燒肉801

營業中

休息中

#MC帶你去尖沙咀.想品嚐細膩霜降嘅黑毛和牛燒肉，但又有預算限制？！咁依間日式燒肉店，你一定唔可以錯過！➖✨ 燒肉801.日式燒肉店於尖沙咀The ONE附近，主打九州產的黑毛和牛，多款豐富拼盤及二人/四人套餐，超值價錢可以享受到日本和牛，性價比不錯！➖🥢 志盛（2人前）燒肉套餐｜$498.以黑毛和牛為首，配以精選雞肉及豚肉；總共有六款肉類，二人份量剛剛好，而且有霜降黑毛和牛！➖🥩 鹽味牛舌📝 牛タン塩.以簡單鹽巴調味，牛舌軟腍爽口，入口十分彈牙，口感十足，超級滿足！➖🥩 黑毛和牛牛小排📝 黒毛和牛霜降りカルビ.黑毛和牛小排滿佈霜降狀油花細緻嘅紋路，肉質軟嫩厚身，輕輕一燒就可以進食。➖🥩 黑毛和牛上肩肉 ✨推薦✨📝 黒毛和牛上肩ロース.牛上肩肉油花紋理豐富，肉質柔軟細膩，輕輕一燒就可以進食，入口軟嫩適中！➖🥩 極上厚切牛胸腹柳📝 厚切りハラミステーキ.牛胸腹柳超厚切好大條，厚度非常之厚‼️口感軟嫩豐腴而且牛味濃厚。➖🥩 蔥鹽味雞腿肉📝 ねぎ塩鶏もも.雞腿肉肉質緊實，比起雞胸更加有軟嫩口感！➖🥩 黑毛豚無骨小排📝 豚バラ.黑毛豬小排肥瘦相隔，燒至微微焦香，肉厚味濃之外，油而不膩，好惹味‼️➖

晚上6點幾來到，都等咗大半個鐘先入得，座位唔算太闊。餐牌選擇唔算太多，不過就牛、豬、雞、海鮮或者內臟都有。啲醬汁好濃味，雖然醬汁好味，但唔加仲好，等燒完自己點，因為肉本身都濃肉味，加醬汁反而遮咗。肉好軟熟，燒完都不硬不會太鞋。肉味濃，也有油香。薄切牛舌唔會有咬唔開問題，爽口。肉味最濃的一款，也是有很多醬汁、黑椒、鹽。睇落比較碎，賣相一般，但味道ok。比較淋和粉，唔算彈牙。價錢還好，味道都還好，不過如果要等位就一般。

好似好耐無食燒肉～今晚同朋友試左依間日式燒肉店😋2個人叫左2個餐同一份極上厚切牛胸腹柳~2個餐都係叫左Single😂原來menu show 個個份量就係single，再加左白飯set（升級紫菜飯）同冷麵set極上厚切牛胸腹柳$138肉味香濃，無咩油脂～但肉質都係好軟，岩哂鍾意食瘦肉既朋友豊盛Single $178黒毛和牛裏腹小排美國牛肩胛肉美國牛肋骨條肉匠盛 $178黒毛和牛腹柳小排塩味上牛舌2個set既牛都唔錯😋牛舌係薄切既～無筋唔會韌，如果有厚切就好啦🙈🙈和牛油花好靚～食落油香滿滿加埋幼嫩既肉質～好正👍🏻冷麵調味岩岩好，酸酸地好開胃🤤麵質有咬口👍🏻紫菜飯必點！勁多紫菜～再撈下發現入面仲有隻溫泉蛋😋配埋牛肉一齊食，真係好正😍差啲想叫多碗飯🙈餐包左汽水，不過佢都有熱茶提供👍🏻整體都幾滿意～其實1人1個set都夠飽😆實在太多選擇啦🙈下次再試其他先😋

