發記甜品 (已結業)

我哋叫咗兩款甜品😝😝1.頂級榴槤水晶粉($48)真係好香濃嘅榴槤味呀，食落啲榴槤都好正，熟透了，好甘甜！我覺得佢係唔錯嘅榴槤甜品！水晶粉就正正常常，冇咗都無所謂🤣🤣2.楊枝甘露($43)好大舊果肉啊，個芒果都幾鮮甜，西米煲得啱啱好，唔會有未煮熟嘅情況。加埋啲酸尾尾嘅柚子粒，成碗糖水食落都唔錯！幾滿足！不過呢個價錢，希望可以再大碗啲啦！呢間糖水舖啲甜品真係幾貴🙈🙈不過勝在環境唔錯，我地坐耐啲都ok😝食曬，老闆都冇叫我地走。

食完午餐去對面食甜品，本來想食較細間嗰間糖水舖，不過長期爆滿，佢本身都冇乜位，只好行過隔離發記。其實發記都好出名，細細個跟屋企人去深井食燒鵝啦，都會去發記食甜品。後來要開越多，旺角就好多間分店。不過次次行到嚟食甜品，可能間鋪太大啦，成日都覺得冇乜人。所以因為依個原因，一定會有位，唔使擔心無位。我叫左佢哋出名嘅楊枝甘露，水準依然，不過食咗太多次吧，都冇乜新意。但係對佢哋嘅新創作又冇乜興趣，下次試吓佢哋個廁所雪糕啦，都幾得意架。再有芒果糯米卷，通常都超甜，不過今次就爭啲啦，可能唔係當造啦。不過可能嗰個時間人流都係少嘅，所以老闆都冇安排太多員工，成間鋪都係見到一個樓面，整甜品嘅都有幾個後生仔，所以可提供嘅服務都有限，例如等好耐先至可以幫你落單啦，想要多隻叉都好難。呢個時候有得食甜品都唔錯㗎啦，只好自我滿足而歸。

喺深井做甜品做到衝出嘅市區嘅，最近除咗傳統中式糖水之外，仲大玩西式甜品：梳乎里班戟、心太軟，通通齊備！唯一無變嘅係繼續堅持用品質上等食材，keep住每日入呂宋芒、D24榴槤新鮮製作，確保每日大家都可以食到夠晒濃郁，果味香濃同果肉豐富嘅糖水！圓圓嘅班戟令人睇到都開心！班戟軟綿綿，味道唔會過甜，加埋糖漿同芒果味道好夾，再配埋凍冰冰雪糕更加柔滑，無論男女都一樣鍾意。之所以係招牌菜，係因為佢地手選新鮮芒果，確保芒果夠晒熟無渣先用！仲有自家芒果茸秘方，食落啖啖都係鮮甜芒果味加西柚肉粒粒，夠晒口感得嚟入口又滑溜！外皮煙煙韌韌灑滿椰絲，內裡芒果餡非常豐富，食落去滿口都係芒果蓉，非常香甜！上層係心太軟，下層係雪糕、Oreo碎同埋食得嘅花花，食果陣可以將Oreo碎同花混合心太軟一齊食，榴槤嘅香味加埋軟滑雪糕真係好正！順帶一提，老闆話佢地榴槤全部都係選用D24，味道夠晒香濃！

3個女人一個墟，食左正餐後都仲有講不完嘅話題，一唸起楊枝甘露即刻醒起發記,好好彩仲係晚飯時間所以發記有枱.榴槤飄香 好香嘅榴槤香！有粒粒碌柚肉作點綴同中和左個濃味，最驚喜係成個碗底都係一大大大舊榴槤呀！仲係入口即溶個種，好滑好香，朋友唔食榴槤都唔覺得佢臭因為個奶底做得好濃稠，碌柚肉份量剛好啖啖都有但唔搶味(榴槤咁重味又幾難搶嘅哈哈)楊枝甘露 為左佢而來果然保持水準無令我地失望，首先好大舊芒果肉墊底，唔知係咪當造，但好甜無青味。西米露粒粒分明粒粒都好林，而碌柚份量係啖啖都有當然係多過榴槤飄香好多啦！佢酸酸地丁丁多碌柚除加埋椰奶&西米唔會一味得個甜字，一d都唔覺heavy, d碌柚仲好健胃Tim!所以每次唸起楊枝甘露就係li間呢

四人同行，分別叫咗芒果水晶粉、紅運當頭、芒果紫米露及楊枝甘露！除了芒果水晶粉還可以接受之外，（雖然好細份），其他都....不堪入口！首先楊枝甘露，圖中可見芒果係一大片，並非切成細粒，西柚份量也十分少！西米份量正常！整體：稀liu liu ! 完全冇食慾 ！盛惠$4X然後，紅運當頭-----裏面某些成分還是熱的！看來發記已不再在乎質量、招牌！總結：不會再食！

本來想去茶木食個Toast, 但上到去實在太多人, 又心癢想去食甜品, 所以改去發記兩個人點了2個甜品芒果益力多綿綿冰好食, 椰奶好香, 紅豆似日本紅豆, 仲有兩粒湯圓伴碟, 兩個人食都夠楊枝甘露柚子都甜, 新鮮, 唔係乾爭爭。奶同芒果汁比例都好好, 好香滑, 有好多芒果肉, 只略嫌芒果成舊舊, 冇去切粒, 賣相麻麻, 但味道還是好的, 份量可以多少少。

一直想試下發記的楊枝甘露,夜晚11點半路過旺角發記,實在無法抵擋住甜品的巨大誘惑,最終還是入去order了一份楊枝甘露好快就有得食啦!看這個樣真是幾正!用匙羹撈一下,發現下面潛藏著兩大舊芒果,不錯!再嚐一口,即刻感到西柚的清香,絲毫不苦,真是好味,只是芒果汁仍稍嫌淡了一些,如果可以再濃些相信味道會更正下次的目標是清心丸!

嗯，最近似乎踏入了甜品週的模樣！因為最近的食評劑劑都係甜~嘻嘻其實我不算熱衷港式甜品那類人，通常食過一次我就byebye…像n年前食b仔、松記嗰類撈咩撈乜，因為我還都是喜歡在屋企食水果耶！像早前同書友傾開偈，我亦透露事實近年有時都仲會去石磨坊食糊。還記得6、7年前我yr.1時都仲去那裡整個刨冰吹水…但近年老喇！鍾意熱食糖水，不過對上那次食大約半年前，經濟物價當時開始貴，雖然texture依舊，但食得出那股nuts香係少左料少左inputs咁啦！但我又覺得港式糖水或新派糖水真係唔係食糊的地方，會很失望。咁發記又係少有的一間令我再幫趁的甜品，我就只喜歡它的榴槤飄香！今次我們一年後再幫趁，叫了榴槤飄香$26+楊枝甘露$26榴槤飄香—其實今個夏天這已係我第四次接觸榴槤，事實我食了幾次街外甜品或屋企買返黎的榴槤，當中我都覺得有d味道靚得足以俾90分，但有d聞落雖然香，當然對於唔食的人可以叫得臭啦！不過幾次都係聞落香，但食落口個質感係有d生，即係唔熟仍質感帶硬或爽，因為我鍾意榴槤質感帶軟滑呢！似乎發記做對了我的心水。今次的榴槤飄香，比我預期中料多喎！因為昨日食時我倆都話近年咩都貴，冇諗過佢唔剝削我