茶茶Go

營業中

休息中

過咗小暑，都未到大暑，但近排啲氣溫已日日高升，加上天雨，又熱又濕，最好莫過於買杯凍飲返屋企慢慢嘆。路過「登打士街」見到「茶茶Go」，好耐之前試過其金鍠楊枝甘露，覺得有料到，再者，佢哋喺嚟自台灣嘅品牌，質素有番咁上下，今次就再試試店家其他嘢飲。飲品選擇十分之多，大類別分為牛乳入茶、4.3牛乳、純茶、一品咖啡、酸奶雪見沙、風味冬瓜茶、鮮果歲月時、台式茶沙冰及梳打。鋪面一角貼咗張「本季至Top銷售榜」，如果無心水嘅，又可以不妨着眼於此。除咗茶飲，仲有啲甜點，例如巴斯克芝士蛋糕、盒子蛋糕。晌牆上見到有一款「虎皮卷」，覺得幾特別，可惜賣晒，所以，退二求其次，選番上次都試過嘅「紫菜肉鬆小貝」。逮丸芋頭2號 $42黑糖鮮奶飲得多，反而芋頭鮮奶印象中好似未試過，加上又喺店家嘅招牌，所以，今次就轉轉試一試芋頭鮮奶。餐牌標明用上4.3牛乳，奶味自然夠香濃，杯底沉咗唔少芋泥，香滑細膩，芋頭味濃，此外，仲有唔少煙韌嘅芋圓，大大一整杯飲完都幾有飽足感。若葉百香玉子 $36老婆最鍾意百香果果茶，所以，呢一款鮮果茶飲喺佢嘅不二之選。以綠茶作為茶底，加入新鮮嘅百香果，味道冰涼清爽、酸酸甜甜，飲落零負擔，加上大量手工愛

一直留意這間台灣過江龍的甜品。佢除左係一間台式飲品店，仲有各類輕食。盒子蛋糕它可說是元祖老店。今次買左一盒肉鬆小貝。原來小貝並不是大陸首創的糕點，早係好多年前台灣人已經食緊。呢間舖頭小貝價錢比同類IG shop更平，一件十蚊有找。雖然叫做［小貝］份量可不少。小貝真身係一個超級濕潤鬆軟的原味蛋糕。塗抹上沙律醬，再碌上大量紫菜肉鬆，造型有如一個貝殼。蛋糕本體充滿真材實料的蛋香味，大環境下依然用足料做食物係幾難能可貴。我分開三日做早餐，蛋糕仍然保持到質素好軟綿綿。鹹鹹甜甜味道又幾夾。第二樣係夏天必飲的廢水，揀左一杯純茶自我感覺良好。白桃烏龍價錢平，$23本來不會有特別期望，飲落有wow一下的感覺。烏龍茶好夠濃香，甚至有回甘的後韻，但又不是浸泡很久的澀，鐘意中國茶的人應該都會喜歡佢既茶底。白桃只是悠悠的存在，不會喧賓奪主，生果配茶的配搭超解暑。個人偏好濃茶的手搖飲，會再回來試埋其他飲料。

旺角太多手搖飲品店，仲要愈開愈多大陸品牌嘅店。 今次去開家樂坊果邊，難得見到台灣小店茶茶go，唔使排隊，又有甜品賣埋，網上評論又唔錯，一於試下我地2個人，叫左：🐣逮丸芋頭2號 Taro Balls Milk HKD42好香濃的鮮奶味，本身都無加糖，芋頭蓉甜度剛好，又唔會太多，比例唔錯。入面仲有芋圓，好有咬口。 🐣翡翠檸檬若葉 Jade Lemon Iced Tea（少冰, 健康糖）HKD36作為一間小店嚟講，佢個茶底絕對係比足心機不揸流攤，清香！ 🐣鹹蛋黃巴斯克蛋糕HKD38坊間少見呢種味道，蛋糕質感幼滑，鹹蛋黃味好出，芝士味都好濃，2個人分享剛剛好。總結間台飲店好評好評，店員態度都唔錯，去開可以encore 呀！

