點心到 MIX·大排檔

營業中

休息中

終於等到天氣開始凍番d，當然要整番個羊腩煲黎食啦。羊腩煲 $188佢個羊腩煲好好食，望到蘿蔔既顏色，就知道佢勁入味，羊腩煲既精華都係哂到。而且，羊腩都煮得好淋，完全冇食到一舊係難咬既，份量都不錯。除左羊腩，配料都唔少，舊舊都好入味。馬拉盞炒通菜 $66比我想像中大碟，炒得好夠鑊氣，味道唔錯，有小小微辣。沙參玉竹燉土雞湯 $38湯都幾足料，有沙參、玉竹、雞同圓肉，飲落去似係冇味精。一上枱就有一壺熱茶俾你洗餐具同飲用，每位茶芥都係$5位，唔算貴，埋單亦都冇加一。