突然間好想食燒肉，即興去咗801🤭聽聞性價比超高，所以一直都想試今日試咗幾款都係熱門款式,除咗牛舌之外，其他的確唔錯😊下次再嚟！🩷101大判燒！黑毛和牛肩胛肉 配温泉蛋 $128薄身一大塊~一燒已經聞到好重嘅牛油香味食落香濃牛肉味，帶油脂香，沾埋溫泉蛋好似食緊壽喜燒，性價比好高！🩷黑毛和牛上肩肉 $148, 生菜 $28呢一碟係全晚最好食，雪花超靚，油脂平均，肉質嫩滑，好食到不得了但因為油脂勁，一定要配生菜食，否則好漏加埋生菜啱啱好，超級Perfect🩷極上厚切牛胸腹柳 $138呢隻牛味重，油脂少，肉質厚啲 ，有咬口！有啲似食牛腩🤭🩷鹽味牛舌 $78本身想叫牛舌盛，但係冇，所以叫咗呢個。一如所料，因為薄身，所以冇乜咬口，肉質唔多麻麻哋，始終都係鍾意食厚身嘅！🩷杏仁豆腐 $28我鍾意食呢個甜品呀，好香濃嘅杏仁味唔會太甜，好香滑，質感似布甸份量少咗啲！如果大杯啲就好🥰

早幾日去完尖沙咀睇戲睇完去搵吓附近食乜好見到呢一間喺正THE ONE對面嘅日式燒肉就入去試試佢💪🏻店員好耐心咁講解套餐嘅分別👍🏻我呢個牛舌die hard fan就點咗個「806牛舌盛」另外仲點咗「801盛」同埋加點咗兩碟肉 801盛❤️$198❤️呢個拼盤包括：大判燒黑毛和牛肩胛肉 (跟溫泉蛋)腹前牛小排蔥鹽味雞腿肉 個黑毛和牛肩胛肉真係好滑口輕輕煎香佢配埋個蛋漿真係世一！相對腹前牛小排就比較有肉味厚身啲有咬口蔥鹽味雞腿肉亦好嫩滑配埋蔥一齊食非常之夾呀806牛舌盛❤️$98❤️份量令到我嚇咗一跳牛舌控表示開心🥰🥰🥰拼盤分別有齊鹽味同醬油味兩款都好好味一次滿足晒兩個願望😍極上厚切牛胸腹柳❤️$138❤️廚師特登𠝹返個花紋切斷咗肉嘅纖維之後令到舊牛肉更加軟滑真係唔駛我多講都知好好食！！好林好有牛肉味點少少汁已經好正如果唔係太飽我真係好想再食🤤黑毛豚無骨小排❤️$68❤️我哋仲有點咗呢個豬肉一啲都唔柴夾埋套餐入面嘅泡菜一齊食襯到絕！最後不得不提就係呢一杯啤酒講緊嘅係佢個啤酒杯造型真係好搞鬼😂😂嚟緊過幾日天氣又凍番圍住個爐食返餐好味日式燒肉真係人生一大享受！

尖沙咀「燒肉801」從外而內都以鮮紅色做主調, 非常搶眼吸晴, 加深了我對呢間燒肉店嘅印象。今晚放工行經撞正唔洗等位, 就同同事入去食返餐。餐廳設大部份卡位, 坐得舒服。除咗抽氣做得唔錯, 完全無油煙感, 冷氣亦相當充足。呢度主打日式燒肉, 有牛嘅不同種類部位、九州雞肉、海鮮等…設定了好幾款盛合選擇, 加錢可以轉set加配飯/冷麵/生菜。【801盛 (Single)】HK$198大判燒!黑毛和牛肩胛肉:來自九州嘅黑毛和牛, 雪花牛脂分佈均勻, 烤後滲出少量牛脂, 肉質超嫩滑, 沾上温泉蛋蛋汁食, 嫩滑口感double up! 超推介!!腿前牛小排: 牛小排帶dd厚度, 肉味濃郁香甜, 肉質比預期林。蔥鹽雞腿肉:雞腿肉嫩滑冇雪味, 配搭香蔥食, 極為香口美味, 一試愛上!另外加咗HK$38升級套餐追加冷麵,爽滑冷麵, 吸咗少少酸尾尾湯汁, 岩哂邊食燒肉, 清新解膩。【神聖 (Single)】HK$168一次過食到牛嘅三個不同部位, 加咗燒汁, 係烤嘅過程中滲入, 令味道更提升。特上牛胸腹肉、腹前牛小排 口感味道都差不多: 肉質結實, 油脂分佈平均但唔算多, 口感軟嫩帶少少嚼勁。牛板腱肉:

