點心到 MIX·大排檔

營業中

休息中

話說好耐好耐冇飲過茶，因為每次飲茶都用你唔少時間⋯ 不過可以嘅話，食吓一盅兩件係幾開心嘅～ 飲茶嘅重心當然係離唔開點心啦～～ 仲要同兩個工作上嘅戰友一齊飲飲食食，可以遠離工作都係開心事～😜😜·流沙奶皇包😝超級奶皇包控表示幾好，重奶味，但蛋黃味道唔會冇咗～ 仲要有流沙嘅效果～ 係滿足嘅～～ 熱辣辣，有少少出煙就最正！·炸腐皮鮮竹卷🦐好耐冇食過啲咁脆卜卜嘅嘢，食到㷫口就最正～ 入面有埋一隻充滿鮮味嘅鮮蝦，彈牙之餘又增加咗成件事嘅味道👅，合格有餘啦～·竹炭菠蘿叉燒包🤓菠蘿皮嘅叉燒包，相信大家都唔陌生嘅～ 但係烏卒卒咁，係竹炭整嘅黑色皮就真係第一次見～ 同埋我最欣賞佢啲皮係好鬆化、脆卜卜之餘，成個包亦都唔會話太甜，我係滿意嘅～·沙參玉竹土燉雞湯🐔好想特別講吓呢盅燉湯，真係好夠味～ 飲得出係真材實料之餘，仲要冇落味精⋯ 有大大嚿雞肉 / 排骨喺度㗎～ 飲落去係絕對舒服，細細力推！😋😋

為了滿足男朋友的中菜胃，順路見到這家餐廳又光猛又滿座便進去試試🤭晚上主打大排檔菜式🔥兩個人叫了有鑊氣的乾炒牛河大大碟牛肉份量亦很多，而且河粉炒得乾身之餘，牛肉仍保持到軟嫩口感👍🏻招牌的秋葵野菌扒豆腐好有驚喜，豆腐是雙色的，賣相吸引，裡面像是玉子豆腐般嫩滑👀鑊氣豉椒炒蜆是大排檔必叫的惹味小菜，不用白飯亦不會過鹹，配著檸檬七喜喝下完全是perfect match😋燉湯選擇很多，試了沙參玉竹燉土雞湯嚐到雞湯清甜外帶少許藥材味，很適合我這些愛湯之人🤣

同FD喺金雞廣場睇電腦，行咗好耐，睇到哩間鋪頭都算就腳，咁試試啦。哩間晚市都差唔多full哂，座位都算闊落，坐得好舒服。晚市提供啲點心唔算多，大部分喺炒菜，今日叫咗紅燒乳鴿，手拍青瓜，麻辣雞煲，沙參玉竹燉土雞湯同卡通芋蓉包。哩間嘢食可以根據人數叫點心，唔哂驚唔夠件數，都幾貼心喎。沙參玉竹燉土雞湯好足料，雞大大件仲有3件，成碗都喺枸杞沙參玉竹，感覺好健康。湯好鮮甜，飲落真喺飲得出喺足料老火湯，正！紅燒乳鴿好快來咗，乳鴿已經切咗4件，細細件食落好方便，仲搭配咗鹽同豉油汁。皮真喺燒得好香脆，肉又好juice好幼滑，食落好滿足。乳鴿預先處理過，唔哂點醬汁已經好夠味，好食！手拍青瓜同出面差唔多，不過哩間加咗好多蒜蓉，食落好重蒜味同埋酸酸甜甜好清爽，食到停唔落口。麻辣雞煲好大一份，雞肉預先炸過，皮喺有少少焦香，唔會好肥膩。雞肉索哂麻辣醬汁，好惹味。啲洋蔥和青椒都好香口，仲有蔬菜啲甜味，配飯吃一流。最後啲甜品喺卡通芋蓉包，哩個卡通芋蓉包好得意啊，上面表情都唔同，好cute。芋蓉好足料，又未算好甜，OK。行出去埋單，台台都叫咗咕咾肉，好似好好味咁，下次一定要黎試試佢啦。

終於等到天氣開始凍番d，當然要整番個羊腩煲黎食啦。羊腩煲 $188佢個羊腩煲好好食，望到蘿蔔既顏色，就知道佢勁入味，羊腩煲既精華都係哂到。而且，羊腩都煮得好淋，完全冇食到一舊係難咬既，份量都不錯。除左羊腩，配料都唔少，舊舊都好入味。馬拉盞炒通菜 $66比我想像中大碟，炒得好夠鑊氣，味道唔錯，有小小微辣。沙參玉竹燉土雞湯 $38湯都幾足料，有沙參、玉竹、雞同圓肉，飲落去似係冇味精。一上枱就有一壺熱茶俾你洗餐具同飲用，每位茶芥都係$5位，唔算貴，埋單亦都冇加一。