粒粒果甜品 (已結業)

油麻地碧街出口不消10分鐘步行，來到這小清新風的粒粒果甜品食下午茶。雖然下午3時才剛開門，但不乏食客前來吃甜品。這次下午茶份量較大，皆因午餐尚未進食。粒粒果甜品中的水果星球可謂必選之一，水果水潤之餘，頂上的果粒彈彈波，實在趣味十足。三粒通透彈彈波，包左榴槤、西瓜同芒果。食落q彈，果粒都甜，創意十足。而這個士多啤梨芭菲，可謂我的至愛。賣相簡潔精緻又統一，杯緣的士多啤梨爽口清甜，夏天時份水果新鮮，果然有保證。士多啤梨雪糕混和粟米片，軟滑夾著脆口。整杯甜甜滑滑，非常好食。家姐和我也點了這個香蕉朱古力窩夫，新口味啊～心形窩夫，也是份簡單的浪漫呢～窩夫微脆內軟，很中我喜歡的質感；濃郁朱古力味，剛好的味道。中間的雲呢嗱雪糕裹在脆皮朱古力層下，一口雪糕，一口窩夫，簡單的配襯。旁邊的切片香蕉，也一如以往沾上朱古力醬入口。好味道啊～這個還配有自選茶，揀左earl grey tea，消消朱古力的膩滯感。最後這芒冰蘆薈撈，一共五款材料撈一撈，有蘆薈、黑珍珠、龍眼肉、涼粉和芒果。粒粒分明，爽口組合。這個撈的甜主要來至龍眼肉，賣相雖然帶有和風，不過食落略似中國風呢。

其實呢間甜品店呢係好耐之前已經有留意到，因為佢係喺搵食飯團個節目上邊介紹過。咁我覺得d甜品係真係用心整出嚟係睇得出有誠意嘅，係個賣相相已經好睇得出。所以都一直好想試吓，今日有機會喇！非常之開心。咁就嗌咗一個非常之抵食嘅牛奶🥛小方啦，嘩，佢總共有十粒！雖然話係10小粒炸，但係佢其實都好有誠意。味道上邊係有一種淡而香嘅牛奶味係入邊，非常之易入口。同埋佢個質地我都幾鍾意，凍凍地咁。之後又叫咗一個水果星球杯芒果汁西米。呢個水果星球係必試嘅。不過我其實都估到佢會係咩口感嘅。其實就好似類似大菜糕咁樣不過佢整成一粒粒包住啲水果係入邊，咁係好新鮮嘅。佢芒果汁帶啲酸酸地我就幾鍾意啦，吾係得個死好甜嘅芒果味。我見佢呢排都出咗一個新嘅火龍果同埋提子嘅星球，大家都嚟一齊試吓。而個芒果窩夫就覺得啲芒果汁比較甜同埋個芒果雪糕就建議用新鮮芒果雪糕會好過呢一種，因為會變咗甜上加甜。份量就比較少但係我欣賞嘅係佢個擺盤同埋窩夫質地非常鬆軟入口。我係超鍾意食煙韌野所以一定要叫一個椰汁珍寶芋圓。呢到有兩隻個喎我覺得有多種選擇係幾好嘅。一種就係普通好有咬口煙韌嘅芋圓，另一款呢我就係知道係呢一種入邊包左餡料嘅芋圓啦。不過食咗一粒

繁華的旺角遍地食肆，食完晚飯再揾間甜品舖坐下，旨在有個落腳點繼續吹水「水果星球配芒西」，即係雜果+芒果西米撈！擺幾件生果「飛」出黎或將佢雪成「波」狀以配合個名放多幾件生果或成隻UFO咁大碟實際d啦。熱桂花芋圓，簡簡單單。

食飽飯經過見間甜品店，俾水果星球吸引左，仲有好多水果既甜品及台式糖水，小店夠乾淨，雖然比較細，但坐得舒服。【水果星球配芒果西米露】$42好多生果，有芒果、哈蜜瓜、西瓜，份量仲大大件，三款水果都香甜多汁。而特色的水果星球，一顆顆透明水潤星球，包著各款水果粒，口感有點似水玄信餅，水嫩彈滑，配埋充滿芒果汁既西米露，甜度岩岩好。【熱珍寶芋圓仙草配桂花湯】$32暖暖糖水突顯桂花香味，珍寶芋圓煙韌好咬，而且仲有芋頭肉使內餡，特別美味。糖水仲有西米、滑溜仙草、軟綿紅豆、彈牙珍珠，口感層次豐富。