沁沁麫 (已結業)

偶然經過西灣河都會想起這店，也會去食雖然舖名有麵字但沁沁飯係最受歡迎💯除咗有飯焦🍚仲有新鮮🦆臘鴨個飯食完第一啖就會密密繼續食不知不覺🤤好快食完冬天最啱食臘味飯，正😆醉雞卷🐓都係我喺呢度必點嘅菜式價錢比其他地方較便宜味道還不錯😌有酒香，仲有杞子，十分入味份量還不算少性價比高之選，值得一試👍🏻馬來西亞娘惹咖哩湯麵🍜不過不失啊湯底惹味😋 啱晒重口味人士略嫌肥牛有韌🙈不過唔影響總體印象嘅～值得支持👍🏻

今日要去筲箕灣做事，做完嘢都只係十一點幾，但係一場嚟到筲箕灣總唔會唔食一餐就走，就係咁，就行咗去東大街行吓睇吓有乜好食啦⋯⋯麵食一向都係我最愛，不過由東大街街頭行到去街尾都有幾間麵店，都唔係我心水，即使當中有三間都幾出名嘅老牌麵店，三間都試過都係名大於實，在心灰意冷諗住要離開筲箕灣時，突然間眼前一亮🤩令我眼前一亮的不是一間食店⋯⋯而係行到去電車總站，即將待開的一架叮叮車（電車）。它令我找到目標了，我嘅目標就係坐幾個站去西灣河，沁沁麵。坐叮叮車好快就去到西灣河文娛中心，落車行兩步就到，去到都係十二點，現場有位就即刻入坐，一坐低店員就推介我沁沁飯，話宜家剛剛開始發售，係最好味最推介。但係我嚟係想食麵喎⋯⋯食飯咪打亂晒我嘅計劃。我回答等我諗吓先。沁沁飯即係臘味雞焗油飯，我又真係好耐都無食過臘味，加上近日已經涼涼地，又真係幾吸引，好啦！既然推介就試吓啦！飯一上就已經聞到個飯好香，香得嚟又好陌生，呢個飯並唔係我曾經食過嘅普通臘味飯嘅味道，望落去個飯好靚，臘腸、鴨潤腸、臘鴨、滑雞都各兩件，飯粒一粒一粒好挺身，飯上面仲有一片飯焦，還有生葱點綴，賣相好好👍🏻真的很想知道食落口會有乜嘢味道。先來食一件滑

開始從新振作工作可能放低工作太耐有一點力不從心從難關出發舉步維艱進度不如理想這兩天天氣有點涼星期日一早起床肚子十分餓天氣涼了正想食羊腩煲、打邊爐、臘味飯之類…..臘味飯？？那就突然腦袋浮起一個影像那影像就是沁沁麵的招牌飯:沁沁飯半年前曾經食過一次一試難忘但去西灣河都要半個小時車程所以小妹謹慎起見先打個電話去沁沁麵問吓先早上九點多致電竟然有人聽電話中人說12點會準時有沁沁飯於是乎便立即梳洗出發早了10分到達在門外已經聞到飯香喚起了沁沁飯的味道已經大流口水我立即坐下就點了個沁沁飯沁沁飯依然如半年前的好味臘味夠𣺉鳮夠滑飯粒一粒粒的十分企身又熱辣辣入口很香真的無法形容還有香脆飯焦食完呢個飯真係大滿足真不枉專登而來🤪

大家千萬唔好俾佢平民化嘅裝修同住家嘢食咁既外表誤會，野食既水準係好高好「有溫度」😋首先講下沁沁飯，其實係秘製臘味雞油焗飯，睇返個飯焦好似有少少心形咁💛🤣一上菜就聞到好香濃既臘味香氣，佢入面有臘腸、潤腸、臘鴨、滑雞，每款材料都有兩件，我地一人一件share岩岩好👍🏻我平時唔中意食潤腸，因為好怕佢啲內臟腥味😖但今次試食左佢既潤腸都接受到，腥味唔算重😝臘鴨啲肉質緊實，咸香同鴨肉味岩岩好👍🏻滑雞更加唔洗講，真係嫩滑多汁💯起初都擔心油飯好油，但食落又唔會覺得油膩😆仲要煮到粒粒分明，真係好考功夫‼️沁沁麵必試既一定係佢地既醉雞卷💛真係一試難忘！27蚊有6件醉雞卷已經覺得佢好抵食😍而且雞卷既肉都好緊實但咬落好滑唔會韌💕醉雞卷亦都有好香濃既花雕酒味，好味到朋友食完醉雞卷會飲幾啖汁😂最後冇影到相既係佢既自家製羅漢果茶💕羅漢果茶要好飲唔可以太淡、太濃、太苦、太甜😂我覺得呢間既羅漢果茶係各方面都平衡得唔錯👍🏻食飯時飲啖可以中和臘味飯既油膩，食完飯又可以清清醉雞卷後既酒味～所以無論食咩我都配埋個自家製羅漢果茶🤣我平時唔算特別中意食中式野，但今次呢間無論係價錢定食物質素都真係驚艷到我🤣而我覺得有溫度係因為啲菜式好

