WM Café & Bar (八號花園)

營業中

休息中

今日同好朋友在大埔搵食搵左個比較寧靜舒適嘅餐廳食飯傾計熱鮮奶咖啡 $30份量很多，咖啡有拉花不過我太心急飲忘記影相味道岩我口味正常發揮檸檬香茅梳打 $38清新味道可以解油膩如果香茅再拍多幾下出味會仲正白酒蒜香燴澳洲藍青口 $118份量不少兩人食我地每人大約食到超過10隻青口鮮甜配上香脆蒜蓉包非常美味，推薦！意式辣肉腸薄餅 $108薄餅一上檯熱辣辣出曬煙餅皮香脆，材料辣肉腸，茄汁，蕃茄和芝士油潤多汁美國波士頓龍蝦香草蕃茄長通粉 $188龍蝦是急凍龍蝦所以質地不能和新鮮龍蝦比較龍蝦唔算大隻但有好多膏長通粉配上蕃茄汁酸酸甜甜幾好味整體食物全部熱辣辣送上我係欣賞嘅同埋價錢都幾合理所以朋友都話會再同媽媽去食

今日收工嚟到呢間餐廳食嘢因為晏晝食得太飽關係其實食唔到好多嘢落肚所以兩個叫咗以下幾樣嘢食- - - - - - - - - - - - - - - - - - - - - - - - 1. 青蘋果牛油果醬雞肉沙律呢個沙律加咗青蘋果肉 酸酸哋幾開胃好適合餐前食 食落口感層次分明食到蘋果爽脆 牛油果肉柔軟仲有雞肉嫩滑 同埋其他新鮮蔬菜感覺豐富 不過鍾意蘋果切粒多啲2. 海蝦蒜片檸檬海鹽醬扁意粉食落味道唔濃 會有淡涼檸檬清新香氣滲出好微弱嘅酸酸甜甜味道 加埋好有咬口嘅扁意粉意粉煮到唔會太腍/硬 配埋大粒海蝦一啖入口 都好豐富 適合唔鍾意重口味人士3. 心太軟配雪糕＋檸檬香茅梳打今日突然好想食朱古力 先叫咗心太軟配咗雲呢拿味雪糕 味道應該指定切開嗰陣 感覺到外殼係幾脆入面流咗少少融化緊嘅朱古力醬一熱一冷對比 食落係好特別～另外檸檬香茅梳打飲落酸酸哋同埋感覺清新 少少香茅草本香氣有氣泡成分令人覺得好啱夏天飲

呢間餐廳越來越多人幫襯，遲一步7點就已經要等位。第一次食呢種西式湯飯，WM馬賽虎蝦海鮮湯配燴龍大利飯，湯汁又幾好飲，幾鮮味。意大利飯本身係好濕潤，跟湯食又夾到喎。有一隻虎蝦，燒得幾香嘅。餐跟龍蝦湯，龍蝦味好重，唔錯。烤石斑魚柳配芥茉籽燒汁，石斑魚柳夠大塊，一啲都唔腥，亦冇雪味，個芥末汁燒汁繼特別，同魚柳配搭好夾。忌廉黑牛梳打，好正，好耐冇飲，真係要注意倒汽水嘅時候，佢會火山爆發，哈哈！好飲。檸檬香茅梳打，香茅味好重，酸酸地有汽爽呀！朱古力香蕉忌廉薄餅，朱古力醬濃郁配合香味濃郁嘅香蕉餡料，雖然細細份但滿足到食甜品嘅慾望！

今晚放工同屋企人去咗大埔行街，順便食返呢間WM Cafe，之前喺馬鞍山已經試過一次，覺得好抵食，又精美。今次再嚟大埔分店試吓先😋果然冇失望，質素一樣都好好。我哋大概下午6:30去到餐廳，當時仲有啲位，之後陸續到晚餐時段就越來越多人啦。我哋一人叫咗一個餐，佢仲包埋跟餐嘅龍蝦湯，仲包飲品。我哋加錢叫咗特飲：凍朱古力咖啡同埋檸檬香茅梳打。首先嚟個龍蝦湯，賣相好好。令人食指大動。跟餐仲有埋香草麵包，送湯一流。我哋最愛食海鮮，叫咗一個F 餐馬賽虎蝦海鮮湯配燴意大利飯，夠熱又多料好滿足呀。隻蝦好大要用刀叉切開佢。另外一款就係P餐西班牙伊比利亞法式有骨黑毛豬扒配檸檬胡椒蘋果蓉。豬柳好厚身，肉質好鬆軟。伴碟有埋薯蓉好有誠意嘅配搭，豬柳配埋蘋果蓉好有特色😋中和返油膩感。主菜肉類同海鮮味道剛剛好，不會過咸，無味精👍有質感。最後點埋甜品，自家製蘋果金寶配雪糕。熱辣辣嘅蘋果批配冰凍嘅雲呢拿雪糕，呢個真係好推介！嚟親一定要食呢個！！！