好時沙嗲

營業中

休息中

好時係我每1-2個星期就會想去食嘅餐廳。以前勁多人, 疫情之下少左好多,但星期五依舊係會開埋另一間房,多d位。海南雞係一定要叫! 每次都叫半隻, 3個醬都好食但最好食係紅色嗰個醬(甜+酸+辣)。黑色醬(甜醬油)我最近都開始鍾意食, 因為佢甜多過醬油味。綠色醬(薑)就永遠係我least favourite。自從前幾次食過炒蘿蔔糕之後, 每次嚟食都會嗌。有蛋有蝦, 勁香勁好食, 不過都幾飽, 一定要share。最後, 懶健康一定會叫個菜, 辣通菜好食, 姐姐話係用馬拉盞炒。

今日出一出尖沙咀行吓，同友人唔知食咩好，突然諗起呢間沙嗲老店，就嚟食吓啦！估唔到已經去到下午茶時間都咁多人🤨因為都幾肚餓，叫咗幾樣野食，喇沙係我指定要叫嘅😆，仲有點可以唔叫嘅沙嗲串燒🤤🤤**********雞、牛、豬沙嗲半打🐔🐮🐷（$51）三款當中個人覺得雞肉最好食，豬肉比較‘鞋’，牛肉有啲韌...可能係燒過龍食串燒重點係點醬嘅沙嗲，佢地嘅沙嗲入面有大量大量大量嘅花生粒🥜**********喇沙（椰汁咖喱米粉）🍜（$51）有別於出面嘅喇沙，因為佢唔使你自己揀要咩餸...喇沙入面有魚蛋、蝦、少量雞件同埋芽菜喇沙配米粉，米粉索哂湯汁，非常掛湯👍🏻湯底非常濃郁，有大量椰汁，辣度適中，好啱香港人口味。**********海南雞飯🐔（$55）配油飯，但油飯太濕，個人唔太鍾意。雞件嫩滑，偏淋值得一讚個椰菜湯，熱辣辣，冇味精辣薑蓉就唔太辣，普通薑蓉同甜豉油就正常👍🏻**********椰青（$32）清甜解渴飲完仲可以挖到好多椰肉出嚟食，大熱天時飲最啱👍🏻

放工等女友做完treatment，當然就要去醫肚，本身諗住求其食，打開去搜尋附近有啲咩好嘢食，第一版就見到好時沙嗲有好多正評，價錢又合理，所以去試吓。去到環境感覺都幾懷舊， 好有90年代快餐廳格局，開頭仲以為係先坐低再去收銀處買飛，點知原來都會有店員為你點菜，比個格局fake咗😅再評價下食物，味道超出我嘅預期，先講下個海南雞飯，雞肉相當嫩滑，雞皮同雞肉之間有透明啫喱，而且另附上三款醬汁，我特別喜愛佢自家製蔥油，配上雞肉一絕！再講下個油飯，飯濕度適中，不會很油，而且口感不錯有咬口，我女朋友不是米飯控都想叫多一碗！至於例湯就普通咁多星洲炒蘿蔔糕，相當野味，不會很辣，份量很多，而且吃完亦不會很滯，配上炒蛋說同蝦仁一起炒配搭很好。最後薑汁芥蘭比想像中少油，薑味都出，很好！整體來講性價比很高！下次會再返嚟試下沙爹！

原址重開嘅好時，地方好坐左好多，門口多左部機拎非仔等位，等位時已經睇定食咩餸（因為真是等了又等），感恩3口子有張4人枱坐得比較舒服，一坐低當然即刻嗌野食先，眼闊肚窄MODE IS ON海南雞飯一大碗油飯，加綠色有薑蓉FEEL嘅醬，清湯WZ海南雞，好滑！好香！黑色甜甜地，有3隻醬，整個TRAY都俾到好豐富嘅味道我地。炒蘿蔔糕辣味十足嘅炒蘿蔔糕係今次未睇menu已經唸住order嘅餸, 之前食過覺得蘿蔔糕整得好好味, 好蘿蔔, 好足料, 加埋配料炒埋一碟, 勁香炒芥蘭唔係硬bang bang嘅芥蘭串燒豬牛雞各一款嘅串燒, 係最後至送來, 個醬不錯海鮮炒河河粉好大"片"炒得好均勻同好鑊氣~ 食埋佢之後投降了，飽哂雖然開返嘅好時都咁好味，但總係無以前咁正，尤其炒蘿蔔糕....好啦！我唯有再去幫襯食真啲啦嘻嘻！

