越泰 (已結業)

今日去開上環做嘢，路經一間越南泰國嘢，本身都諗住求其食完返屋企，估唔到個海南雞飯有驚喜，之前都食過幾間出色嘅海南雞飯但呢間個雞夠滑之餘仲有雞味，啲油飯有陣陣香茅味道。個魚餅同蝦餅都好好味，魚餅裡面有香草之餘，仲有新鮮魚肉味，個蝦餅都唔差，彈牙+重蝦香味之後再追加了兩道菜！豬頸肉青木瓜沙律也是一絕！剛燒起的豬頸肉爽口彈牙！配上青木瓜沙律十分清新水晶蝦米紙卷也很有特色，大大隻蝦在𥚃頭，十分爽飯品方便當然要配合整餐飯的主題！鮮椰青及越南滴滴咖啡無得輸結帳後才知道那麼便宜！絕對可以再食！但一定要避開高峰時間前來，要不會很多人，需要排很久

之前原本同chicken約好去泰國旅行下，但時間撞晒期最後都係冇左回事 雖然係咁，想去旅行既心依然未熜滅，行街果時經過依間越泰餐廳，為由食下當地特色野，當去左旅行喇q_q好少黎到上環覓食，不過好彩依間夠晒近地鐵站，唔洗幾分鐘就到達！環境幾寬敞，餐廳有上下兩層，起碼坐到100人左右，大多數用原木做主色，佈置裝飾得簡樸中帶點泰國既味道～法式牛油雞翼，雞翼炸至黃金色，聞落好香牛油味～食落汁偏油膩，食到成咀都係油，雖香但過油豬頸肉青木瓜沙律，豬頸肉好多肉汁，而且口感爽韌，食落好惹味，而個沙律既食材都幾新鮮，食落酸甜又爽口香芧燒春雞，原隻既烤雞就咁放係你眼前，有夠壯觀，而且香烤既氣味夠晒吸引，熱辣辣香噴噴，要切囉～外皮燒得好香脆，有香茅既味道，雞肉好嫩滑，而且又夠多肉，兩個人食到簡直笑呵呵，另外佢可以配醬汁食，又係另一種既享受呢～原本我地好斯斯文文咁切黎食，但食下食下，已經開始覺得「食得咁斯文做乜呀？」，帶起手套，一於黎個手撕雞xd邊食邊撕食得特別爽XP水晶蝦米紙卷，菜色有夠特別，唔好睇佢一舊野咁冇咩料到，其實食落去都幾飽肚，大量檬粉再加個層薄薄地既米皮，不過食既時候一定要黠醬，如果唔係就冇乜

上星期五原本諗住同honey去返近佢北角公司間「越泰」度撐枱腳，不過見大家都早收，佢就提議去餐店o既上環總店，嘻嘻，等小肥可以寫多編食評咁話 。我地五點九已經喺上環地鐡站C出口會合，轉左即達餐廳，認真方便。可能喺門外吹咗陣風，小肥到步時honey面都青埋，仲標哂冷汗 ，未入座已經先要去洗手間，就連樓面o既伙計都為佢擔心。女友行開咗，小肥就襯機四周拍攝。似乎總店o既設計比北角分店更為樸實，除咗牆上法國、越南及泰國o既相畫之外，店子o既餐桌、椅櫈、牆身同地板都全為木造，感覺都好乾爽企理。枱與枱之間空位足，加上六點前食客唔多，聲浪一啲都唔嘈雜。Honey去完二樓o既洗手間返黎，立即回報餐室原來仲有上層。上到樓梯頂，先見到擺放著玻璃器皿o既透明玻璃櫃。直入可以見到二樓o既格局主要係卡位同半卡位式o既散座，最尾仲有間房添，望落兩層都好闊落吓。Honey唔舒服，叫餸重任就交由XO仔負責。店內兩位四眼哥哥真係唔話得，高高o既一位先送上窩心o既暖水兩杯，肥肥o既另一位則提議honey食兩味較清o既越南菜式，二人細心o既舉動同態度直令我地感到非常溫馨 。 水晶蝦米紙卷（$55）：米紙卷內含花生

今晚只喺與朋友聚聚舊，食吓嘢，傾吓偈，所以，就唔會上咩大館子，朋友嘅提議，就喺近近哋過嚟上環嘅越泰。小弟返中環工，行過嚟就好方便啦，車錢都慳番一程 。門口架有一個大餐牌，大可睇睇啱唔啱食先入去，不過，既然我哋一早約好，咁就入去慢慢睇有咩想食。原來喺新開無耐，所以，店內環境非常新簇簇，多組2、4人枱，亦可拍埋坐上6、8人以上。裝修比較簡約，唔會有太重越南或泰菜館嘅感覺，都喺走番啲摩登、年輕嘅風格。牆上亦只喺掛少少畫作為點綴，唔太花巧。因為朋友遲到，所以，大可慢慢睇有咩想食。趁得閒，就相機先睇，翻一翻餐牌，由於菜式包攬越南、泰國兩地，所以，選擇多的是，分類包括：沙律、越泰風味地道小食、米紙卷、越南傳統濱海、主菜、湯河、撈檬、飯品、蔬菜、湯類、啤酒、特色飲品、甜品，一應俱全，合共過百款 ，而且，睇落價錢都實惠相宜 。唔想傷腦筋諗食乜嘅，就最好晌套餐著手，有1、2、4、6人套餐可供選擇。由於套餐包嘅嘢多，平均消費百鬆啲，都頗合理，而最貼心喺全日都唔收加一嘛 ！ 椰汁綠豆冰 $26 未齊人，我哋幾個先頭部隊就點住嘢飲，邊飲邊傾先。小弟揀嚟依杯椰汁綠豆冰，綠豆喺用咗開邊綠豆，而椰汁冰