Mana Thai Kitchen (已結業)

早幾日去完會展睇展覽，諗緊想食泰國菜，上網search下，發現喺灣仔酒吧街附近開咗間新嘅泰國菜餐廳，咁就一於去試下啦。烤牛肉沙律牛肉片嘅分量多，可以話係真材實料。沙律少少辣，但同烤牛肉好夾。牛肉片帶有肥油，嫩滑得嚟又有牛味，又有一點油香，我個認為依個沙律非常好味。牛肉船麵材料非常豐富，牛肉片、牛腩、細牛丸、酥脆炸豬皮，全部都好正。船麵深褐色嘅湯底牛味重，仲可以品嘗到類似肉骨茶嘅中藥味同多款香料嘅味道。湯汁掛哂上彈牙嘅麵條，多層次嘅美味，齒頰留香。秘製泰式雞翼雞翼炸得相當香脆，而且已到切開成一字骨，食起上嚟好方便。檸檬蒸海鱸魚鱸魚size夠2-3人食用。除咗青檸、仲有乾蔥蒜頭等調味。魚只有數條大骨，可以話係啖啖肉。魚肉嫩滑鮮甜，點埋碟入面嘅湯汁食，更係惹味非常。蝶豆花梳打見到依個紫藍色，相信大家都知道係蝶豆花。梳打有加入青檸同薄荷葉，有哂味道同埋相。荔枝薄荷梳打荔枝味香，仲配有荔枝肉，飲落清涼冰爽。

見到新開張有九折，就約埋同事去試吓。一入去，地下係唔開放，上到樓上，環境闊落，坐得都幾舒服。夜晚同朋友吹水食飯一流。講返嘢食先，我哋嗌左菠蘿沙冰同泰式奶茶。菠蘿沙冰，係用新鮮菠蘿整嘅，好好飲值得推介。泰式奶茶，茶味濃郁，好有泰國味道。前菜叫咗生蝦刺身，泰式鳳爪，柚子沙律，青木瓜絲沙律，生菜包，雞肉蝦米紙卷。味道都OK。生蝦刺身醬汁放埋喺刺身上面，醬汁夠辣。主菜，有預訂咗一隻蟹，用嚟整咖喱蟹，另外有泰式炒金邊粉，泰式炒闊河粉，菠蘿炒飯，檸檬蒸海鱸魚，烤豬頸肉。泰式炒闊河粉，個闊河粉好特別，口感煙韌，原來個河粉係喺泰國運返嚟！最後，叫咗芒果糯米飯做甜品，冇乜特別不過賣相幾靚。