想食好耐終於有機會食到啦！一坐低店員就介紹佢既招牌沁沁飯本來見到係雞油飯驚佢太油膩但見佢咁有誠意就試下啦點知又真係有驚喜喎！佢啲雞件小小偏咸岩岩好用黎送飯加埋潤腸臘腸，食落唔會好油膩最緊要係個飯，味道唔咸唔會油膩但又岩岩好～下次再黎一定再食！另外朋友叫左沁沁面但因為太餓唔記得影相湯底用人蔘雞湯，店員仲要好好叫我地記得飲下個湯飲落又真係好好飲！加埋肉絲同其他配菜好滿足！食完又唔會覺得口渴～下次黎一定要試佢個醉雞卷！

未變黃店前已經試過一次 事隔幾年再次幫襯 裝修依舊 座位約20個 入到去俾我感覺好整潔同老闆好nice！一入到門口就講左一句「沁沁食啱啱開煲 要唔要試吓？」我就話睇下先 因為我係想嚟食麵🤣但當佢再補多句「唔係成日有㗎喎真係唔試？」同埋佢煲飯傳過嚟嘅臘味香氣 我就忍唔住要左一碗👍🏻值得一提嘅喺事隔咁耐再嚟價錢都係冇點變過 良心小店💪🏻💛·沁沁飯 - 秘製臘味雞油焗飯$45（配菜：臘腸、潤腸、臘鴨、滑雞）老闆話呢個飯係佢有一次去露營嘅時候研發出嚟嘅 雞油飯冇想像中咁油膩 反而係粒粒分明 好有咬口👍🏻啲雞肉煮得啱啱好所以肉質鮮嫩多汁 臘腸同臘鴨都臘味香濃 尤其是臘鴨 因為肥Glor本身麻麻地臘鴨 但佢嘅肉質緊實濃香 又唔會太鹹令肥Glor回味無窮～·大胃王袐汁撈麵配上海拉麵 $52（配菜：特大冬菇、雞翼、豬扒、雞肉腸、西蘭花、豆卜）特大冬菇真係唔係講笑 兩舊加埋有成隻手掌咁大 上海麵夠哂煙韌 反而其他配料都係正常發揮 值得一讚嘅係雞翼同豬扒都炆得好入味 雞肉腸係用咗我最愛嘅廚師腸🙌🏻·醉雞卷 $27未見過咁平嘅醉雞卷！仲要有6舊！食落雞肉都好有酒味啊 如果酒味再濃啲就perfect啦～#𝙛𝙚

整親隻腳兩個月乜都做唔到完全勁灰勁頹預計要多幾個月先可以好返晒😭無得做瑜伽只好放肆自己增肥食咗呢個超邪惡嘅臘味雞油焗飯簡稱沁沁飯 喺舖頭嘅招牌美食每日都有限定數量 手快有手慢冇其實真係幾好味 唔會太油膩 啲飲都算乾身而且啲雞好滑 臘鴨同臘腸都無油益味忍唔住食咗大半碗 不過如果可以加少少辣椒仲好啲🤤而且又唔貴只係40幾蚊肚餓就唔好虐待自己啦得閒食幾餐肥嘢都冇乜問題生活已經好辛苦無理由食嘢食得更慘㗎一碗滿足你多個願望 樣樣都有得食

