Tanuki Coffee (已結業)

呢間Cafe以狸貓為主題四處都有睇落好古惑既狸貓睇落好有趣🦝室內嘅環境好有設計感🎨 室外就好Chill好開揚☀️ 食物方面原來同左隱町既班底合作👍🏻 味道同埋服務質素都好唔錯❤️ 特別係咖啡既口味都好有創意同心思💞假日可以狸Chill下同探下D狸貓🤪⭐️ 軟殼蟹蟹籽三文治 🦀️三文治既餡料好豐富真係爆餡既效果🥪 軟殼蟹炸得好香脆加上沙律醬好滋味🌊 加上好Creamy既滑蛋同多士就係Perfect Match 🌈⭐️ 帶子明太子忌廉墨魚汁意粉 🍝帶子用料飽滿冇雪藏味🐚意粉醬汁入口幼滑墨魚味唔會太重口味🖤 絲絲既明太子加添了鹹香🍣⭐️ 挪威Brunost芝士Croffle配鮮製忌廉 🧇用料好有心思特別用了來自Bakehouse的Croffle🧡係酥脆同鬆軟既口感之間平衡 呢款芝士來自挪威用牛奶同羊奶混合🇳🇴口感帶點鹹香🧀️特別可以中和焦糖既甜度🍬⭐️ 越南蛋咖啡 🇻🇳用上黎自沖繩既初生蛋🐣 蛋味香滑而濃郁🍳 甜度配上咖啡岩岩好☕️⭐️ 沖繩黑糖檸檬咖啡 🍋咖啡配上黑糖帶一種清甜☀️配上檸檬嘅口味好清爽🍋 有種夏日既感覺🏝️ 感覺似Cold Brew但唔會太澀

土瓜灣近來都越嚟越多cafe，其中一間竟然係Error成員193開嘅呢層都係事後先知，加上同隱町合作，所以cafe嘅serving咁有保證夜晚嚟食cafe當然要食正餐啦，網上見呢碟墨汁意粉多人嗌，就整返碟面頭兩粒帶子都好大粒吓，胃弟都話高汁。Sauce方面好掛汁，啖啖都好濃味泡菜卡邦尼加烏冬，呢個組合仲出奇過Error原來又一樣得，係merge得埋一齊蛋漿應該係幕後功臣，好快就俾胃弟食清光嗌咖啡就係為咗配甜品，Croffle餅底係Bake house牛角包，topping 採用挪威牛奶加羊奶製成嘅芝士，內含焦糖所以比一般芝士更不凡，加上鮮製忌廉真係不得了咖啡就嗌咗黑糖檸檬咖啡嚟解膩，甜甜酸酸，有啲清新刺激，餐後飲好正，就好似置身沖繩咁舒服Hand drip就揀咗埃塞俄比亞蜜處理嘅咖啡，帶點藍苺、熱情果同蜜柑屬於帶甜嘅口味，啱晒入門嘅大胃飲

Tanuki Coffee開左咁耐都冇去過，今次終於揾到朋友陪我去😸聽聞佢地仲同左隱町集團班底合作，一於食下睇下佢咩料先~✨軟殼蟹蟹籽三明治 - 原隻軟殼蟹夠晒搶鏡，食落脆卜卜，隻蟹入面仲滿滿蟹膏，鮮味十足！麵包亦夠鬆軟，好香牛油味😚✨帶子明太子忌廉墨魚汁意粉 - 帶子都幾大粒，意粉軟硬度適中，個汁如果多d & creamy d就perfect😋✨Norwegian Brunost Cheese Croffle - 滿滿嘅挪威芝士碎，咸香味勁出，芝士控大愛，配埋雪糕同脆脆croffle好夾🤤✨沖繩黑糖檸檬咖啡 - 呢個配搭超特別，檸檬配咖啡第一次見，配埋黑糖令整體唔會太酸亦唔會太澀👍✨挪威芝士鮮奶咖啡 - 芝士碎就咁食已經夠正，有埋雪糕&凍啡係更加分😻