大滾友火鍋 (紅棉大廈)

大滾友火鍋，鍾意食高質邊爐既⼀定聽過/食過😗荃灣分店，中式宮廷裝修，座位闊落，主打手工火鍋，湯底都好有特色，有玲瓏浮凸花膠雞湯鍋、櫻唇半開特色卜卜蜆鍋、黑胡椒炒蜆雞湯鍋等，手工食材、小食、刺身…真係乜都有🤣天氣熱飲杯Hoegaarden生啤爽下先🍺櫻唇半開特色卜卜蜆鍋🍲賣相超超超驚人🫨(請睇片)，個湯好有海鮮味，啲芽菜先係精粹，正到🩵用既蜆都幾大，近乎完全無死蜆，好誇張，鮮甜👍🏻好好味既湯底，大滾友牛肉拼盤🐮出晒煙既擺盤，多款牛肉，牛頸脊同金錢展必食，好濃牛味😄牛黃喉爽鮮，牛舌花都好味，牛柳粒又另一個口感，多肉汁，高質！🤤玫瑰花龍蝦餃🦞上枱又係靚到暈，用上燒賣皮，大大粒，龍蝦肉彈牙，個皮加埋啲湯幾好味😋伊比利亞橡果豬，嫩滑而好有肉味，豬肉中既超班🐽大滾友雜菜拼盤，份量多到⼀個點，真係都有，全部真心好新鮮，依個海鮮湯淥菜個味好夾，生菜萵苣木耳特別好食🤞🏻甜品係火焰焦糖豆腐花，依度既招牌🌟有啲酒味唔會太甜，幾滑幾特別🥳整體極高質既一餐，湯底質素最驚人🤩所有野都正而仲要店員服務好好，會介紹菜式，讚👍🏻令我愈來愈想做個滾友！滾多啲！🥸

比呢間喺荃灣新開嘅火鍋店嘅宮廷風裝璜吸引左，見Openrice 預約午餐時段做緊全單68折咁抵，上星期日中午去左試吓。餐廳嘅擺設、餐牌同餐具都古色古香，湯底嘅主題落足心思設計，望落每款都好吸引，我哋兩個人點左以下嘅菜式：櫻唇半開特色卜卜蜆鍋 （$198）- 個宮廷鍋好有氣勢，一上檯出晒煙非常吸睛，湯底有大量新鮮嘅芹菜同芫荽，香氣洋溢但唔會蓋過蜆嘅鮮味，蜆大大隻，份量足夠3-4個人食。另加咗一份薯粉（$22）可以吸盡蜆湯嘅精華，好鮮甜。大滾友牛肉拼盤 - 細 （$398）- 打邊爐點少得靚牛，呢個細拼盤可以滿足到我哋一次過食到唔同部位嘅慾望，分別有：安格斯、牛頸脊、牛舌、牛骰粒等，食得出係用上等牛，油脂平均帶甘香。拼盤嘅份量兩個人食綽綽有餘，非常滿足。蟹黃餃4粒 （$78）- 全部餃子都係自家製，揀咗呢款最啱時令嘅蟹黃餃，皮薄餡靚，啖啖蟹肉帶蟹粉香，好特別！68折後連飲品醬介大概$260 一位，價錢同連鎖火鍋放題差不多，但係喺呢度就可以食到高質湯底同靚火鍋材料，別有一番風味，值得一試！