左右，份量好少，而桃膠同埋雪燕都係比較散，清心丸都係四五粒左右。蛋白既比例都係得一半，見到比較多係加咗好多椰汁落去。如果以呢個價錢質素嚟講，我係比較唔推介，因為$60糖水嚟講都真係有啲貴，但係嗰3分係俾個味道叫做正常不過不失。所以我覺得可以唔使試呢個甜品。金枝玉葉 🩷🩷🩷🩷🩷呢個係我比較驚喜嘅一個甜品，因為佢啲芒果汁好濃，而且佢用呢個芒果汁嚟做底真係一流👍🏻，再加上佢啲小丸子同芒果仲有水晶珠同龍眼，你見到佢呢個糖水係足料過椰皇果個糖水，同埋佢先$42相對黎講佢性價比好高，連我朋友都讚不絕口，可見佢芒果系列真係做得相當唔錯。麥提莎糯米糍🩷🩷🩷🩷佢呢個糯米糍好耐之前，我都有試過。但係之前八粒好似先十幾$20左右。依家已經加價$20得五粒性價比較低，同埋佢同以前個味道有啲唔同，因為我份人鍾意食嗰樣嘢就會好記得佢嘅味道，佢同我之前食過味道之處，覺得佢朱古力味冇咁濃，以前食佢外皮嘅朱古力味較濃，不過佢都係一樣咁煙靭。我覺得冇以前咁出色。總括嚟講如果個人係比較鍾意食芒果系列嘅話我好推介食呢間糖水，但係如果係真係純粹想食吓糖水嘅話 ，我覺得附近有幾間性價比都好過呢間👍🏻因為依家食糖水大多數人都係諗住同朋友聚吓舊吹吓水，都想搵返啲性價比比較高嘅糖水舖，所以睇吓你自己係咪比較鍾意食芒果系列可以值得一試👍🏻五個心心為滿分金滿堂甜品 (九龍城)九龍城城南道9號地舖
繼續閱讀
雪中花是豆腐花底，雪糕➕紅豆and涼粉，價格是42，個人覺得偏貴，涼粉唔好食，紅豆同豆腐花正常，唔出彩，但是奶茶雪糕幾好食金玉滿堂46🦟認真難食！芒果汁底同芒果粒是酸的，啲配料再甜都無用，大大減分！完全無推薦。聽說是招牌，招牌咁難食，不敢置信！份量又細
繼續閱讀
每次去九龍城搵食都要留肚食糖水，除咗老字號，金滿堂係我新寵，佢有好多新派甜品，椰皇/榴槤吸引到唔少人，款式多到令人有選擇困難架 👉👈 Love their coconut desserts, low sugar and natural flavours. There are a lot of choices that will definitely overload your mind💆 Do check this out when you go to one of the nearby Thai restaurants.
繼續閱讀
您可能會有興趣的...