早已經從街坊們聽聞呢間沁沁麵係好好味，但係之前想食時門口大排長龍所以無食到，今日去佢對面間百佳超市買嘢，見到唔洗排隊就入去試吓。入到去見到店舖地方不大，中午午飯時間都只係坐滿一半客人，看來疫情對呢間沁沁麵的確有影響。男店員招呼咗我坐低，就話推介佢哋招牌沁沁飯、又話限量、又話剛剛煲起係最香，見佢咁講就試吓啦⋯⋯好快個沁沁飯就到，聞一聞又真係幾香，飯上面有一片脆脆嘅飯焦，臘腸、潤腸、臘鴨、滑雞各有兩件。試一啖個飯有淡淡香料味，又有臘味與雞味，又真係幾好食，好快就食晒個飯，的確幾滿足。最特別係，我通常食親臘味飯之後都會感到好油膩，但呢個臘味飯剛剛相反，飯粒不油膩之餘，連臘味同雞都唔油，值得寫個食評去讚下佢。呢間沁沁麵一定有下次，下次要試佢其他嘢食先。

份量不大，男士可能要加餸招牌菜沁沁麵係碗藥膳湯底嘅麵，以蔬菜為主，有少少雞絲沁沁飯其實係臘味飯，個人唔太鍾意臘味所以冇咩愛，但飯係幾香嘅Best of the meal雞滑酒味香本身諗住佢好快執，因為老闆態度好好好有禮貌問我地有咩意見，真心想改善，所以食完就好想支持佢果然愈做愈好又多like

住太古城幾年，已經食到對本區食店失卻了興趣，近來朋友FB 推介此西灣河小店抵食又好味，仲要係無味精，已經想試食好耐，今日放假就一於去試吓時間約12點，小店已經逐漸多人，我一坐低就已已經有店員向我推介招牌沁沁飯，說剛剛煲好是最佳最好味嘅時間，那第一次來到就即管試吓係咪真係咁好食沁沁飯即係臘味雞油焗飯，裏頭有滑雞、臘腸、潤腸、臘鴨，都幾足料。上枱時店員已經說好臘鴨是比較特別，是街外買唔到的新鮮臘鴨。未食已經聞到個飯好香，先食一啖飯，飯不油膩，但每粒飯都粒粒分明，不會太淋也不會太硬，而且飯內有臘味味也有雞味，更有香料的味道，的確好味又特別，從來未食過，不愧係招牌飯，唯一要批評的是臘鴨的確肉質鮮嫩但略為咸了點。找數時才知道只是$43，真真抵食另外一讚是店門上貼上了許多醫護人員慰問卡，為醫護人員打氣這間良心小店一定會再來，要試埋佢其他美食

今晚好好彩❗️一行入舖頭店員就問我食唔食佢哋個招牌沁沁飯（即秘製臘味雞焗飯），因為剛剛煮好係最香最好味😋嘅時候。個飯送過嚟已經香氣四溢，急不及待先食一口飯。嘩❗️飯底煙煙韌韌，原來唔係糯米飯，係白米煮嘅有味飯，吸收咗臘味味道，但絕對唔油膩。臘味瘦肉多過肥糕，食落去唔會成口油，起碼食完唔會有罪惡感。另外叫咗碟蘿蔔牛坑腩🐂，由於今日蘿蔔賣晒，所以換咗豆卜比我😆😆。牛腩嘅口感更亦係極好👍👍。煮到軟腍入味，濃郁牛香味，食起來又不太膩。小店絕對係尋美食嘅好選擇💯，可以食到個性化嘅菜式同味道。

我同女朋友雖然經常食日本嘢，但得閒都鐘意搵一d良心小店去幫襯。結果睇完openrice，就黎食嘢。結果異常鐘意lee度沁沁麵係人蔘雞湯做湯底，好健康不過有d淡口（7/10）我會鐘意沁沁飯，因為佢有臘味飯做底，然後再加嫩滑雞肉，配搭好好 （8/10）總括黎講，佢係好平ge價錢食到健康又幾有特色ge嘢，店員仲好有耐心解釋每一道送，仲同客人傾計，真係有家的感覺

