喜來稀肉 (瓊華中心)

營業中

休息中

呢間韓式燒肉嚟香港開咗好多年，應該好多人都食過～ 今次嚟食見到佢哋做緊10周年優惠，有7款肉都做返10年前嘅價錢，都幾抵食！雖然個優惠而家完咗，不過都推介食韓燒嘅朋友仔試吓～ 一坐低店員就會加蒜同埋倒蛋汁落爐邊，有一半爐邊蛋仲加咗芝士，而且有得免費refill真係好正！泡菜、生菜同醬汁都係自助，配菜都有幾款，夾多幾次都無問題！店員仲好主動換網，服務幾好👍🏻🔸真雪花牛肉 特價$200用木盤裝住，幾打卡～ 有十幾塊，牛肉每面各燒幾秒就食得，肉質軟嫩，牛味香濃！配油鹽醬食好正！又可以用生菜包住、加啲泡菜一齊食😋🔸護心肉 特價$130招牌肉之一，護心肉係豬嘅橫隔膜同肝之間嘅肉，數量比較少～護心肉油份唔多，口感比較爽滑！都幾好食！🔸水冷麵食燒肉當然要配冷麵啦😍 叫咁碗水冷麵試吓，估唔到好好食！香港嘅冷麵好多都一般，但呢度嘅好正宗，冷麵湯好清爽又夠味！唔會淡而無味，同喺韓國食嘅味道好似！麵條好煙韌爽口，好好食👍🏻

近來鈎起咗條燒肉癮就好想食燒肉🔥!但其實我去食燒肉,最期待嘅其實係啲前菜泡菜,芽菜咁🤭~呢間喜來稀肉有6款前菜任你拎😍,泡菜都有兩款~仲有酸酸地好開胃嘅醃蘿蔔🥕同醃青瓜🥒~個牛護心肉肉味香濃🐮,脂肪唔算多~因為比較厚切,所以燒得耐少少,如果配飯食應該好正🍚~牛舌真係燒肉必點👅!呢度係薄切嘅,輕輕燒一燒就食得,爽口又香😋~除咗燒肉之類,佢哋仲有唔少熱食,例如牛排骨湯,蔘雞湯一類🥣~我哋就因為大家都好飽,所以清爽啲,點咗個水冷麵🍜~佢個湯本來都酸酸地,想要再解膩啲,可以加多啲醋,平衡返燒肉嘅肥膩⚖~同其他韓式燒肉類似,佢哋呢度都有任加爐邊蛋🥚🥚,仲要有芝士㗎添!另外仲有啲蒜片🧄,燒香咗都好好味😋~

有好一段時間沒有吃韓式烤肉，今晚在旺角想起朋友介紹的這家喜來稀肉，於是來試試水準。餐廳空間寬敞，座位大多是卡位，可以坐得舒服慢慢食，而抽氣直接在燒烤爐的上方，所以食完亦不會太大味。餐廳主打韓式燒烤，有各式豬肉、牛肉可選擇，另外亦有其他韓式主食。有別其他韓式燒烤店，韓式前菜小碟採用自助型式，可以全部在自助區夾取，泡菜調味精準，一吃酸爽香口，十分開胃。入座後侍者馬上加入芝士烤蛋，記得要多烤一陣，底部的芝士會烤至微脆，加上烤蛋鬆軟的口感，一流。喜來烤肉 $158先點了一客招牌的喜來烤肉，採用牛板腱的部位，牛板腱厚薄得宜，牛肉炙燒過後，入口先有脂肪的油香，然後抿出香濃的牛肉味，配以生菜配料及烤肉醬同吃，十分滿足。韓豚五花肉 $180然後是韓式燒烤最正宗的韓豚五花肉，五花腩必須有肥有瘦，大火烤炙將油脂逼出，烤至肉酥皮脆，有肉汁豐盈，甘腴可口之妙，脂爽肉軟，滋味非凡。水冷麵 $95點了一客同樣是韓式燒烤不可式缺的水冷麵 ，冰涼的牛骨湯底，味道清爽酸香，而蕎麥麵口感彈牙煙韌，加入芥末汁同吃，味道更上一層樓。蟹籽紫菜飯團 $50蟹籽紫菜飯團附上手套，可以自行搓成飯團，輕蘸蛋黃醬同吃，先有紫菜及芝麻油的

今晚突然想食韓燒，到旺角彌敦道628號瓊華中心7樓的喜來稀肉。 地點方便， 店內環境舒適， 坐位闊落。 相信很多朋友都食過喜來稀肉， 這裏的食物絕對有品質保證， 無論熟食或燒肉都不錯👍🏻，今次點了牛五花$158、大醬湯$80、水冷麵$85、 海鮮蔥餅$90、梨子汁$20、米汁$20。 ▫️韓式前菜🥗 ～ 店內有自助區， 擺放不同的韓式前菜和醬料， 無限供應。 ▫️牛五花🥩 ～ 油脂飽滿，燒起來香味四散， 配上生菜韓式醬料和 泡菜一起吃， 牛肉很鮮嫩，接著接著就吃好多了！ ▫️大醬湯🥘 ～ 濃濃的韓式辣醬味， 湯料有豆腐、翠玉瓜、牛肉片和海鮮， 材料豐富， 很正宗的韓國風味。 ▫️水冷麵🍜 ～ 爽軟柔軔的水冷麵，配上青瓜和蕃茄， 帶來清爽的口感， 按自己的口味再加點芥末和醋， 開胃又美味。 ▫️海鮮蔥餅🍕 ～ 外脆內軟的海鮮蔥餅， 香濃的蛋香，味道可口。 ▫️梨子汁🍐 ～ 清甜梨子香， 冰涼好喝。 ▫️米汁🧃 ～ 香甜美味， 清清地都不錯。 整體都很好， 仲有我最喜愛的爐邊蛋😋， 又滑又香， 是一間我喜愛的燒肉店🙌🏻。🏷️溫馨提示～ 整個用餐體驗均屬個人分享意見， 只作參考😊。

食韓燒最緊要揀肉質🥩夠好，配菜夠足🥙、醬料岩口味🥘既餐廳啦，而喜來稀肉就值得大家一試！⭐️但凡選購沙律吧，就有各種韓式配菜供大家選擇，無限自取。泡菜都有兩款口味俾大家選擇，有酸有甜，兩款泡菜都好入味喜來泡菜：酸甜度適中，搭配各種韓式料理超開胃水冷麵🍜：唔想食咁多肉，水冷麵酸酸甜甜，麵條不會太粗/痴埋一齊，清清地勁好味濟州五花肉：豬肉大大舊，燒起上黎超搶火，呢種味道令你回味係濟州食韓燒既果種感覺，食超上黎有超厚肉感蛋醬、蒜無限添加，仲可以自己加泡菜變泡菜蛋tim 🍳🍳

今天與友人相約食飯，忽然想食重口味，幸好揾到呢間店walkin有位，十分幸運。頭round緊係order一堆牛肉喇！壹頭牛燒肉拼盤件件十分大隻，淡淡肉十分滿足，牛肉亦好新鮮惹味，肉質嫩滑重牛味，值得一讚！拌冷麵的賣相一般，食落味道出奇不錯，不過好易飽，人多先好叫嚟share。水冷麵夠晒冰鎮，個人覺得不適合自己口味，不予置評喇。沙律吧啲配菜水準平平，不過去食燒肉應該都冇人會重視呢啲配菜質素係咪，不過不失啦。