牛大人台灣火鍋吃到飽 (形點 II)

營業中

休息中

痴線分享突然想打邊爐即刻book左牛大人21:00優惠時段揀左最貴既極上和牛餐 可以食到23:00$308/位 加埋一兩個人$678重點黎喇！1.係OpenRice 買現金卷$95代$100 買左6張減左$302.用Rice積分再減左$443.用Payme比錢滿$180又減$54.最後尾數$78用Point dollar比埋即是$521就食到和牛 仲Free埋泊車3個鐘😋🌟必食 養生鍋 安格斯牛小排 M9和牛牛丸依家牛大人做緊任食Dreyer’s有開心果雪條💚

大西北竟然都有分店，環境比起出城，都好闊落吓。同大西北地膽胃弟打邊爐，嚟呢間塞飽佢就最好不過今次有新嘅湯底揀，酸菜魚唔只可以用嚟就咁食，仲可以當湯底打邊爐，呢個三椒酸菜鮮魚鍋好夠味道，由於係用嚟打邊爐，魚肉係炸起嘅，但用嚟滾湯都好滑就算食最貴嘅餐都唔貴，就食到SRF美國黑牛後腿肉、黑松露海鮮漿、澳洲和牛M5牛肩卷、安格斯牛小排、手切封門柳、安格斯一口牛肉粒同豬雪花肉片。M5和牛真係勁有牛香、其他肉都好正，有啲仲幾厚切仲有澳洲和牛牛丸送𠻹呀，呢個唔係任食，要好好咁滾佢，真係勁彈牙爽口，極具牛香除咗黑松露海鮮漿，仲有其他肉漿任嗌任削，肉質豐富，口感多重出面仲有自助區，為咗逼自己食蔬菜，先用蔬菜裝滿自助碗（每檯得一個碗），但都好新鮮爽口食晒先吉到個碗出嚟裝其他丸類同食材，好多肉丸都好正，芝心丸同貢丸激讚雖然食飯好飽，但都一定要同胃弟些牙一人一半滷牛肉飯，太惹味喇胃弟竟然發現附近有麻辣湯飯recipe教學，跟指示撈出碗驚艷滷肉湯飯嚟打邊爐飲啤係好爽，佢地有少爺啤酒嗌，用高腳杯裝住超有感，同酸菜湯底都好配飲完再嗌杯酸梅湯同冬瓜茶，中西涼茶齊下火嘢飲有好多選擇，但必定要飲佢地嘅冷泡茶，今次試大紅袍

一年四季都要打邊爐🥘120分鐘吃到飽～牛大人極上和牛吃到飽 $328 已包一款湯底，+$50就可以鴛鴦鍋，所以揀左酸菜湯 + 蕃茄湯🥘🥫🥘一大銅湯底盛上，輕嚐一下蕃茄湯，味道十分濃郁😋夠哂味👍🏻放哂峰巢豆腐，金菇去索味🥩肉食方面，種類多不勝數🫶🏻 揀左最貴的牛食🥩每位會贈送2粒澳洲M9和牛牛丸👍🏻呢個真係不得了！牛味極濃郁，同平時食開既分別真係大大大不同😍隨此之外，仲有和牛M5牛肩卷、手切封門柳、安格斯牛小排、安格斯一口牛肉粒都係最貴嘅套餐先有😍😍😍真係一分錢一分貨🫢牛的口感係更加鮮嫩，肉味亦相當濃郁🫶🏻油脂分布均勻👍🏻其他配料/小食方面都有幾款推介🫶🏻✨水蓮 🫛 好特別的口感，放落鍋幾耐都係爽身 黑松露海鮮漿✨滿滿的黑松露味道鵝腸✨幾秒定律，爽脆都不得了蕃薯粒脆卜卜✨炸得香脆可口，甜薯👍🏻飲品方面，除左有牛大人多款自家的冷泡茶之外，亦有酉鬼 - 『芭樂鹽小麥』(售價$68 / 400ML)🍻打邊爐又點小得酒呢，酸酸甜甜好開胃🍻唔會飲到成肚氣架😋😋仲有大把quota喪食牛😚😚最後，有芋圓仙草糖水同movenpick雪糕選擇🧡完全飲飽食醉的牛大人🐮*雖然仼食，但都唔好浪費食物✨✨🫶🏻