老馮茶居 (海寶花園)

隨意揀餐廳食晚飯估唔到有驚喜.叫咗幾款點心每款都好食.流沙芋泥包💜比較特別嘅一款麵包熱辣辣 軟熟咬開有啲流心嘅芋泥醬因為係芋泥餡唔係爆汁個種醬比流沙奶黃包餡會渴少少似係用芋頭加奶打成(亂估)又滑又足料有好濃嘅芋頭味好正.內臟類點心沙嗲金錢肚🐮沙嗲豬大腸🐷.口感嚟講軟硬適中 又保留到咬感沙嗲味都係偏中式個種會有少少辣椒味提味整體幾香😙個人覺得啱啱好唔似一般茶樓做嘅個種 咁重香料味而且佢真係好入味🤤係提前醃制個種妹曬外層嘅沙嗲醬咬開大腸同牛肚 都一樣仲有好重沙嗲味.另外值得一提嘅位✔️依2款點心都唔會話好油食完曬碟底無成層油加分加分🥰.2個人叫咗7款點心每款都好食 足料加埋茶位錢食到勁飽 夾埋曬都係$182人頭計$100都唔洗抵到爛😝.整體食物質素好得嚟 價錢又抵性價比超班💛推薦

早排拉埋阿媽去老馮飲茶，樣樣點心都好有水準！🦐腸粉皮好滑，蝦腸啲蝦好彈牙😆🐔雞扎好足料，有豬肚夠哂傳統🥰🐷豬大腸好食，食落好香沙嗲味😋🐮山竹牛肉球，又彈牙又有肉汁😆🍵埋單連茶芥$154兩位，抵食又夠飽，阿媽話得閒再嚟試其他點心🤩溫馨提示：1️⃣留意用餐時間得一個鐘，點心本身係即叫即整，所以要加單嘅話最好早少少，我哋後加嘅牛肉球都要等差唔多時間2️⃣人齊先可以入座，嗰時我哋未夠12點都要等幾張檯，證明好旺場😆P.S.嗰日有個婆婆幫屋企人拎外賣，本來收銀哥哥話等多八分鐘就有，後來我哋埋單走人佢都未攞得，婆婆仲話等咗差唔多15分鐘所以各位大埔友想叫外賣嘅話要耐心等候啦，相信大家想食好西都唔介意等多陣嘅❤️

黃店傳統茶樓💛餐廳裝修好特別,好懷舊, 餐廳每一邊既牆都有唔同既裝飾去展現出60,70年代既香港, 坐喺度食嘢就好似返咗去之前嘅年代咁💕流沙芋泥包 $23呢個包做到流沙嘅效果,而且芋泥入面會有少少芋頭粒, 食落口感就豐富啲, 食落好重芋頭味😋😋但記住要趁熱食, 凍咗就差啲啲~金牌炸芋角 $18外層炸到好脆, 食落好香口, 入邊就有芋泥包住啲肉碎,比我嘅感覺就好似鹹水角但係入邊就轉咗做芋泥咁😛金沙腸 $32腸粉入面有層脆皮再包住鮮蝦~配埋加咗花生醬既鼓油, 食落好有層次😛腸粉皮都夠滑, 個蝦都夠大粒🥰薑蔥牛柏葉 $23牛柏葉食落好爽脆😍味道唔錯!沙嗲豬大腸 $23呢個沙嗲唔會好鹹, 一般平時係其他嘅差價都唔會見到有呢個, 所以都幾特別~ 但食得多就會有啲濟😣豉汁蒸鳳爪 $20醬汁啱啱好~唔會太鹹👀鵪鶉蛋燒賣皇 $28好少見燒賣上邊會放鵪鶉蛋, 幾好食😛燒賣皮都夠薄😍另外茶芥$5一位~~整體來講, 點心高質而且唔係好貴!👍🏻👍🏻餐廳唔可以加單, 所以記得要諗清楚食啲咩一次過嗌晒啦🤣🤣呢間餐廳都幾受歡迎, 繁忙時候就會大排長龍, 所以建議大家可以早少少嚟食~~💕

老馮茶居的裝修佈置令你恍如置身於六十年代老香港一樣，將整個屋邨場境搭建出來，有醬油店、雜貨店、士多、錢莊(收銀處)等等。⁣⁣招牌混醬腸粉 $20⁣腸粉滑，重點係個醬，絕對不是普通將芝麻醬、甜醬、辣醬溝埋一齊既混醬 ，呢款係老馮自家制既一種混醬，鹹鹹地有辣辣地咁，非常好味。⁣⁣流沙芋泥包 $23⁣熱辣辣，鬆軟可口，好香芋泥味。⁣⁣鮮蝦腐皮卷 $26⁣香脆美味，鮮蝦彈牙。⁣⁣薑汁桂圓紅棗糕 $20⁣薑味濃郁，似千層糕一層一層。⁣⁣蝦醬蒸腩仔飯 $38⁣每口腩仔都有濃烈蝦醬味又不會太鹹，白飯一粒一粒乾身不淋。⁣⁣沙嗲豬大腸 $23⁣豬大腸夠軟，沙嗲味十足。⁣⁣老馮鮮蝦餃 $30⁣蝦肉爽甜彈牙，餃皮薄。⁣⁣潮州粉果 $20⁣材料十足，味道正常。⁣⁣老馮茶居 (大埔)⁣大埔安慈路1號海寶花園14號地舖⁣星期一至日 08:00-23:00⁣⁣老馮茶居 (元朗)⁣元朗大棠路66號地舖⁣星期一至日 08:00-23:00⁣