茶茶Go

營業中

休息中

呢間茶茶go好似都開咗一段時間，今次終於有機會試吓！臨近聖誕鋪面有少量聖誕裝飾，但重點係嘢飲都變晒聖誕版本勁可愛😍招牌黃金此例芋頭鮮奶有三款，揀咗小芋圓即係逮丸芋頭2號 $45 有個熊仔樽，仲帶咗聖誕帽同頸巾🧣，唔止賣相好睇，仲勁好飲！雖然甜度固定，但真係黃金比例食到芋泥好香唔會覺得甜，芋圓細細粒好咬口，鮮奶勁滑😍春摘不知春 $29 加芝士奶蓋 $8 佢個糖漿勁香蜜糖味，同清茶好夾，芝士奶蓋帶微鹹，都好香滑creamy😍 楊枝甘露盒子 $40層層cream同蛋糕令層次同口感都好豐富，加上中間芒果肉同柚子肉，將楊枝甘露嘅精粹放咗入蛋糕，酸酸甜甜好清新

店名：茶茶Go地點：旺角登打士街菜式：飲品，小食餐牌：4.3牛乳、蘇打六、台式冰沙、鮮果歲時記、牛乳入茶、果物芝士舞霜、咖啡等等極多選擇（可以選擇加料、冰量、甜度）。食品方面有各款盒子，另外都有蛋糕。上次黎都冇機會試盒子，可能太晏所以賣晒，今日見到即刻買哂所有口味返屋企試，全部都係正方形膠盒子，份量好多，適合分享，乾淨衛生。芋泥肉鬆盒子 $42呢個芋泥肉鬆盒子要即日食用，明顯見到四層，係兩層海綿蛋糕夾住一層深紫色芋泥蓉同另一層淺紫色芋泥蓉，面頭加上肉鬆。深紫色芋泥蓉入面有粒粒芋泥有咬口，淺紫色芋泥蓉就較滑溜，味道較甜，伴肉鬆食就甜中帶鹹。口感軟綿綿。楊枝甘露盒子同Tiramisu盒子就可以遲兩日先食用。楊枝甘露盒子 $40楊枝甘露盒子都係有四層，面頭有芒果肉同西柚肉，下面係兩層白色海綿蛋糕夾住淺黃色忌廉，原來中間仲有芒果肉同西柚肉夾心。淺黃色忌廉帶香濃楊枝甘露味，味道係少甜帶少少西柚既酸平衡下。呢款都幾好味道！Tiramisu盒子 $38Tiramisu盒子就有五層。兩層咖啡色濕潤咖啡味蛋糕夾住兩層厚厚白色忌廉，面頭加一層朱古力粉。呢個甜品質素好好，咖啡味同濕潤度剛好，唔會太苦或者太甜

🧡💛🧡飲奶茶食甜品盒子🥤依幾日天氣又涼涼哋，食完飯真係要飲返杯暖入心嘅奶茶warm warm🥰旺角登打士街聚集咗好多茶飲店，依間茶飲店有手搖飲品之外仲有甜品，作為飯後甜點就啱啦！🤎斯里蘭琥珀奶茶🤎 熱 $21斯里蘭紅茶味道濃香，入口溫和順滑，甜度啱啱好，飲完仲有陣陣茶香！🖤嵐山烏龍烤奶🖤 熱 $21凍飲嘅烏龍茶係清爽嘅，熱飲就可以飲到茶嘅韻味，依個天氣飲返杯熱飲就最好不過啦！🤍Tiramisu 盒子🤍 $38層次分明嘅Tiramisu，忌廉體份量足夠，一啖食落口會有香濃朱古力香同埋咖啡香☕️又香又有芝士奶香，食完好幸福！💛楊枝甘露盒子💛 $40依個楊枝甘露盒子顏值好高，層次豐富🥭芒果同埋葡萄柚嘅味道帶來酸甜感覺，所以唔會越食越膩，反而越食越開胃呀！依間茶飲店嘅飲品選擇好多，仲有好多甜品揀添！☺️BTW記得save post，方便向店員查詢有關茶飲啦❣️📍茶茶Go📍旺角登打士街43P-43S號鴻輝大廈地下9B號舖