深宵食堂

營業中

休息中

汁燒鱈魚櫻花蝦石鍋飯 $98呢個石鍋飯咗啲甜嘅豉油，鍾意上面嗰啲鱈魚外層嘅皮煎得好脆，入邊嘅鱈魚肉就厚切，而且好柔軟。非常之美味。脆炸原條大魷魚波波 $98呢個係一個新菜式嚟嘅，原隻嘅大魷魚🦑炸成一個圓轆轆波波嘅形狀，用鉸剪剪開佢，慢慢食，份量都好多，我哋兩個人居然覺得佢食極都食唔完，不過都好好食！汁燒雞髀菇 （2串） $32令人讚不絕口嘅係原來呢食落去呢個雞髀菇入邊仲有醬汁嘅，口感嫩滑，真係令人讚嘆！煙肉荔枝卷（1串） $38試過一次之後就冇辦法忘記嘅煙肉荔枝卷，荔枝嘅香甜同埋水份，食落去就會有鹹鹹甜甜嘅味道，有種夏日清新嘅感覺。豚肉蘆筍卷 （1串） $38佢嘅蘆筍呢比較份量足料，豚肉燒烤好似煙肉嘅味道，蔬菜嘅水份都保留咗。牛五花卷 （1串） $38令人驚嘆嘅係呢個牛五花卷嘅脂肪比例比較多，所以燒出嚟就好香滑，有人食到好鍾意喎！😆😆😆芝士年糕 （2粒） $38雖然嚟過幾次，但係我一定會點呢個芝士年糕嘅，因為呢佢雖然細細份，但係好有牛奶芝士嘅味道，如果年糕就好似嗰啲糯米糍咁樣嘅口感煙靭好食。深宵茶漬飯（鰻魚） $92第一次食茶漬飯，原來個飯同埋個茶漬（即係日式嘅魚湯）係分開上嘅。食法

行開旺角，帶閨蜜嚟呢間我之前食過幾次嘅餐廳。呢度嘅環境似日本嘅串燒居酒屋，貼咗一啲日本電影海報啊之類。魷魚大阪燒 $42食物份量啱啱好唔會太多，食到有魷魚喺入邊，同埋少量嘅蔬菜。汁燒鱈魚櫻花蝦石鍋飯 $98比較少見用鱈魚煮嘅石鍋飯，所以我哋就試吓。鱈魚都比較厚切，有燒汁同埋櫻花蝦點綴，不過都唔會搶咗原本食物嘅鮮味。石鍋飯嘅份量可能比較少，對女仔嚟講應該都夠嘅。呢度嘅串燒呢有個特色就係有啲蔬菜喺中間，啱晒想食串燒肉，又想食啲菜嘅我哋。煙肉荔枝卷(1串）$38 每塊煙肉都捲着一粒甜美嘅荔枝，令人意外嘅係水份都鎖住喺荔枝肉入邊。煙肉🥓燒烤處理咗之後口感比較鬆脆，搭配荔枝有一種夏日清新嘅感覺。豚肉露筍卷(1串）$36呢度菜誇張到我同閨蜜👭，食完再叫多一份。佢嗰個豚肉好食唔再講，入面嘅蘆筍，基本上呢一份差唔多已經有10-15小條，10分足料。芝士年糕（2粒）$38軟滑又好煙韌嘅年糕，入邊啲芝士好食。鹽燒秋葵(串）$28呢隻秋葵上面有木魚，調味得幾好，趁熱食啦！鹽燒鯖魚(份）$48我平時都會自己煮啲鹽燒鯖魚，食物水準，可以正常發揮。

來到小小的居酒屋，環境充滿日式風情，在櫻花下食串燒，實在好溫馨，而且食物質素不俗，價錢都算經濟。豚肉蘆筍卷 $38豚肉薄薄煎得香口，捲住鮮嫩幼身的蘆筍好爽口，沾上醬汁好味到不得了。大蔥雞肉串 $32大蔥燒得淋身味道甜美，雞肉質嫩多肉汁雞皮燒到無晒油的，好味好味。川燒茄子 $68茄子大條肉質軟嫩，可拉出長長的茄肉絲，佈滿了蒜蓉，蒜香味濃厚惹味十足。炸魷魚 $58賣相普通看落細細條無咩期待，但食落有驚喜喎，炸粉不厚，魷魚圈軟彈口感而且相當美味，作為下酒菜很適合。吉列廣島蠔 $38有四件相當抵食，炸粉適量，蠔身大小一般，蠔肉有汁，沾上黑醋無咁膩。魷魚大板燒 $42佈滿了木魚絲好有動感，淋了燒汁和美味的蛋黃醬，粉餅厚身有適量的魷魚，口感味道唔錯。汁燒鱈魚櫻花蝦石鍋飯 $98小食唔夠飽的，都仲有個石鍋飯打底，石鍋熱度好夠，耐了依然保溫。軟滑的鱈魚塊點整都咁好味，一小堆櫻花蝦帶來酥脆香口，加上濃郁汁燒香菇碎，撈飯食好正。巨峰提子梳打 $38食串燒除左配啤酒，配冰涼梳打也不錯，巨峰提子味不會過甜，亦無藥水味，清爽解渴幾好飲～

之前成日係社交平台比人洗板，尤其是佢個玉子燒，今晚嚟串燒之夜。環境裝修幾用心，餐廳環境好大，仲有outdoor位置。餐牌主打串燒、小食，都有期間限定menu。 煙肉荔枝卷(1串) $38 鹹甜最佳組合，而且一完要趁熱先好食，荔枝香甜襯煙肉鹹香係我最愛嘅串燒之一。 辛口墨魚鬚串(2串) $38 呢個好抵食，七味粉再加辣粉好惹味 牛油蒜燒蟶子皇(1隻) $52店員推介嘅期間限定，蟶子皇好新鮮，牛油味重，溶於蟶子中又唔會蓋過鮮味。 香蒜一口和牛粒 $68 必點！醬汁勁濃，蒜味香再加咗啲類似燒汁咁嘅整成醬，係超級惹味，而和牛粒嫩身帶肥膏，絕對唔係坊間果啲又韌又乾。 芝士蟹肉玉子燒 $78 可以話係招牌，之前成日比人洗板就係見到呢款玉子燒 汁燒鱈魚櫻花蝦石鍋飯 $98 見到櫻花蝦就二話不說揀咗，估唔到咁多配料，有大量菌類，撈埋哂食啖啖口感，係略為醫汁少咗啲，唔夠撈飯。