小曼谷泰國美食站

營業中

休息中

星期一黎到銅鑼灣小曼谷泰國美食站食泰國菜。午餐menu有好多選擇，而且仲可以額外加配優惠。牛腿丸牛肉船粉揀左金邊粉，走青走炸蒜，牛肉非常軟腍，牛丸好惹味，湯底夠正宗，好好食，而且份量係男士都會飽既。豬+雞串燒用左加配優惠，加$32就食到。我鍾意雞肉多啲，比較嫩滑。泰式芝士烤薄餅 (2塊)雖然無叫到咖哩蘸薄餅食，但由於加左芝士，本身都好夠味，鹹甜鹹甜甘，酥皮整得好鬆脆。小曼谷原隻芒果糯米飯好耐無食過芒果糯米飯，芒果唔會酸，欣賞餐廳將椰醬分開上，可以自己控制份量。榴槤沙冰有得揀少甜，遠處都已經聞到榴槤味，沙冰飲落好幼細，濃濃既榴槤味，必飲。

小曼谷係其中一間我會常去嘅泰國餐廳，因為呢度嘅黃咖喱同烤薄餅十分出色。之前已經見到呢個龍蝦孖寶($398)好幾次，但次次都售罄，今次終於食到，叫咗牛油蒜蓉燒龍蝦+燒白鱔，原隻龍蝦被滿滿嘅蒜蓉同炸白飯魚覆蓋，龍蝦好新鮮好彈牙，好鮮甜好好味，真係好想自己獨吞成隻🤭而白鱔燒得脆卜卜，啲肉又好肥美。另外叫咗黃咖喱牛腩($118)，咖喱香濃，牛腩又淋身唔乾口，再配埋酥脆嘅烤薄餅($58)，絕配。今晚仲有現場表演，都唱得幾好聽。

味覺旅遊-泰國繼續食左當去左😆。呢間餐廳個火車頭裝飾真係勁吸睛，再望吓店內裝修，一盞盞吊燈，好有mood，感覺坐喺度食嘢會幾舒服；再望吓餐牌，午市套餐超抵食，幾拾蚊就可以買到味覺回憶……當去泰國走一轉都好。🤣🤣本來真係諗住食個午餐就算，但揭吓餐牌，太多嘢想食啦，最後都只得放棄午餐，叫左一堆自己勁鍾意嘅嘢食。🥭小曼谷原隻芒果糯米飯 $88未諗正餐，已經被甜品吸引，每次喺曼谷機埸都會買幾盒返香港。嘩!呢個擺盤真心正❤，個心形糯米飯，非常軟糯，咬落仲幾煙韌，配上濃厚嘅椰漿，很香甜；而芒果一d都唔酸，清清的，實在不錯。🥩泰式燒羊架 $138喺泰國未食過燒羊架😅但羊架係my favour美食之一，呢個係餐廳推介，信心保證，應該唔差。上菜時見到羊架細細件，啱晒我想食又怕太多會浪費，份量啱啱好。輕輕咬一口，羊脂已湧出嚟，但一d羊羶味都唔覺，火喉亦控制得很好，d肉完全唔鞋，很容易咬，配上酸甜帶小小黑椒香味嘅醬汁一齊食，其實食多兩件都唔會覺得膩。🥘小曼谷泰式煲仔翅$98呢個又係去曼谷必食嘅，呢度只係$98，同泰國食嘅價錢竟然差不多，價錢雖然平，但用料好足，唔係用散散碎碎嘅翅，而係有3，4梳嘅翅片，仲有雞

今日相約一位好耐無見嘅朋友出來聚舊，先行街，然後食晚飯。行到大約6點幾，開始肚餓，我朋友提議去小曼谷泰國美食站(銅鑼灣謝斐道535號Tower 535地庫B2舖)。 去到小曼谷門口就比好大架火車頭吸引住，不忘打咭留念，場內都放了好多別緻的裝飾品，好有懷舊FEEL，餐廳環境干淨舒服，座位寬敞，食物有地道泰國風味，而且價錢合理。我地點了3款菜:1) 鮮海蝦球沙嗲串燒海蝦沾上濃郁嘅牛油香，口感彈牙、嫩滑帶微微焦香味，蝦味十足。2) 泰皇咖哩法包軟殼蟹咖喱味香而不辣，軟殼蟹炸得外脆內軟不油膩，麵包好似一隻小船，盛載住滿滿的咖哩汁，麵包滲透了咖哩汁，咬落去脆脆外皮入面軟淋淋，超好味。3) 鐵板豬頸肉炒芥蘭(馬拉盞)香濃馬拉盞炒芥蘭，少少辣好惹味，豬頸肉厚薄適中，剛剛好，正。。。飲品榴槤沙冰~棉棉榴槤沙冰入面有絲絲榴槤肉，有口感之如，重有好濃榴槤味。珍多冰~濃濃椰汁味，美麗彩條好軟滑Q彈，重有大樹菠蘿條，好味。除了食之外，駐場仲有人即席唱live，真係好有放假FEEL。

一到夏天完全就係食泰國嘢嘅季節～🤣🤣 一入去就發現有個火車頭既裝飾 入到去都見到好多火車既飾品 幾特別～1002 牛肉沙嗲串燒 $24牛肉幾易咬開 唔錯1004 雞腎沙嗲串燒 $24雞翼好爽脆1005 雞軟骨沙嗲串燒 $24雞軟骨水準普通，好似平時串燒店食個隻 有小小軟骨亦有小小肥膏1006 雞脾菇沙嗲串燒 $24雞脾菇好多汁亦好爽口。好味！2902 泰式馬拉盞炒椰菜苗 $92佢嘅馬拉盞汁落得比較多，所以食得辣嘅你會覺得好惹味唔食得辣嘅朋友可能要注意下。 3014 泰式豬手飯 $88豬手好淋，佢有配泰式辣汁，令到豬手食落無咁肥膩🥰。我都有用泰式辣汁點串燒都好夾。4005 榴槤沙冰 $50真係好大陣榴槤味 好香😌而且仲要有小小榴槤肉。4017 泰式龍眼冰 $33有啲冬瓜茶既味道，都幾好味 有好多龍眼肉！

呢排Sogo做緊特價，難得今日放假就去銅鑼灣shopping ， 購物完要搵間餐廳食飯就搵左一間泰國菜仲要系新開張當然要一試啦！一行到門口見到有一架火車頭，好似去左一間火車餐廳咁，餐廳怖置挺特別，座位又寬鬆。食物種類又多有幾頁紙，見到樣樣都想試。咸牛舌$28/串燒到好夠味，仲要系厚切牛舌。雞腎$16/串燒到好爽脆。地道燒臘腸$18/串臘腸好香口又不會有肥肉。雞全翼$18/串雞翼燒到外層皮脆肉嫩。牛根丸牛肉船河，牛根丸牛味濃又彈牙又有肉汁，牛肉又嫩滑，湯底又濃郁。鐵板豬頸肉通菜，豬頸肉炒到好香肉又嫩，馬拉盞通菜又夠野味。泰式炸蝦餅（細），蝦餅一開為二份量十足，大大個蝦肉又彈牙又好香口。極上牛小排醃沙律，牛小排煎到唔是全熟正合我心意，肉質嫩又不韌，仲要厚切一碟有8-9件又夠入味，沙律菜又fresh。椰皇沙冰不會太甜。最後以甜品結尾椰汁西米糕拼泰式千層糕。