泰小子 (已結業)

//< 泰小子 >小編呢排成日都見到人食泰式香蕉煎餅！！小編二人都冇去過泰國，所以都冇食過～ 然而香港竟然有賣就一於去試喇🤪————————————- 炙燒棉花糖香蕉煎餅 $45 -店員話呢一個係新品，推薦我地試呢個～ 棉花糖一共有兩種，炙燒過所以可以拉絲添😂😂 煎餅特別係邊嘅部份有脆脆嘅口感😯 因為佢朱古力醬唔會落得太多，所以即使棉花糖好甜，配埋夾住左香蕉肉嘅香脆煎餅都唔會過分甜～ 幾特別🥰————————————- 楊枝甘露 $28 -一拎到手完全係俾佢西米嘅份量驚艷🤣真係成杯都充滿住西米！！記得記得一定要充分攪拌，攪拌完會得到圖6😆 小編一開始冇攪拌覺得奇怪點解淨係飲到奶味，當我哋充分攪拌完之後是飲到好濃嘅芒果味，芒果粒粒都好多架😋————————————- 芒果糯米飯 +$35 -小編完全係俾佢花形嘅芒果糯米飯吸引咗所以買咗個😍 整到咁除咗好靚之外，食每一啖飯都一定會連住咗啲芒果肉🥭芒果都甜，糯米飯較黏，椰汁🥥唔會過鹹～ 正常之作😝————————————評分：7/10地址：屯門青河坊3號利寶大廈地下3號舖營業時間：12:00-23:00 #泰小子 #thaih

前一篇食評講到小弟同朋友由大埔經粉嶺、上水、元朗一直踩單車踩到嚟屯門，是日天氣都有啲熱，少少曬，踩吓抖吓咁，中途就晌元朗食午餐，最後，以屯門公園為终點，再晌附近周圍兜吓，因為屯門真喺相對少入嚟。友人之前晌網上見到有一家小店「泰小子」主打賣泰式香蕉煎餅都幾人氣，又開晌屯門區，加上我哋踩住單車，故此，真喺專誠踩過過嚟拜會一下，當喺食個下午茶補充番啲糖份，否則對我哋呢啲區外客真喺未必行到咁入。 嘩，唔喺講笑，鋪前多人到呢，好彩問過都喺等廿分鐘左右，落單後晌附近打個轉返嚟就有得拎。食物如上文所講，主打就喺唔同口味嘅泰式香蕉煎餅，其次，仲有多款特飲，及兼營幾款較港式嘅西米露同涼粉。最後揀咗一款煎餅及一款特飲， 夾埋都唔喺平，但都即管試試。芝士紫薯煎餅 $35小弟未去過泰國，呢一種泰式香蕉煎餅都喺第一次試，晌眾多口味中，小弟就最有興趣喺「芝士紫薯煎餅」，由於餅面灑滿了紫薯粉，外觀自然較為吸晴。因為所有煎餅都是即點即做，耐心等待故然需要，做好即吃更喺重點，外帶拎到返屋企一定打少少折扣。咬一口，煎餅外皮好脆口，有陣陣紫薯香，裡面滿滿香蕉蓉及少量芝士，味道比預期夾，口感有少少像滬式嘅豆沙窩缾，整體感覺真