春陽茶事 (謝斐道) (已結業)

之前去台灣嘅時候已經試過春陽茶事，試咗個柳丁綠茶，勁好飲！所以對佢地印象好好😍😍咁啱今日經過銅鑼灣見到香港有佢地嘅分店，所以決定試下😝😝今次試咗佢地嘅招牌飲品：檸檬蜜烏龍😊檸檬蜜嘅味道好出，但茶味相對淡啲，唔係太明顯，飲唔到烏龍味，如果茶味濃小小會更加好😔😔飲落其實有小小似檸檬茶，不過多咗檸檬蜜味，會香啲😋整體黎講都幾推薦大家試吓👍🏻👍🏻夏天飲的話都幾消暑，大家可以試下😍😍

近日愛上左一間台灣大熱過江龍茶飲店😻 去台灣旅行既時候都幫襯過佢，依家仲喺銅鑼灣開左分店😍😍 地點位置超級方便就腳，離地鐵站都只係兩三分鐘。而店面有佢地既超靚螢光招牌LOGO❤ 用嚟打卡影相一流📸📸·☆ 甘庶鮮奶甘庶鮮奶喺台式茶飲店較為少見，所以一於買杯嚟試試😊 店員提醒甘庶汁本身甜度較高，因為建議點少甜。甘庶汁加埋鮮奶既效果原來都幾特別😋 店家非常聰明，鮮奶濃度較低，因此唔搶左香甜既甘庶味👍·☆ 檸檬蜜烏龍見到杯嘢飲裡面真係有幾片檸檬喺度㗎🍋 味道甜甜酸酸，加左蜜糖中和左個酸度，不錯啊😋 而烏龍亦散發淡淡清香，難怪係哩度既招牌飲品啦👍

係銅鑼灣行左一個下午，行到口渴，就去左春陽茶事買杯野飲。最近黑糖珍珠鮮奶咁受歡迎，間間台式奶茶店都係以黑糖珍珠鮮奶作為主打，我本身以為春陽茶事都係一樣。點知，店員竟然推薦我飲「檸檬蜜烏龍」。咁我就一於買一杯試下係咪真係咁好飲！買左大杯「檸檬蜜烏龍」微甜少冰。雖然我買既時間都多人，見到有堆人買緊/等緊，但都唔係等左好耐就拎到杯野飲。一拎到手即刻打個卡先！一啖飲落去，一陣酸酸甜甜既檸檬蜜香味係個口入面散發出黎，再加上清清地既烏龍茶，味道好夾！因為叫左微糖，唔會好甜，岩岩好。春陽茶事既招牌飲品果然係名不虛傳，以後除左黑糖珍珠鮮奶之外，仲可以飲春陽茶事既檸檬蜜烏龍啦！春陽茶事好似仲有幾款好特別既推薦飲品，下次一於試埋其他！

今朝約左朋友去銅鑼灣，見到春陽茶事門口有一大堆人，仲有花牌同舞獅團隊，原來今日咁岩係春陽茶事銅鑼灣店開張既大日子🎊🎊食完隔離間雞翼山，就過黎春陽茶事呢邊買野飲解解渴，正👍🏻我同朋友一人買左一杯，我叫左一杯佢地既招牌👉🏻檸檬蜜烏龍。雖然今日開張，好多人好熱鬧，但係唔洗等好耐就有得飲👍🏻未飲之前先影相打卡📸 店入面用霓虹燈整既「春」字最適合打卡！仲可以見到杯檸檬蜜烏龍係漸變色，好靚好有feel😍 一啖飲落去，有一陣好特別既檸檬蜜香味，唔似平時茶餐廳飲果d😋 成杯檸檬蜜烏龍好清新，好適合夏天呢d天氣去飲，飲完即刻消晒暑😂 唯一一點美中不足就係，店員同我講佢地推薦既甜度係「微糖」，因為台灣果邊既口味係偏甜😂但我自己都怕酸，同埋中意甜d，所以我覺得「微糖」既檸檬蜜烏龍既檸檬酸味比較出，如果「半糖」可能會再好飲d，下次一於試下叫「半糖」😋今日咁好彩比我撞到春陽茶事開張，即刻影低兩隻可愛既舞獅❤️