蘇媽.蘇媽馬來西亞茶餐室

營業中

休息中

呢日去荃灣大會堂睇表演所以近近地去後面街搵食大約6點左右入座唔洗排嚟到緊係要整番個肉骨茶飲啦肉骨茶可以揀唔同豬嘅部位我哋要咗豬腳雖然個煲唔係好大但呢度可以免費加湯唔怕唔夠飲！！必食！！檳城福建蝦麵個蝦湯十分香同濃郁唔好見到佢紅卜卜就以為係辣其實面頭個啲係蝦油嚟之前我試過叻沙，覺得蝦麵俾叻沙更好味砂煲老鼠粉熱辣辣上係會有加乘同埋佢份量都幾大個點會唔食埋咖央多士呢？記得一定要趁熱食呀！檳城白咖哩麵呢個我就覺得普普通通因為椰奶味太重，都唔係好食到其他味我哋食咗一粒鐘出嚟7點左右已經見到有少少人排隊所以如果唔想排嘅建議早啲嚟！

往年6月都一定出走外遊，喺繼續無得飛嘅情況下，唯有搵d外地特色食肆暫時滿足吓。睇朋友IG，決定揀蘇媽·蘇媽，唔只係馬來西亞食物，連裝修都有極濃馬拉嘅味道，當飛左轉馬來西亞都好。😄 🍲檳城白咖哩麵 $62🤣🤣朋友笑我話似車仔麵，其實係舊豬紅影響左啫。豬紅幾爽彈，搭配白咖哩都幾夾；最彈牙係粒白魚蛋，大大粒，咬落真係好有回彈力；豆角、芽菜都處理得唔錯，唔會煮到太腍，脆口翠綠。桔仔話梅水 $35 (跟麵$28)感覺返晒嚟，每次去星馬都一定每日一杯，呢杯味道同喺果邊飲有8成相似，再酸d就更啱我口味。椰香咖央多士$35呢個真係好一定要叫，首先烘得非常脆口，即使因為我食麵食得慢左，以至擺耐左先食，但依然香脆，而夾心嘅椰香咖央甜度啱啱好，又夠多👍👍 抹茶榴槤糯米磁 (餐牌真係用呢個磁🤭 $65)驚喜係糯米糍係暖身嘅，應該係即叫即做，用左抹茶做皮，淡淡嘅口味更襯托出榴槤嘅果香。榴槤餡大讚，咬開有少少爆漿效果，果味極香濃，甜甜嘅榴槤餡真係令榴槤控大滿足。 最後，環境、裝修、餐具絕對係我揀呢度嘅原因，極用心嘅佈置，對於要止痕嘅旅遊痴如我，的確可以有療瘉嘅作用，特別欣賞藍天白雲嘅天花板。☁️☁️

蘇媽蘇媽由佢係深水埗店已經開始食，深水埗個位置冇咁方便，所以開左係荃灣就多左去荃灣食😍😍（5分為滿分：🌕）味道：🌕🌕🌕🌖🌑檳城白咖哩麵($58)呢個麵係個日去食見到最多人叫既一個🤣而我次次去食麵會叫呢個，因為佢可以自己揀辣度，岩曬食唔到辣既人😋而且配料都好多，所以次次都會叫呢個😎湯咖哩麵($58)呢個係第一次叫，係有少少似叻沙既味道，不過呢個相對黎講真係辣左少少🤏🏻唔食得辣既建議唔好揀呢個🤣但個味道係好惹味，入面既豆腐卜索曬啲湯汁真係好正呢🤩🤩檳城福建蝦米線($62)本身其實係想叫另一個麵- 檳城呀參叻沙，不過店員好好咁提醒個個會比較辣，冇得轉辣度，建議我地可以試下呢個😝呢個蝦米線個湯底好濃既蝦味，好鮮甜，會不自覺食完一啖接住下一啖😋椰香咖央多士($32)咖央多士又係每次黎到必叫的，一份切開4舊，多士脆卜卜，入面既咖央醬多到滿瀉，一咬落去就係幸福既感覺，叫一碟又可以大家一齊分享，不過一定會出現搶食既情況🥸熱檸檬薏米水($25)食啲辣野叫番一杯就可以解辣，而且又養生，仲有好多生熟薏米，煲得好稔，我會一口氣食埋佢🤣🤣不過呢杯飲品好似就略嫌貴左少少🤏🏻馬來西亞拉茶($17)一上枱就比佢既泡泡

$28~椰香咖央多士，並非普通茶餐廳多士，夠脆，多料👍$45~馬拉沙嗲串燒(3串)，夠香，入味，三款肉都有，沙嗲醬濃郁👍$48~百吉地肉骨茶(猪腳彎)，肥瘦適中，肉骨茶無限添加，湯夠熱，他們是馬來西亞風味的肉骨茶👍$55~檳城白咖哩麵，有蝦，有雞蛋，有猪紅，有魚旦👍幾年前由深水埗食到荃灣，呢間做得很成功，值得排隊是有原因的，價錢實惠無需加一，食物質素有水準，份量適中不會將貨就價，肉骨茶無限添加，環境特色設計獨特。

襯平日去幫襯經常要排隊既蘇媽蘇媽，趕得切係lunchtime 前到👏🏼👏🏼坐低3個字後開始多人，過多陣就full埋，真係好受歡迎☺️·•馬來西亞拉茶。拉茶好似有陣薑味，我自己覺得唔錯，都好飲😋•怡保白咖啡。通常都比較甜，不過都幾好飲•檳城白咖哩麵。叫咗少辣，都幾野味，不過份量比較少，男仔食應該唔夠飽•辣死你嗎配仁噹牛肉。椰漿飯好正呀🤤，牛肉好夠淋，個汁都好好味，又唔算好辣wor @@·下次再試其他野😋

假期午市12點到，餐廳已經坐滿人，所以記住要早d到，就唔駛排隊等位。叫左檳城白咖哩麵($55)，三層肉($48)，椰香咖央多士($28)。麵類食物有好多款可以揀，尼款係白咖哩，可以自己揀辣度。湯底奶白色，好大陣椰香味，而且愈飲愈上癮，超好味。有大量配料，其中有魚蛋、豬紅、蛋、已除殼既蝦、豆角、芽菜，好豐富。油麵份量多，唔算掛湯，但一啖麵一啖湯，好jeng。成碗湯飲哂冇難道。個人鍾意尼個湯多過肉骨茶。肉骨茶好濃藥材味，顏色深，入口甘，不過好易凍左，所以飲到一半，要refill熱既。 估唔到一小個碗，都裝到好多件三層肉。每件肉都肥瘦層層可見，肉易咬，不過唔算好入味。咖央厚塗甜而不膩，而且烘得夠脆夠香口，放耐左先食都一樣好味。多士一開四件，方便食。不過牛油如果都係厚切一塊夾住，會更加有口感同好食。整體，侍應做野手腳快，而且食物好快就到，雖然餐廳唔算大，但坐得舒服。

由佢試業果陣就好想試，終於有時間下午過去試一試。入到去都已經坐滿人！座位較逼，餐牌都有好多選擇。環境好有馬來西亞既感覺！我就點左檳城白咖哩麵$48，我覺得一般朋友點左檳城褔建蝦麵$50，都係一般最後點了椰香咖央多士，包皮烤得好脆，咖央味好濃！唯一覺得係比較出色的！我認為價格相對較貴，有啲物不所值