行旺角行到攰，經過茶茶go，見到唔洗排隊，就買咗幾杯返公司嘆。佢哋主打茶香＋創新口味，今次試咗嵐山烏龍烤奶、夏夜白桃扁龍，加多件虎皮卷。嵐山烏龍烤奶真係有驚喜，烏龍茶底夠香，仲有啲炭燒味，唔係一般死甜奶茶。奶味唔霸道，整體茶味突出，飲完唔會覺得口乾或者膩，幾啱返工飲住做嘢。夏夜白桃扁龍走清新路線，入口有陣陣白桃香，不過唔係果汁咁甜膩，而係透住茶香滲出嚟，感覺好天然，啱晒夏天飲，透心涼得嚟唔會頭暈糖。食埋件虎皮卷，包裝幾靚，方便拎住行。蛋糕好鬆軟，外層虎紋微焦香，入面忌廉唔會漏晒出嚟，甜度啱啱好。行街想歎吓甜品，但又唔想太heavy，呢件就啱晒。整體嚟講，「茶茶go」做外賣都做得幾用心，茶底真材實料，甜品水準又唔差，價錢唔算平但勝在夠特別，適合茶控或者想搵啲新鮮感嘅人試吓！

今日去旺角行街，天氣真係太熱，頂唔順走咗去買手搖飲品，呢間茶茶go門口唔起眼，差啲Miss咗店舖主打台式飲料，仲有好多款唔同嘅蛋糕同甜品，選擇豐富夏天推出咗好多新嘅西瓜飲品，全部都好消暑，啱晒行街行到口渴嘅時候買嚟飲好欣賞佢除咗飲品仲有咁多款唔同嘅甜品選擇，買完飲品唔使周圍搵嘢食，一次過搞掂晒最後，我哋揀咗個出邊好少見嘅開心果切件巴斯克蛋糕🍰蛋糕size好大件，夠兩個人既下午茶蛋糕唔係好甜，但好重開心果味，口感好creamy，值得推介另外再叫咗兩杯嘢飲，一杯係珍珠奶凍奶茶，仲有白桃烏龍茶，奶茶比我想像中重奶味，奶凍份量好好好多，珍珠又冧又有咬口白桃烏龍茶都要讚吓佢，唔會好似出邊啲白桃茶，只係得d調味香味，飲落好清新又解渴直到我地差唔多飲晒，仲有好多奶凍係底用料真係好足價錢合理，人均消費唔使40，份量又足，絕對值得返轉頭

1. 逮丸芋頭2號茶茶Go的「逮丸芋頭2號」是一款令人驚艷的台式芋頭鮮奶飲品，堪稱芋頭愛好者的心頭好。飲品以濃郁的手工芋泥為主角，入口綿滑細膩，芋頭香氣濃厚卻不膩口。搭配Q彈的小芋圓，增添了豐富的咀嚼口感，每一口都能感受到芋頭與鮮奶的完美融合。甜度恰到好處，不會過分甜膩，喝完後有種滿足的飽足感。2. 虎皮卷虎皮卷結合了傳統與創意的元素。外層是薄脆的虎皮紋蛋糕皮，帶有微微焦香的奶油味，包裹著鬆軟的戚風蛋糕內層，口感層次分明。內餡綿密順滑，甜度適中，帶有淡淡的奶香。這款虎皮卷是茶茶Go甜點系列的亮點，創意與美味兼具。

早幾日外賣完鹹蛋味巴斯克，打鐵趁熱，狗狗爸爸買埋伯爵茶味巴斯克，今次換上1位男店員。伯爵茶味巴斯克：比鹹蛋味巴斯克更墜手，有190克，可以分2次食；包裝同上次唔同，冇牛油紙墊底，打開紙盒就係蛋糕；蛋糕體有一粒粒黑色茶粉，蛋糕都有伯爵茶味，只係奶油味實在太重，食果時感覺幾「油膩」；鹹蛋味有解膩效果，而伯爵茶味冇其他層次而味道亦唔算特別鮮明，所以令件蛋糕的忌廉/脂肪/油感更重；雖然$38/件依然算係抵食，但就冇wow effect喇~