餐廳：燒肉801地點：尖沙咀加連威老道菜式：日式燒肉餐牌：有燒肉盛合，黑毛和牛盛，其他盛，名物菜式，牛豬雞海鮮，蔬菜，湯同麵飯，甜品，飲品等。盛合肉類有分單份同雙份，做唔同價錢。仲可以加錢要米飯，冷麵或者生菜。落單掃QR code。神盛 Double $328 另加一神盛 Double包3款牛肉，分別係特上牛胸腹肉，腹前牛小排，同牛板腱肉。Double份量各有6片。牛板腱肉好大塊，比較薄切所以燒完好快就食得，燒得少少脆皮幾好食。腹前牛小排中等大細，油花都好靚，厚身d所以要燒耐d。食落都好多汁，而且口感好好，好多油花。特上牛胸腹肉大大條好厚切，估唔到好嫩口而且多汁啖啖肉，正！味道方面主要係惹味燒肉汁，必定夠味。冷麵 set +$38 另加一冷麵配有青瓜兩片同蛋半隻。仲有泡菜。極上厚切牛胸腹柳 $138 另加一極上厚切牛胸腹柳好大條，用木板上枱，我地揀左汁燒。九州雞脛柳 $68 另加一九州雞脛柳一客4條，上面加左黑椒同鹽調味，味道剛剛好。我燒到燶燶地，食落又爽又脆，好食。一開始就送上燒汁，不過唔洗點都好夠味道。枱上面都有辣檸檬汁同檸檬汁。日本蜜瓜汽水 $25 另加一叫罐日本蜜瓜汽水解渴先。

在尖沙咀The ONE附近的日式燒肉店，主打九州產的黑毛和牛，也可豚肉和雞肉選擇，單點和套餐有分大約150g的Single和大約300g的Double份量，一人獨食也很可以，環境舒適，抽風流通，而且價格在旺區算親民合理，人氣之旺不無道理！黑毛和牛盛Wagyu Beef - Single $298黑毛和牛肩胛肉大判燒大大片、覆蓋一整隻碟的和牛肩胛肉，賣相已經很吸睛，油脂分佈平均，雪花誘人，快手輕輕灸燒，豐富的油份讓火光紅紅，然後沾上蛋汁，油香、蛋香融為一體，肉質嫩滑，入口融化，超級滿足！ 黑毛和牛小排牛小排即胸肋骨部位，長長一條，比肩胛肉厚切一點，肉質也較結實，油脂豐富，燒烤後油汁隨著高煙溢出，超級邪惡。燒至全熟也不會過硬，反而吃到其焦脆的筋肉和嚼勁。神盛 Kami - Single $168特上牛胸腹肉 | 腹前牛小排 | 牛板腱肉一個Combo試勻3款高質靚牛！同樣牛肉纖維豐富，口感極佳。本身已有燒汁調味，還有本身濃郁的牛味，已經香氣四溢，配飯一流！ 極上厚切牛胸腹柳 Premium Outside Skirt Steak $138厚切並界上十字花，一夾起就感受到其份量。這個在韓燒店

The one對面開左間紅白主調的日式燒肉店由日本人主理 主打日本九州產的黑毛和牛更以偏大眾化價錢推出各種盛合set Lunch set仲可以免費配飯&湯喔想飽肚也推介加配清涼十足的冷麵解膩( ¨̮ )整體質素都不錯且價錢合理 蠻推介盛合s每款都充滿牛香 尤其喜歡牛胸腹柳&大判燒.▫801盛 single $198有11款盛合可以選～仲可以揀double則雙份 $388.ᐟ‪‪.ᐟ♪ 大判燒! 黑毛和牛肩胛肉算是招牌必吃吧( ´ ▽ ` )ﾉ 超大一片der薄片肩胛肉充滿油花 輕輕一燒再沾蛋漿味道香濃滑溜 夾雜些醬油香 還入口即溶很讚呢!♪ 腹前牛小排牛小排富有油脂感 有豐厚的牛香搭配醬燒夾雜肉汁味道香濃.ᐟ‪‪.ᐟ♪ 葱鹽味雞腿肉選用九州出產的雞腿肉 燒至金黃色帶少許焦脆外皮 肉質還尤其嫩滑 也不錯喔～.▫豚肉盛 single $98 double $188▫生菜set + $25♪ 黑毛豚無骨小排每次食燒肉都忍唔住點豚肉(ᯅ̈ )焦香脆嫩之餘充滿油香 沾上辣醬好惹味識食要夾埋泡菜&生菜食 咁先perfect!♪ 日本熟成豚香腸每口都充滿肉汁 帶豚肉香的脆皮腸♪ 厚切煙腩肉厚度剛好口感柔