很多人都讚這家沁沁餐廳，於是同媽咪去試下。星期六大概6pm左右去到，因為晚飯時間未到，所以裡面一個客都無，如果不是多食評讚好，可能未必肯定想入去。推門時老闆已行出來迎接，等我們坐好，便主動介紹，第一樣推介的叫沁沁飯，即臘味雞焗油飯，老闆解釋臘味是特別直接叫廠留，其他地方食不到的，我是個飯筒，又好喜歡臘味，所以老闆說要等5分鐘，我完全無問題。老闆還說一陣就會聞到臘味的香味。媽咪則一般喜歡粉麵多於飯，而且怕臘味肥，故老闆推介沁沁麵，即秘製人蔘雞湯麵。老闆說湯絕無味精，全碗都飲得。老闆亦推介真材實料羅漢果茶，單點$10杯，配麵或飯則半價$5杯，有冷熱選擇。我們說不要凍，老闆說怕不怕熱，可要暖口啱飲，真的細心，服務周到。😊😊店內好多相展示好多不同食物選擇，好想試好多，如果有多些人一齊便好了。沁沁麵 (秘製人蔘雞湯麵) $41 👍😋這碗沁沁麵 (秘製人蔘雞湯麵)一上，我便試飲無味精的人蔘雞湯，的確夠濃又不會太鹹，恰到好處。配菜有肉絲、溏心蛋、西蘭花、黑木耳，麵為上海拉麵，滲了湯味好夠味，麵可轉米線或烏冬。總體全讚，$41一碗料足味濃，推介沁沁飯 (臘味雞焗油飯) $41在等的過程中，已逐漸聞到陣

去番自己嘅地頭搵食 😉 適逢週末帶咗爸爸媽咪嚟呢間小店食飯 😚 其實眨吓眼我呢個 blog 就嚟滿兩歲大小店都開左一年幾 😙 好耐之前佢哋岩岩開張冇耐有嚟試過佢哋嘅沁沁飯 🍚 今日重遊舊地發現飯嘅配方好食咗 😆 重點系嘢食嘅價錢竟然仲同開張時一模一樣，老闆聽到我嘅評論 😅 親自解話：佢話因為唔得閒費時換窗口啲 poster 喎 😂 咁有人情味去邊度搵大胃王秘汁撈麵 ❤️ ($48)評分：7/10.呢個菜式之前應該係冇嘅 🤔 個人覺得就一般～味道正常但就冇乜驚喜，唔太過癮......😗 可能我唔應該嗌烏冬而應該食正常撈麵。配料方面，系豐富嘅，有燒腩豬扒雞翼等都唔錯。但整體上略嫌有啲太隨意，特別係香腸，同鹵水汁格格不入沁沁飯 ❤️ ($41)評分：8/10.爸爸平日夜晚胃口多數一般，就唔會嗌飯食 😶 不過見到呢個飯都食指大動清晒一粒飯都唔淨 😂 飯嘅口感比開張時候掌握得更好，宜家真係做到淋得嚟完全冇滲油嘅感覺，乾身得嚟帶鹹香，非常好入口 😊 老闆話係將粒鴨同雞肉放係面一齊蒸嘅，所以非常入味。呢個我第一次食時應該冇俾咁高分，但宜家嘅水準真係可以一試沁沁麵 ❤️ ($43)評分：8/10.媽媽至愛養

今天早上陪同家人到西灣河探望親友, 離開時已是十二時多。 想在回家前先吃午飯, 剛路過此店便推門入內。此店面積不大, 設計實而不華, 大約只能容納二十多位客人。 當我們一入内, 店員即時招呼我們入座, 並殷切介紹他們的招牌食物 「沁沁飯」, 註明是秘製臘味雞油焗飯 - 內附臘腸丶潤腸丶臘鴨丶油雞。 店員還説是他們老闆在元朗自家製臘鴨, 夠乾身而不油膩。 既然他們極力推介, 那當然要試ㄧ試。 ˊ沁沁飯 ($41): 臘腸丶潤腸丶臘鴨丶油雞每款兩件。 飯上加上葱花, 送來時飄來香氣。 臘鴨真如店員所說乾身不油膩, 有咸香。 臘腸和潤腸有香味但不會使人滿口油脂, 不錯呀。 油雞就不過不失。 而飯不是純白飯, 而是有味飯。 家傳鹵水食品類有多項選擇, 那一定要試ㄧ下。 鹵水魷魚鬚($18): 初時見它大大條, 怕它煙韌得咬不開。 但原來大大條的魷魚鬚煮得很好, 有口感之餘, 又能容易咬得開。 鹵水汁是香香的。炸鯪魚球($18): 大大粒的炸鯪魚球, 鯪魚肉新鮮丶無腥味丶「彈牙」, 本質很好。 炸出來鬆鬆的, 可口。 可點一點附上的泰式甜酸醬更惹味。 唯獨是鯪