竹串日本料理 (已結業)

老婆大人食過呢間魚生飯話超抵食，今日佢終於帶我黎食傳說中既饅魚飯啦！中午黎既人真係多，好彩我地黎到時仲有最後一張檯! 喺銅鑼灣食日本菜，真係冇三四百都唔得啦！但係呢度午市定食$100都唔駛呀！！！八款午市套餐由$68至$98不等～ 超抵！而且多元化，總有一款岩你！每款定食附有沙律、餐前小食、味噌湯。沙律十分爽脆，用上少少麻醬調味，十分清新開胃。原來每次餐前小食都唔同，今次有螺肉。味噌湯～一落完Order，鰻魚飯即上～成條約一把長間尺既燒鰻魚放在飯面，十分肥美！！！冇斬件原條上更覺矜貴！燒得剛好好，有微微炭香味，塗上少量鰻魚醬汁，配白飯中和一下油膩感就perfect! 竹串日本料理既海鮮全部由日本直送，真係要試試啦！極上魚生飯有齊牡丹蝦、三文魚、吞拿魚、海膽，帶子和油甘魚，鮮味十足！件件刺身好厚切，帶子係好肥美...而且仲係中間夾左塊檸檬添~令到帶子更加清新鮮甜！睇下隻牡丹蝦幾大隻！D肉仲好扎實架！最後仲有甜品：迷你雪米糍，今日我食到香芋味～完美。價錢超值，店員有禮服務周到。竹串日本料理銅鑼灣登龍街28號永光中心15樓3590 4577/6695 6482

冇呃你！有圖有真相！第一次嚟到登龍街食嘢，因為經過見到嘅餐館都比較貴，而且又細細碗咁，唔係好捨得食！但今次居然比我搵到平！靚！正！嘅嘢喎～竹串日本料理只係開咗幾日，老公朋友食過覺得好抵，我地就即刻過黎LUNCH啦！果然，食物質素十分之到位！而且又坐得舒舒服服～午市套餐由$68至到$98不等，包括沙律、餐前小食、味噌湯同甜品！前菜好特別，有海帶同八爪魚，加上醬汁攪拌而成，淘小姐係出面真係未食過～我叫左極上魚生飯$98～嘩！嘩！嘩！刺身好厚切啊！有帶子、牡丹蝦、三文魚、吞拿魚、油甘魚同海膽！！！通常三文魚都會被視為比較普通嘅魚，但呢道既三文魚刺身俾我一個驚喜嘅感覺！脂肪分布均勻，魚脂嘅甘香，更增添食慾～兩件帶子(厚到不能用片做量詞！)只係俾我掌心細少少，而且仲係好似十分甜美！油甘魚同埋拖羅簡直係高質添！隻牡丹蝦肉質爽甜，好好食啊～＄98食一個魚生飯，我相信外面一定食唔到呢一個質素！真係超值！！！極上鰻魚丼飯$98呢個鰻魚飯...... 老闆會蝕本嗎？用上海鰻，冇斬件斬件原條上，更覺矜貴！誇張嘅Size更加令我哋一食難忘，長度比男士嘅手掌還要長！驚喜呢～我地post左上自己既社交網站，個個朋