這間日式燒肉店位於尖沙咀站附近，正好對著The One，主打由日本直送的九州產黑毛和牛，店裡店外鮮紅色的裝修充滿新派日本風。完善的抽風系統沒有半點油煙味，座位放有即棄的圍裙非常細心。801盛 - $248人氣招牌「大判燒! 黑毛和牛肩胛肉」，鮮紅的和牛有著降霜般的豐富油花且分佈均勻，肉汁飽滿且牛味濃郁，半熟的肉質如奶油般軟嫩，牛肉的嫩度及香氣十分明顯，蘸上日本蛋能降低牛溫及變得更滑溜；腹前牛小排富油筋及油脂，入口有著焦脆的筋肉，有少少嚼勁；蔥鹽味雞腿肉選用九州的華味鳥，特別嫩滑及甘美。806牛舌盛 - $148一片片薄切的牛舌特別酥脆有煙韌感，更有鹽味和醬油兩款調味。生菜Set +$25可加配升級為套餐，配泡菜及醬汁，還有米飯和冷麵。極上厚切牛胸腹柳 - $138招牌人氣之一，原塊厚厚的牛柳，胸腹位置的油脂風味更加濃厚、油花更細緻，肉味濃郁又多汁，入口好軟嫩。杏仁豆腐 - $28冰涼的豆腐軟嫩順滑不甜膩，富濃郁的奶香之餘，更有陣陣杏仁香氣。日本蜜瓜汽水 +$25日本忌廉汽水 +$25日本品牌的罐裝汽水，一杯富濃郁的蜜瓜果甜，另一杯則有忌廉的香甜。

早前睇Youtube有人介紹呢間日本人主理嘅燒肉店, 之後就長期排隊嘅人氣店, 係仲未有機會去日本前, 平日夜晚6點繁忙時間前試試係咪真係有日本味道坐低即係order咗2杯suntory生啤, 個杯嘅造型幾特別極上厚切牛胸腹柳 - 全晚MVP, 牛肉味香濃、肉質嫩滑、油脂分佈剛好, 好味到再encore 一碟黑毛和牛上肩肉 / 腹前牛小排 - 呢2款都出色, 都屬牛味較濃, 可惜醬汁太多搶咗牛味802樂盛 / 808臟盛 - 2款盛合都係150gram, 份量唔多但啱哂樣樣食少少試吓, 808臟盛有辛辣味噌牛腸、九州雞心都幾特別大判燒！黑毛和牛肩胛肉 - 牛肉太薄, CP值較低, 而且上菜時個蛋係牛腹柳一齊上, 要問店員先知鹽味牛舌 - 不過不失, 如果厚切會更佳日本蜜瓜燒酌梳打 - 蜜瓜味有D似陽X荳奶, 喜唔喜歡就見仁見智 味道正常發揮, 埋單人頭700, 可能期望過高, 整體用餐感覺平平, 店員不時提醒用餐時間只有90分鐘, 其實都食得幾急趕, 唔係餐廳介紹中嘅氣氛輕鬆同埋親民價錢, 再嚟如果要排隊就唔會考慮, 而且一定會叫走醬

