BTS美食站

營業中

休息中

今日去九龍城打卡📸，中午醫肚仔，首選當然是泰國菜啦😊，必點甜品芒果🥭糯米飯，職員推薦了船麵，我和朋友各點了一款。我點了無骨海南雞船粉（金邊粉）$62，無骨啖啖肉啱曬我😅，配埋清甜嘅椰青$25🥥（跟餐半價），連椰青肉都食清🤣朋友點了牛丸牛肉船粉（河粉）$60，味道偏濃，微辣，份量算多，牛丸胡椒味偏重，牛肉幾滑，跟餐椰汁冰半價$17，香濃椰汁味，飲品不錯。另外點了一款小食和一款甜品 - 泰式原味烤酥餅（2塊）$48和小曼谷原隻芒果糯米飯$88，充滿泰式風味，而且價格合理。

一早同老爸飲完茶，但茶樓嘢食唔多好味，所以好快又肚餓，經過呢度，俾門口個搶眼公仔吸引左，望吓menu，老爸話ok，咁就喺度lunch。 原來老爸話ok，係因為佢睇中左個明爐香檸汁蒸桂花魚，既然有原條桂花魚咁豐富，咁我揀個星級午餐-風味豬頸肉配無骨海南雞+白飯(跟餐係油飯，因為食魚，感覺白飯會配搭d，所以轉左白飯) 再叫左個椰青俾老爸消暑，我自己就要左個椰王沙冰。 lunch set仲有跟左個冬瓜湯，個湯幾清甜，易入口。跟餐可以半價叫特飲，我揀左椰王沙冰(半價$19.5)，十分消暑嘅飲品，軟綿綿嘅沙冰滲出濃郁嘅椰子味，好味到想要多杯。🤭 老爸嘅椰青($40)亦非常啱佢老人家口味，清熱生津，啱晒今日高溫嘅天氣。 風味豬頸肉配無骨海南雞+白飯 $68雖然係碟頭飯，但味道唔錯，海南雞啖啖肉，啱晒我。豬頸肉要讚，燒得十分好，脆邊肉嫩，點沙嗲醬令味道更香，更惹味。 明爐香檸汁蒸桂花魚 $222老爸對蒸魚極之有要求，而呢條魚竟然得到佢嘅讚賞，應該算係上乘之選。味道搭配很好，蒜頭、紅洋蔥、辣椒、青檸，用這些配菜撈飯，簡直係絕配。據老爸真實評語係: 魚很新鮮、魚肉夠滑、入口味道很好，好食過石班。🤣 今個

有去開九龍城既人都一定會見過佢門口既公仔，原來佢另外開左間店係隔離，用泰國鐵路黎整menu，幾有心。泰式燒羊架配飯 $90羊架肥瘦好均勻，唔會話一part係肥，一part係瘦，呢個比較少見。佢配左個酸酸甜甜既汁，幾開胃。泰皇咖哩炒海鮮配飯 $120咖哩汁真材實料，好香，同埋唔會好水。海鮮有青口、蝦🦐、魷魚，大大粒帶子😍😍風味燒豬頸肉 $98豬頸肉爽脆，燒得唔錯。雞、豬串燒 $26加配左2串串燒，配埋佢既汁，唔錯😋跟餐除左包冬瓜湯，仲送飲品，簡左杯熱龍眼水，同埋半價轉左椰青。龍眼水細細杯，但裡面有6粒龍眼肉，所以好清甜。椰青佢開埋俾你，番到屋企開蓋就飲得。呢間店包外賣好用心，有汁既食物佢會用保鮮紙包實，我拎到番屋企，冇一樣野係漏左出黎，呢個細心位抵贊。

今日來地鐵站出口呢間BTS美食站食泰國菜，餐牌款式好多，見到呢條BTS美食路線就會諗起去泰國旅行嘅日子。可以用QR code落單，方便睇到總數同已點餐點，仲可以節省落單人手同減少錯單機會泰脆炸豬手（細）冇諗過細份份量都可以有咁多，豬手外皮金黃色，炸得好香脆，裏面肉質結實而且一啲都唔肥膩，仲有薄薄嘅一層膠質好有咬口，配上特製嘅甜酸汁同配菜醃蘿蔔同木瓜絲，清新解膩；炸蝦片好香脆好惹味，十分推薦👍🏻蝦膏豬肉碎炒飯個炒飯上碟已經聞到好香，入口食到好似臘腸咁樣嘅豬肉碎同蝦膏嘅鹹香，好惹味又唔會好肥。椰汁西米糕拼泰式千層糕椰汁西米糕係傳統泰式甜品，味道正宗，椰汁味香濃配上粒粒西米同粟米，清甜解膩；泰式千層糕碧綠，層次分明，有椰汁香味同斑斕香味，咬落去煙煙韌韌又唔會太硬，推薦👍🏻椰青🥥好大個好多汁，椰汁清甜，清新解膩，椰肉都好軟身，好容易刮到出嚟。整體來講，菜式地道，價錢合理，分量充足；服務態度良好，上菜速度快。

剛好去了九龍城必定食泰國野喇!見到新開呢間BTS美食站就試一試先。 原來都係小曼谷集團開架，店內裝飾都模仿車站內造型設計，簡單得黎又有少少工業風。雖然餐廳設計普通但勝在坐得舒服。餐單都以鐵路形式表達別出心裁，款式感覺都較一般泰國餐廳少，不過夠簡單，必定要試招牌菜海南雞及豬手。已經足夠我地2個人食了。如果唔飽仲要以食甜品，我見都好多人都叫芒果糯米飯。椰青: 泰國餐廳當然必點椰青，好鮮甜而且椰子肉爽口。豬肉丸肉片金邊粉: 豬肉丸好彈牙, 一啖過好好咬口 另外最有特色係個湯底好濃好香, 金邊粉完全可以吸收晒湯底既精華，再配上新鮮炸豬皮一流。職員都推介鐘意食辣可以加調味料, 全部都係泰國入貨而醋更是由大廚特別調製的。不過我覺得粉不夠多，如果加多點就更好。海南雞: 的確光看賣相已經覺得好吸引。我地只係單點半隻已經有咁大份，雞件都好大隻啖啖肉，性價比高。  而且不用點醬汁已經好好味，肉質夠嫩。點埋醬汁就實在一流。當然我覺得這個份量可以2-3個人食都可，我地最後2個人都食唔晒。脆豬手(小): 脆脆豬手外脆內軟，仲有蝦片作點綴，再加返少少酸配菜中和一下。上面肥豬皮下面肉件，當食晒豬皮下面肉件點醬汁都好