當巴斯克未成氣候時已開始食，後期佢就好似雨後春筍咁無處不在，有名氣又平啲既選擇有家後（$3x），貴少少既（無論有冇堂食）都賣到$60-70/件。行旺角，路經呢間蚊型舖，佢舖面細，唔起眼。睇Openrice先知佢都有分店，主要賣台式飲品、小食，評價幾高，但就好少人評論佢的巴斯克芝士蛋糕。見佢凍櫃有蛋糕就行埋去。店員係I人，冇推銷。凍櫃放咗3款巴斯克芝士蛋糕：原味、伯爵茶味同鹹蛋味，劃一$38/件，定價同家後差唔多，但蛋糕睇落至少大1/3。未試過鹹蛋味巴斯克，一諗到鹹蛋黃的邪惡鹹香就好想試。外賣1件，俾錢時問店員收乜，佢答：「乜都收~」。心諗，冇可能卦？我試探：「信用卡呢？」（好多舖頭唔過指定金額都拒收信用卡架嘛）「都收呀~」店員語氣幾溫柔，包裝時又非常細心，小心翼翼、慢慢整理。完成後，佢仲提醒：「今日食唔曬，記得要放雪櫃~」鹹蛋味巴斯克芝士蛋糕：既然目測大件，返到屋企就驗驗一下，一件178克，份量大過好多市售的巴斯克。以東海堂的冷藏開心果巴斯克芝士蛋糕為例，1個只係330克，如果喺呢間舖買2件，份量已多過東海堂；味道方面，第一啖已有鹹蛋味，蛋糕鹹香，對比甜味的巴斯克，鹹食感覺實在啲，而且

聽個fd講旺角有間巴斯克蛋糕一定要試下，好抵食，今次嚟開就試下舖頭係家樂坊斜對面好易揾，巴斯克有幾隻味，王牌原味、開心果、伯爵茶，最神奇係有咸蛋黃味，第一次試都係食返原味先件蛋糕相當有驚喜，芝士味十分濃，口感軟滑，濃濃嘅奶香同微微嘅雲呢拿味，甜度啱啱好，唔會膩口。凍食有啲似雪糕，三十幾蚊件有哩個質素，搞到我想encore多件夏天係旺角行到出晒汗，除左蛋糕，一定要買杯嘢飲，我揀左杯夏天特飲，西瓜啵啵沙冰，飲完真係透心涼，西瓜足料唔係死甜糖水，仲有啲啵啵咬下，口感滿分朋友揀左杯夕燒十八紅玉，紅茶味道帶有淡淡的肉桂與薄荷香氣，入口順滑唔澀，好出色，中意茶底必試見倒佢仲有紫菜肉鬆小貝，聽聞都好好食，下次一定要試埋

星期三係大型超市優惠日，掃完貨之後有啲口渴，就過對面買杯珍珠奶茶飲吓先。登打士街出名多珍珠奶茶店，簡直係珍珠奶茶嘅戰場！見到有間小店，門口有個大嘅雪櫃，專係放唔同嘅甜品，又有得買珍珠奶茶，就決定試吓呢間。行埋啲，仲見到有啲明星嘅應援物資添。望落去，啲甜品都好吸引，而且份量都幾大。好似一個巴斯克蛋糕，都只係$33，除咗原味，仲有伯爵茶、開心果味，仲有特別嘅鹹蛋黃味！其他蛋糕都有Tiramisu盒子、楊枝甘露盒子等等，本身仲見到個虎皮芋泥卷都幾吸引，不過今次就試吓個原味巴斯克蛋糕先，另外再要多杯黑糖珍珠奶茶。枱面放咗唔同size嘅杯，一望就知自己要邊種size，我就要咗大杯，仲大過張4R相！等咗一陣，黑糖珍珠奶茶就嚟喇。而家要用環保飲管，店員會好貼心咁問使唔使幫手𠝹開個膠面，呢點要讚！雖然係正常冰，但係唔會話多到成杯都係冰。飲落去，茶味重過奶，飲到最後啲冰啱啱好溶晒，唔會沖淡晒茶嘅味道，奶茶糖度都啱啱好，飲落去仲有啲回甘嘅感覺，黑糖味就唔算話太濃，正正常常啦。珍珠雖然煮得偏軟身，但都keep到煙韌嘅口感，唔會好似咬橡筋咁。飲管質量都好好，飲到最後個飲管都未變軟。飲完茶，梗係要配埋個蛋糕啦！