日式燒肉店越開越多～ 點樣出奇制勝？無他嘅～ 當然憑實力取勝～ 食材優質、價格親民、裝潢搶眼、座位寬敞，日本人主理～ 相信已令不少食肉獸蠢蠢欲動呢～呢間✨燒肉801～ 正正新開係加連威老道（The One停車場🅿️入口對面）～ 餐廳內外全以火紅色作主調～ 未開始食已經感受到果種熱情歡樂氣氛🤗今日同朋友仔係度食個lunch~ 啱晒la~ 佢係燒肉好手呢😜🐮🐷🐔802楽盛り single（腹前牛小排、黑毛豚無骨小排、蔥鹽味雞腿肉）牛小排頗厚切的，油花均勻、入口軟嫩多汁~ 🤤豚小排油脂豐富，可以燒到肉邊脆脆的，非常惹味亦不帶燥味～ 雞腿肉嫩滑好味，燒至微脆再加鹽蔥一齊食～正！🐮806牛舌盛り single（鹽味牛舌、醬油牛舌）可以試晒2款口味～ 2款都係薄切，鹽味較light，醬油較juicy~ 😜我鍾意加幾滴放枱邊果支辣檸檬汁～ 食落更爽口惹味！🐮102極上厚切牛胸腹柳絕對係真厚切～ 胸腹柳部位肉味濃厚、油花細緻，肉香油香俱佳～ 先將肉2邊燒好，再慢慢剪開細片燒～ 🤗絕對推薦的單品～2款「盛」均可配麵豉湯同白飯，係Lunch hour 時仲係免費㗎呢！另外朋友order咗杯Suntory生啤

香港嘅日式燒肉店越來越多，今日去咗一間比較新嘅燒肉店－Yakiniku 801，位置非常方便，正正喺尖沙咀The One對面。餐廳有提供圍裙，非常貼心，否則我既白色恤衫返屋企凶多吉少🤣。值得一讚餐廳既抽風系統，環境唔會變得煙霧彌漫。- 801盛燒肉拼盤包括黑毛和牛肩胛肉、腹前牛小排同鹽蔥味雞腿肉。黑毛和牛肩胛肉油脂非常豐富，肉質鬆軟，沾上日本蛋漿一齊食入口更滑溜，實在太好味所以叫多一份😍。腹前牛小排脂肪均勻，醃製後更加惹味👍🏻雞腿肉肉質鮮嫩，鹽蔥係分開上，燒嘅時候鹽蔥同雞腿肉黏唔到一齊，不過都夠入味。- 冷麵套餐加$38就有一份冷麵，份量都唔小，麵條經過冷凍後口感更彈牙爽口，湯底帶少少酸甜所以好開胃。- 九州雞盛雞盛拼盤同樣有三款食物，包括蔥鹽味雞腿肉、九州雞脛柳同九州雞心。雞心幾有驚喜🤩，爽口之餘帶少少油脂感，雞脛柳味道亦唔錯。- 極上厚切牛胸腹柳牛胸腹柳好大塊非常抵食，肉味濃郁，燒得非常香口，所以普通鹽燒已經好好味🥰最後埋單都係$600左右，真係非常抵食😋

新開的一家燒肉店，跟平常常見的網燒有分別，這裡給人的感覺是像去了燒肉居酒屋的感覺，大家的距離感會近一點，熱鬧一點！這裡的抽氣設備也很好，吃完不會有燒肉味！神盛套餐（168元）這個一共包括了三款肉，分別有特上牛胸腹肉，腹前牛小排和牛板腱肉，加起來約150g，每款三片！其中特上牛胸腹肉和腹前牛小排都是比較厚切的，吃起來肉嫩多汁，肉質很好，帶有油花，而且有牛味！而牛板腱肉就吃火鍋會比較常見，中間有點嫩筋，會有咬口一點。牛肉本身已有調味，所以可用沾醬汁已經好吃，但沾了會更惹味！這提供的醬汁會帶點香辛料，所以鹹甜中會帶點辣！黑毛和牛小排（128元）這個是日本產的，只有四片，但肉質和油花都要更好，吃起來肉質滑嫩，帶有豐富的油香！極上厚切牛胸腹柳（138元）這個一整片上，沒有預先切開，可以看到真的非常厚，超過1cm了，而店員會提供剪刀給你處理的！我就將他先切開，然後再慢慢燒，這就不會掌握不到火喉，燒得約5成熟，表面再帶點焦焦的就最好吃了！吃起來是滿滿的肉感，肉質嫩滑，完全沒有任何的肉渣，牛味濃郁，吃起來很過癮，份量也挺多的！牛小腸（58元）這份量挺足的，都切開了，燒的時候挺方便，這個建議大火一點去燒