杏甜品 (香檳大廈) (已結業)

和朋友在尖沙咀晚飯後，她就帶我來到這家杏甜品食甜品！杏甜品，顧名思義主打杏仁類甜品，有招牌杏仁茶燉蛋白，杏仁茶吸吸等等。朋友本想點杏仁類甜品，但時間已晚，都售罄了，而本人是不愛吃杏仁茶，所以今次試的甜品都是其他款式啊！呂宋芒果奶昔雙皮奶，大大片的芒果鋪滿面層，芒果味道香甜！下面鋪有芒果沙冰，底層就是雙皮奶，雙皮奶口感滑溜。整碗甜品充滿芒果香，但又不會過於甜膩。椰皇貓山皇燉雙皮奶，雙皮奶同樣滑溜，並充滿椰汁香！更正的是那一小球貓山皇雪糕，夠冰凍又有一絲絲榴槤肉，榴槤味香濃！！額外追加兩粒榴槤湯圓，湯圓皮軟熟，一咬開便充斥滿滿香濃榴槤餡！抹茶湯圓同樣好吃！抹茶味帶微甘，與微甜的湯圓皮相配合，好吃～～～兩份湯圓有別於其他甜品店的以薑湯配合，而是以清香的桂花湯為基底，不會霸了湯圓的味道。幾款甜品的質素不錯，都很好吃！朋友期待再來時可以試杏仁茶啊！

之前同朋友係尖沙咀行街個時見到呢間新開嘅甜品舖，聽聞嘢食質素都唔錯，見到仲試過排長龍😲 今日平日下晝同朋友想食甜品見到唔洗排隊就入咗去試🤤今次揀咗士多啤梨爽冰 ($52) 呢個真心有驚喜😳 原本以為係普通嘅士多啤梨味冰，但呢個冰應該係打咗啲士多啤梨落去個冰到🍓所以食落士多啤梨味都幾自然，唔會人工化學個種😛 而冰本身都打得好滑唔會有冰粒嘅粗糙感，加埋啲西米同椰果有啲似食緊好fresh嘅雪葩😝榴槤湯圓 ($36) 糯米皮唔會厚🍡所以一咬啲榴槤香就係個口到爆出嚟🤪 之後同朋友講嘢個口都成浸榴槤味🤣 襯埋桂花糖水唔會太甜，表示一個人都可以輕鬆食完一碗都唔會好膩🤣 朋友係榴槤控表示最滿意呢個🥰芒果奶昔雙皮奶 ($59) 呢個係店員推介嘅甜品，面頭勁多一片片嘅芒果🥭下面有啲芒果沙冰墊住，再下面就係雙皮奶🥛 雙皮奶都夠滑而且奶味都幾香，不過個人覺得自己可能都係鍾意食草莓爽冰多啲，相對上呢個係一個唔算好大驚喜，但係包好食嘅甜品😛總括嚟講呢間都係尖沙咀可以一戰嘅甜品🤤疫情下好多小店嘅生意都受到影響，希望大家都可以多多支持小店💪🏻