Yadllie Plate 야들리애플래이트 (海之戀商場)

今日黎左海之戀 見到呢間餐廳裝修得咁型格就諗住黎試下 餐廳係韓式餐廳 裝修得好光猛型格同平時既韓式餐廳唔一樣 坐位都好闊落用QR code落單 夠方便✨半半炸雞揀左大蔥絲炸雞同黃金蒜香炸雞份量都唔細 仲有炸蕃薯條做配菜炸雞皮好脆 熱辣辣 皮脆肉嫩大蔥絲份量好多 夾埋一齊食多左種辛辣咁蒜香味都唔錯 有蒜片一齊 蒜味濃✨魚介湯鍋係韓國成日想食既魚糕 呢度都有得食勁大鍋 好足料 入面有唔同種類既魚糕雞蛋 各種菇類 娃娃菜 蘿蔔同豆腐細啲胃口都食唔到 而且個湯飲落好清甜 唔錯！✨水冷麵而家天氣咁熱 最好就就係食冷麵食落好清爽 入面仲有蘋果片 好清甜✨生薑茶夠薑夠辣 但又有少少甜 岩女仔飲🤭✨巨峰乳酸梳打 酸酸甜甜好開胃 仲可以解膩 餐廳價錢唔算貴 份量足 而且坐得幾舒服同朋友食飯又多個選擇

同老公去咗海之戀商場行吓順便食Lunch，我哋去咗呢間韓國餐廳, 我哋之前喺旺角兆萬中心店食過已經覺得好好食😋，而家佢哋係海之戀都有分店，好鍾意佢裝修用咗Navy Blue 深藍色好靚，坐位又闊落好舒服。佢哋menu好多選擇，好多野都想食😆叫咗呢啲：💛魚介湯鍋💛魚介湯鍋 真係令我地感覺到自己好似去咗韓國咁好有feel , 有成10 串唔同種類嘅魚糕、魚餅、魚蛋，其他配料仲有豆腐、雞蛋、蔬菜、年糕、蘿蔔、雜菌等，好多料好豐富。💛芝士蟹籽蛋卷💛蛋卷質地做到好滑，中間仲有少少流口，仲有裡面包住勁多嘅蟹籽，蛋味香濃加埋芝士味超夾。💛八爪魚沙律💛上次食過好鍾意所以encore, 個沙律汁好開胃同埋勁多八爪魚肉，沙律菜亦都好新鮮。💛水冷麵💛未試過水冷麵所以今次叫來試吓，估唔到個湯汁呢係酸酸甜甜咁幾開胃，夏天食幾適合。甜品：💚蜜瓜雪冰💚上次去旺角店食嘅時候冇叫甜品但我一直念念不忘，今次我已經同老公講我一定要叫呢個雪冰。果然冇令我地失望呢個甜品真係必叫，滿滿的蜜瓜味雪冰，圍住新鮮嘅蜜瓜肉，再加上蜜瓜味雪條，雪冰十分綿綿，真係超好食不得了😙Drinks 🍹:💙藍橙荔枝梳打💙💙洛神花茶💙佢D飲品顏色真係好