話說放工同男朋友去食好時沙嗲，一入到好時中心唔係好識路，正當我地迷茫緊唔知要上幾樓果陣，個看更即刻問我地係咪食喇沙，有個仲唱住歌咁話：「好時，沙嗲，好時，沙嗲，提起好時就係食好時沙嗲～～」可見係有幾出名，個個入黎都係搵呢間野XD佢有兩個鋪位所以都唔洗等好耐，不過地方有少少逼。兩個人叫左、喇沙同咖哩牛腩，另外加碗白飯同椰青。食過唔同餐廳出品既喇沙，有ｄ蝦殼味好濃，呢到既喇沙係比較接近我鐘意既口味，味道平衡ｄ不過略嫌淡左少少。咖哩牛腩就無咩特別，同大家樂差唔多lol 串燒就普通，因為個人唔鐘意偏甜既口味，佢地既串燒配埋沙嗲醬真係好甜… 就算唔點醬都甜甜地… 個人就麻麻地:-( 不過肉質係幾juicy既～下次想試埋佢地好出名既海南雞飯，喇沙都值得再叫:-)

再次回到科學館外是因為要去看"古生物的演化"激光表演，這表演每晚有四場，逢晚上6:30﹑7:00﹑7:30及8:00。我們來到是五點五十分，但看到天色未夠黑，始終看的是激光，點都要環境夠黑才看得清楚嘛，於是我便提議先去吃晚飯。好多人都認識在尖東的好時好嗲，而今次並不是我的第一次，因為在2012年中都有來過，但那次只有一人所以只食到一碗喇沙，不過喇沙的美味令我絕對有回頭翻吃的念頭。那次的半年後都想帶朋友去吃的，可惜時地都夾不上之下始終未能給我回味。趁今天人在尖東我不會再錯過了﹗以為在周日會人迫人，點知不是呢，亦有可能時間尚早吧，因為在六點到七點的期間真的可以不用等位而直入的。我坐了和上次來的同一位置，哈哈。阿姐奉上熱茶後便走開，過了幾分鐘就會過來問'落得單未'，我們就快快點了幾款食物。近來出街食飯就會飲椰青$25，這個價錢並不貴，雪很夠凍，原裝椰青水當然是清甜解渴，不過我飲的這個椰青只有薄薄的椰肉，相反友人飲的那個的椰肉是超級的厚，分別實在很大呢﹗加多加多$43，材料勁多，有椰菜﹑生菜﹑豆角﹑薯仔﹑馬蹄﹑雞蛋，而在上面放了一片已發軟的蝦片。所有材料都是白灼過，味道主要來自大大劈醬汁，充滿

一直好想試試「好時沙嗲」，但尖東位置好像不太就腳，於是等假期才特地一去。店子很大，老闆還租了對面相連的鋪位，等一會兒就被安排入座了。加多加多：印尼傳統沙律，我好喜歡這個特別的醬汁啊！好大碟，清新開胃，滿分！這裡的名物「海南雞飯」，香噴噴的雞油飯，飯也是粒粒分明的。雞肉是雞脾部分，好滑呢。附上三款醬汁，但我們好像沒有點過（！）叻沙：味道比較清淡，辣度不夠，毫不惹味。有點想念在新加坡時吃的 Laksa…椰青：超級驚喜，比我們在泰國喝的還要清甜。很重的椰香味，椰肉也多，刮個不停！「好時沙嗲」果然是得獎熱店，食物水準的確不錯，價錢也夠實惠。值得記下的是，今次我們沒有眼闊肚窄，以上剛好是二人份量。我和男朋友都吃得飽飽，又沒有浪費食物

中秋節日看完跌打，在金華冰廳吃過早餐後（詳情可參考食評---菠蘿油王子）女朋友覺得天氣太熱，不想在街閒逛了，於是便回家先稍事休息，晚上再到愉景灣。（這是一早計劃好了，女朋友說想到愉景灣行沙灘，賞月呢！）怎料女朋友晚上說天氣太焗太熱了，因此改變計劃出尖沙咀行海旁賞月算了。原本預計到愉景灣用饍的，結果突然變了尖沙咀（女孩子真善變呢？）女朋友指定要吃一些濃味的食物，我即時想起沙嗲，咖哩一類的東西（女朋友也喜歡吃東南亞菜的）說起沙嗲，就想起好時沙嗲來了。（中秋佳節，為免等位，還是致電訂位了）我和女朋友準時七點十五分到了好時商場（一個懷舊的商場呢！）找了好一陣子才找到好時沙嗲的所在，格局令我想起觀塘的「上海一品香菜館」（詳情可參考食評---隱於商場的上海菜館）（閒話少說，還是看看「好時沙嗲」有什麼好吃的吧！）我訂了枱，進去就安排到坐位了。女朋友坐下後看著餐牌，因為看過很多食評都推介星洲炒蘿蔔糕，而炒蘿蔔糕正是本人所愛，因此先點一個星洲炒蘿蔔糕。女朋友說想吃咖哩，我怕一般的咖哩太辣，因此我們叫了椰汁咖哩雞。光顧好時沙嗲，不吃沙嗲似乎有點說不過去，因此我們點了一個沙嗲串燒（雞、牛及豬）另外叫了兩個白