粒粒果甜品 (已結業)

地道小食同台式飲品開到城行城市，但糖水先係我地今日既目標。行過依間比一個又一個既榴槤星球所吸引，就一於去探索下依個新星球。榴槤星球，外觀已經吸引死人。一粒又一粒精凝通透既榴槤星，包住一咬就爆出黎既榴槤果肉，充滿榴槤既香氣，好得意好特別既感覺。而且下面仲可以揀係配椰汁西米或涼粉。我就要左西米，加埋一片片既新鮮水果，好清新好夏日既感覺。另外朋友要左個綠茶芭菲，除左綠茶雪糕之外，仲有粒粒蜜紅豆、小丸子、粟米片。。。好多好多既配料，口感十足，配搭得好味之餘又抵食。最後叫多左個芒果窩夫開心share，外觀又係非常吸引，而且即叫即做，熱辣辣，外趣內軟好好食。仲有兩球芒果雪糕，濃濃既芒果味，有種冰火交融既感覺。登陸新星球成功，下次可以再度探索依個星球其他甜點。

某日下午跟朋友在旺角逛街，走到腳累好想坐坐。知道廣華街附近好像不少好hea的cafe。還沒找到心水café前，經過這家甜品店，剛好我們倆人都不嗜咖啡，愛甜食，馬上被餐牌吸引了進去。環境也不錯，非繁忙時間人不多，似乎可以抖抖傾下計。-一人點了一個甜品share食，很愛waffle的我直接選了士多啤梨waffle.朋友是榴槤控，問了我吃不吃榴槤後，就選了榴槤星球，涼粉底。-Waffle是站起來的兩個心型，暖暖地外脆內軟，即製的自然不差。前後有雪糕陪襯，可惜雪糕質素一般。周圍淋上草莓粒草莓醬，酸甜開胃。味道不錯。情侶食應該仲開心，夠哂sweet。-榴槤水晶球晶瑩剔透，應該很花工夫，類似大菜糕的口感但更軟嫩一些，裡面榴槤質素比想像中好，香甜綿密；一羹一粒連同花奶送入口，正，一下子就KO。還好尚有其他鮮果，芒果西瓜哈蜜瓜都幾甜，看來選材不錯，新鮮。涼粉底清熱消暑，好適合在外面逛到熱辣辣的我們。-整體吸晴又好味，又打得卡又食得，值得一讚是環境舒服不侷促，hea了一段時間都沒有白眼我們，悠閒滿足的下午。

最近天氣十分酷熱，一出街我被熱熔咗，早上去完做FACIAL，又食中午飯後，於是乎一個人行到旺角百利達廣場1號地舖，發現粒粒果甜品，於是入去坐吓，休息下。甜品舖裝潢簡約，主調多為白色為主，牆上掛上有花主題的畫，感覺舒服。由於甜品舖三點開門，過了太約20分鐘後，己經坐滿囇人了。一打開餐牌，唔使諗要叫我至愛榴槤星球伴椰汁西米，有哈蜜瓜、芒果、西瓜、加埋有創意的榴槤啫喱星球，而已生果即制新鮮，是我至愛夏天消暑的甜品。整體上生果新鮮，而且不會太好甜，有創意的榴槤啫喱星球，榴槤入口好香好滑，配上啫喱星球，視覺已經好吸睛，入口又好得意又香又QQ的。十分滿足。甜品舖掛上簡單花卉掛畫有創意的榴槤啫喱星球,好正有創意的榴槤啫喱星球$43，配上椰汁西米露，加上新鮮生果，有哈蜜瓜、芒果、西瓜.(得分: 4/5) 生果星球$42 (配芒果汁涼粉)，帶回家給家人一齊食消暑又解渴的生果星球。(得分: 4/5)整體而言，位置離地鐵有點遠，但是食好野要行多少少腳程，簡單而坐得舒服甜品舖，而且在甜品保持新鮮而且有創意，吸引年青人，好友知已，一家人食完飯後食甜品的好地方。