蝦棧 (已搬遷) 新店位置

依家旺角警署後面開咗好多食肆CP值都好高，今晚第一次試依間蝦棧。好多人讚黑胡椒蝦，但我見出面食肆都好多有黑胡椒蝦供應，所以叫了奶油蝦。奶油蝦一窩上共8隻，個汁好多洋蔥，蝦肉爽口彈牙，啲蝦好新鮮，不過我略嫌個汁咸咗少少。台式蔥油雞，老闆極力推介，佢話一日只做幾隻賣晒就冇。老闆果然冇介紹錯，我啲朋友超愛，雞好滑冇肥膏，咸甜適中。蔥抓餅，我最愛依個，有點像印度薄餅，但佢比印度薄餅更香脆味更濃，真係食完想再encore 。雨衣甘藍，配上杞子清炒，帶出雨衣甘藍特別味道。我個人喜歡熟既雨衣甘藍，味道好過用作沙律菜。上湯北寄貝，亦是老闆推介，北寄貝都幾大隻，配上上湯，好鮮美。湯都飲晒。黑白墨魚卷，細細條，入面有白墨魚及加了墨魚汁的黑墨魚，雖然我食唔出黑白有甚麼分別，但依個卷真係幾好味，熱辣辣，墨魚肉彈牙，出面個卷好脆，總之好味啦南瓜雪糕，水蜜桃雪葩我鍾意南瓜雪糕多啲，雖然南瓜味唔夠濃，但味道不錯。 朋友就鍾意水蜜桃雪葩佢地覺得桃好香，但我覺得有點人做桃味唔夠天然。

上星期剛剛在花墟買種花的用品, 見時間不早了, 就特意過來試試另類台灣菜。蝦棧在界限街體育館附近, 在太子地鐵站行3分鐘左右, 就在一家車房旁, 附近都是酒吧, 食完蝦再去下場也是好選擇。裡面有點像CAFÉ 小店的格局, 十來張檯, 能容納的人不算很多。但無想過老闆特意安排一角魚缸鮮養魚蝦, 一些細小的酒樓也只是比這裡多幾個缸。咸蛋蝦煲($208)先說咸蛋蝦煲有點像酒樓裡常吃到的金莎蝦仁, 但這裡的蝦卻比酒樓的更鮮, 因這裡的羅氏大頭蝦除了是即叩即撈即煮外,大頭蝦的蝦頭隻隻都有滿滿的蝦膏, 連同呈流沙的咸蛋黃一起「吸」入口, 簡直就是人生凡享受。新鮮大頭蝦, 蝦腸又已經在煮前被清理乾淨, 蝦肉鮮甜爽脆, 啖啖肉，理不得甚麼是卡路里和膽固醇了,就是不住一隻接一隻的吃, 。黑麻油雞($168)雖然雞被切得較細, 要小心碎骨, 但雞肉肉質嫩滑, 不是一般的雪藏雞。雞肉充滿麻油味，雞湯與黑麻油的混為一體, 味美非常。生燒海花螺（$128）除左蝦煲之外，我地仲叫左其他台式小食。花螺都算大粒, 而且又易食，用牙籤輕輕挑一挑舊肉就會出左黎，啖啖肉, 而且肉質又爽又嫩, 螺味也濃, 用最簡單的方法煮就

去台灣釣蝦是近幾年到台北必做的事，上年香港也有釣蝦場，想不到香港開了一家專吃大頭蝦的台灣精品菜，如果釣蝦驚一隻都釣唔到的話，黎呢到有經驗多年的師傅為你這店的重點是蝦鍋，這裡有10款有辣有唔辣，食唔辣的話，店員介紹奶油蝦，隨即店員從蝦缸裡取出大頭蝦，每鍋份量是300gms, 所以數量及size是每鍋不同，其後取出的大頭蝦在廚房清洗重點菜未煮好就先點一些前菜生燒海花螺，上檯時一陣聞到花螺的香氣，每一粒都算大粒，由於是生燒，所以花螺殼會好熱，花螺螺肉煙韌，保留原汁原味，只要用手一拉螺肉便走出來，沾上海鮮醬，令味道提升每檯檯面已放上小垃圾桶，把海鮮殼掉下去醉雞卷一客八件，多人享用沒有問題，圓碌碌一卷帶雞皮，酒味濃郁，酒味浸入雞肉內，而面層雞肉亦好爽，每一件雞卷之間有粒一杞子相隔樹子冰菜，冰菜不是太多地方有售，之前吃過的都是當沙律菜吃，但現在把冰菜炒熱吃，又是另一翻風味，冰菜依然好爽脆，充滿水份重點奶油蝦，當晚一鍋6隻大頭蝦，香噴噴，用了大量洋蔥煮成，呈半生熟口感，奶油蝦汁較為杰身，沾在蝦殼上，夾起後一口把多餘的奶油汁吸走將蝦頭及蝦身分開，可見蝦頭有滿滿的橙黃色蝦膏，更可以把整隻蝦肉可拉出，蝦肉

其實我知老爸很喜歡吃蝦，但因老媽不能吃蝦，他一人吃得幾多呀！？又唔想老媽有得睇無得吃，所以他較少機會吃，要忍口！最好時機就是等全家人回家吃飯，他便會買斤蝦灼下，不過...要約齊一家人回家就難啲，諗諗下...真係有點不孝！為了氹返他（其實老人家就好似小朋友，係要氹，哈！）決定今晚帶他去一間主打蝦煲的小店撑枱腳。小店主打食蝦，而logo就是一隻可愛的大蝦，很具代表性。趟門而入，便看兩大個蝦缸，養着很多隻又肥大又生猛的鮮蝦，看來今晚可大飽口福。店子裝潢簡約平實，牆身只掛了幾幅菜式相片，並不花巧。地方不大，預設有了四張二人枱、四張四人枱和一張六人枱，座位不多，但擺放得整齊企理，都坐得幾舒適。看看餐牌，選擇不算多，共有八大類，分別有蝦類、肉類、飯麵類、小食、鍋物、時蔬、甜品和飲品，每類都有幾個選擇，當然蝦類是最多款式可揀。******************************一安坐後，店員便隨即送上餐前小食，仲話是今日才開始實行送贈，真好運，哈！是日是炸紫薯波 ($0)，雖是免費，但也毫不吝嗇，一客有六小粒，份量都不少，還要挺美味。每粒紫薯波 圓碌碌，炸得乾身，吃落完全沒有油膩感，還要外脆