河內大娘越南餐廳 (已結業)

剛上完插花班與同學們一起去品嚐越南菜。其中一位同學極力推薦尖東附近的一間越南小館。當我們走近小館附近己聞到好香的牛肉湯味道，心中有數，果然同學仔無介紹錯。先來個小食拼盤，有炸春巻，炸雞翼，蒸粉卷和炸蝦餅。當中最欣賞蒸粉卷，皮薄透餡，熱辣辣，加添魚露汁更美味。蒜蓉炒豆苗好有鑊氣，蒜蓉爆香，豆苗鮮嫩鮮甜，最適合這個季節享用。同學仔推介椰青蟹，各人都好期待喔！陣陣椰香，湯底好有濃厚的蟹膏味。奇怪在於椰青水的清甜和蟹膏的濃郁味各有所長，誰也搶不了誰的味道。蟹肉質鮮嫩。椰肉也非常嫩滑。真的好好味。既然入門囗之前己聞牛肉湯香味，無理由唔試一下牛肉湯河。好鮮甜好有牛脂香的湯，一試難忘。河粉細滑。牛肉熟度剛好，口感嫰滑。最後試了杯越南咖啡，從滴流出來的色澤己略知濃度極高，非常濃香的味道。加少許練奶中和了濃度又變得滑溜了。

今日係尖沙咀開完會，天氣有少少熱，想食啲開胃菜，最後選擇左呢間越南菜，餐廳由上到下，由廚房到樓面都應該係有越南血統，餐廳仲播住越南音樂，由傳統越南風两個人叫左好多野食，重點推介两個餸：椰青蟹：選用了膏蟹，蟹膏好多，蟹肉結實爽甜，而湯方面，椰青既清甜同蟹既鮮甜配合得天衣無縫，最後食唔晒啲膏但飲哂啲湯大娘蒸粉包：餡料非常豐富，粉皮薄而幼滑並有濃濃既米香，配上越南酸汁更帶出餡料既味道春卷，串燒，牛柳沙律，屬於中上水平，但提醒一點，如果唔食辣，叫牛柳沙律個時，叫小辣

東南亞菜之中, 最喜歡越南菜, 因比較少辣也不太重味。今次去這家, 從外面看比較平實, 沒豪華裝潢, 但我向來用餐都不講究場面, 好吃即可, 既然食評評價很高, 就即管一試。今天是平日但餐廳都差不多坐滿, 三個人點了六道菜, 三杯飲料, 上菜速度很快。先來飲品, 兩款飲品都有果肉品嚐, 推介椰青食物方面, 椰青蟹啱晒我呢個蟹迷, 其他都係越南菜必點之選感覺很滿足一餐, 本還想點碗越南必吃的越南河粉, 但quota已用盡, 下次再來吃。

仲記得暑假去澳洲既時候，日日依薯仔、意粉、薄餅，我有一日忍唔住，一支公，一支箭走左去唐人街個熟食市場食碗PHO。從此人地問我如果世上只剩一樣野食，我想係咩，我可以大大聲講係一碗湯粉面，個個治癒效果係千金難買！黑雨過後同同事黎間新越南餐廳一試，地點好方便，P3地鐵一上直行就到，招牌夠光，一眼望到！越南炸蝦餅$68蝦餅看似簡單，從折肉到打到起膠，真係下下都係力！越式既蝦餅又混入香茅，所以食起有陣淡淡既芳香:）口感爽口彈牙，懶人最開心啖啖人肉！烤牛肉沙律$68越式沙律就係咁開胃，味道鹹鮮帶酸甜微辣，感覺好清新健康！蕃茄、青瓜、洋蔥都好爽甜，最鐘意係個d炸蒜片！軟殻蟹米紙卷＄78越南米紙卷就係當地既經典小食，米紙薄得透光！包著包羅萬有既材料:芒果、青瓜、生菜同主角軟殻蟹口感十足，配埋惹味汁，真係食唔停口！椰青蟹$368個個食大閘蟹，我就食膏蟹玩特別！隻蟹都算大，兩個人分岩岩好，仲有超多糕。由訴用成隻椰青，個湯甜到痺，飲左幾碗！生牛肉粉 ＄68個湯底都好清甜，慢慢見住D牛肉紅變啡，都幾開心。