登打士街有好多小食飲品鋪，今日天氣非常熱，見到尼間茶飲店有好多選擇，一於買番杯黎試下。2杯飲品都大杯，行街飲一流 。草莓蜜桃沙冰，一飲非常冰涼，涼透心，消暑一流。草莓同蜜桃味非常濃郁，果味鮮甜，可以揀健康甜，更加突出水果既香味。夏夜白桃烏龍，飲落好舒暢，烏龍好清爽，同白桃味非常夾。除左飲品，店鋪仲有個小廚櫃，放左唔少甜品，好吸引 。例如盒子蛋糕、巴斯克等，價錢合理 。楊枝甘露盒子，賣相好靚，打卡都可，亦提供餐具，方便食用 。柚子酸酸甜甜，蛋糕奶油非常creamy香滑，蛋糕輕盈，值得再試下其他甜品。整體，經過店鋪，唔好錯過，飲品或甜品，都一樣有水準。

岩燒黑珍珠鮮奶呢款飲品嘅 黑珍珠好煙靭，搭配鮮奶，味道健康甜唔會太 sweet，飲落幾舒服。夏夜白桃烏龍茶烏龍茶嘅味道 just right，保留得到白桃 嘅香氣，飲完之後感覺好舒服。健康甜嘅程度我覺得係幾舒服，飲完唔會好涸喉、soothing虎皮肉鬆卷呢款卷外皮有虎紋，係鬆軟毛布卷蛋糕，裡面嘅肉鬆味唔錯，白色果層有少少似蛋白整成嘅嘢mousse 、搭配嘅 起嚟仲加咗啲風味：甜中帶少少鹹。份量啱啱好，做下午茶小食都幾好。

食貨們注意啦！最近挖到一間超正嘅寶藏店——Chachago茶茶GO 。先試茶飲。春滿金旺鳳梨一入口，新鮮鳳梨嘅酸甜迅速在舌尖散開，果香與茶香好似老友般合拍，超級清新解膩。夕燒荔枝玉荷簡直係夏日浪漫嘅化身，荔枝清甜，玉荷淡雅，茶湯順喉，回甘超持久。再講虎皮卷蛋糕，蛋糕外層虎紋金黃酥脆，蛋香濃郁。切開後，肉鬆塞得滿滿噹噹。肉鬆嘅鹹香，搭配蛋糕本身嘅香甜，層次超豐富，一啲都唔膩口。總之，Chachago茶茶GO茶飲、蛋糕都超用心。鐘意甜品同茶飲嘅朋友，千祈唔好錯過！

旺角有好多茶飲店，見到依間有唔同種類嘅飲品，仲有甜品櫃添，身為甜品控嘅我決定飲依間~逮丸芋頭2號，係芋頭鮮奶+小芋圓，芋頭鮮奶好綿滑，芋頭味好濃。小芋圓煙煙韌韌，好有口感。京都抹茶玉露，有啖啖嘅抹茶味，唔會好膩，飲落成個人都好舒暢。見到有巴斯克同盒子蛋糕，我地買咗楊枝甘露盒子蛋糕，用透明盒裝住方便食用。上面鋪滿柚子，蛋糕層層分明，好香甜。飲品種類實在太多啦，下次黎可以試下其他款，佢嘅巴斯克蛋糕都有唔同味可以試下。

旺角有好多唔同嘅廢水台式飲品店舖最近朋友介紹有一間台式飲品，仲有各式各樣嘅蛋糕可以飲杯嘢食個蛋糕，於是買外賣試吓。同朋友一人叫咗一杯嘢飲同埋紫菜肉鬆小貝。飲品就試咗店員推介嘅京都抹茶玉露及大吉紺野香橙，可以試一杯有奶一杯無奶唔會咁滯。抹茶香濃，入口先會有鮮奶嘅順口，然後抹茶香就會喺後面慢慢滲出嚟，就算叫咗無糖亦甘香而不會苦澀。大吉紺野香橙利用了新鮮橙汁及綠茶溝製，非常清爽感覺亦比珍珠奶茶健康飲品仲有果肉人非常喜歡。紫菜肉鬆小貝一開始以為係肉鬆麵包由於我非常喜歡食肉鬆於是試吓。一咬落去竟然係戚風蛋糕，配上奶油及海量嘅紫菜肉鬆喺蛋糕面雪凍嚟食更顯雞蛋嘅香味，鍾意食肉鬆嘅朋友一定唔可以錯過。