圍威喂 (荃灣廣場) (已結業)

荃灣泰菜選擇其實唔係好多，呢間位於荃灣廣場四樓嘅泰菜都開咗好耐，自己之前都食過，不過今次係第一次寫佢哋嘅食評🥳前菜嗌咗份泰式軟殼蟹青芒果沙律 ($98)食泰國嘢通常都鍾意食沙律，感覺冇咁油膩🥗面頭鋪左勁大隻軟殼蟹，都幾厚肉🦀招牌泰皇蟹肉炒飯 ($95)炒飯好有鑊氣，蟹肉份量都幾多，而且炒飯食落去仲有啲蟹籽增加口感，又帶蛋香🍳小食要咗份沙嗲雞肉串 ($38)雞肉肉質幾嫩，唔會乾柴，個沙嗲醬好惹味，花生味好出，加埋本身雞肉上面有少少椰汁，更加香🤤同朋友一人要咗杯百香果蘇打 ($24)❤️‍🔥熱情果嘅份量都幾多，所以飲落去幾有口感，酸酸甜甜咁幾解膩🤍 最後嘅甜品泰奶茶雪糕配油酥餅 ($58) 雪糕夠滑，泰奶味幾出🍦黑糖珍珠微暖幾軟糯，而且甜度適中🧋雪糕同油酥餅冰火交融，估唔到幾夾🤣呢到環境都幾舒服好坐，裝修光猛，荃灣街坊想轉下口味食泰菜都可以一戰😛

見過餐廳名咁搞笑即刻同朋友一齊入去食返餐先-叫咗個超值二人晚餐（A) $368包好多款食物 價錢仲好抵食添 🤩🍢沙嗲雞肉串（2串）雞肉燒到金黃色沙嗲醬味道較甜 食到有花生🥜味道🤤🤤🥗泰式鮮蝦沙律份量比想像中多 有兩大隻鮮蝦、生菜、椰菜絲、木瓜絲 味道酸酸甜甜 好開胃 鮮蝦爽口彈牙☺️😋😋 🥬馬拉盞炒通菜炒得好香 好惹味😍😍 通菜仍保持翠綠 爽脆🌿🥘泰式青咖喱雞 跟兩碗白飯 味道辣辣地 配埋白飯 好惹味😋😋 椰奶味香濃 配料豐富😍😍 🍝圍威喂！炒金邊粉一上菜 賣相吸引 用金黃色嘅煎蛋包住金邊粉 裡面仲有3隻鮮蝦😍😍 配料豐富 金邊粉炒到乾濕剛好 味道酸甜😋旁邊仲有花生碎、辣椒碎、酸辣汁 可以自行調配味道😋😋🍹🍹飲品 🍹星空蘇打+ $16好夢幻嘅果汁梳打😍😍飲落味道酸酸甜甜 重青檸味 好開胃 🤩🤩-🥤絕代雙莓果昔 $40草莓🍓&藍莓🫐 草莓味道較重 有啲蓋過藍莓味甜度適中 口感似沙冰多啲🙈🙈 -🍗🫔圍威喂拼盤 $138 呢個另外再叫嘅小食拼盤 有4款小食😆👉🏻春卷，魚餅，蝦餅,單骨雞翼款款都新鮮即叫即炸 🔥 香脆可口 特別喜歡單骨雞翼食到少少冬陰功嘅味道🤤🤤🤤

💙圍威喂 Wai Wai Wai💙總有一班friend每次聚都會食泰國嘢，唔知你哋有冇😂😂😂圍威喂拼盤正常。不過我欣賞佢係即叫即整，樣樣嘢食嘅時候都係脆同‘辣’口，咁先正。而且份量都幾多，小編最愛春卷，係中式春卷，有芋泥架🤤沙嗲雞肉串雞都幾嫩滑，唔會柴，又唔會‘鞋’口，同埋佢唔會每串得細細舊雞肉，食完好似唔多覺咁，而係每串勁大舊雞，好厚肉，食完會滿足。沙嗲醬係另外上，可以自己選擇點幾多。沙嗲醬幾夠味，但唔會辣，所以唔食辣嘅人都可以叫。經典檳城炒粿條呢個炒得幾好食，好有穫氣，味道好足，而且重點係真係炒得乾身。配料都係正常，蝦都有好多隻。完全冇令我哋後悔冇叫金邊粉。秋葵豆腐生菜包呢個大推，絕對要試，全枱人都覺得呢個好食。佢係好有驚喜，夠辣之如，泰國味好重，而且佢唔會令你覺得係食緊素。真心好好食。大家係要搶添😂然後小編就掛住食，偏偏冇影到呢個😭椰子雞湯呢個同出面既椰子雞湯味道唔太相同，係相對椰子味重好多，所以如果本身唔中意濃椰子味嘅人，就唔好叫呢個啦。 另外就係佢個雞，非常嫩，幾好食。入面嘅料都好多，唔會話每樣得細細份。飛天椰菜苗。呢個就真係唔係幾好食，大家可以唔洗叫。牛油果shake都係麻

因為疫情關係已經好一段時間冇食泰國菜，最近發現同先生一直想食嘅圍威喂原來喺荃灣開咗分店，當然唔能夠放過。食物選擇多元化，除咗熱門嘅東南亞菜色之外，仲有唔少特別嘅配搭，例如喺沙律入面加入臘腸同咖喱配羊架，玩味頗濃。雞肉串大大串而且夠哂厚身，本身已經醃製過再燒到香噴噴，雞肉非常嫩滑，沾上沙嗲醬更加無懈可擊。青木瓜沙律份量非常多，酸甜開胃，加入味道清淡嘅四季豆感覺更清新，原隻軟殼蟹炸得夠哂酥脆，有畫龍點睛嘅效果。草菇、秀珍菇同秋葵加入金不換去炒，令本來平平無奇嘅炒雜蔬變得鮮味無比，好有驚喜。馬沙文咖喱唔會有強烈嘅香料味道，亦唔會有嗆喉嘅辣度，但入口依然非常香濃，係比較溫和嘅咖喱，令人不由自主食完一啖又一啖，好可惜已經點咗炒飯，唔係嘅話配上薄餅絶對會係完美組合！牛舌大大片而且係厚切，口感彈牙之餘仲保留到香濃嘅牛味，唔會俾同樣濃味嘅咖喱蓋過。菠蘿炒飯份量好大，配料亦非常多，兩三個人分享都冇問題。東南亞菜雖然吸引，但平時最怕餐廳唔衛生，呢度環境寬敞而且俾人嘅感覺非常整潔，食物味道亦係一流，相信會成為常客。

今晚同男朋友去食東南亞菜，我地叫左好多野，食完好飽。沙嗲雞肉串2串我好鍾意食沙嗲雞肉串架，叫左2串淺嚐。早知叫多啲啦，因為雞肉唔會鞋口，沙嗲又好食。招牌泰皇蟹肉炒飯炒得夠乾身，每啖都食到飯加蟹肉，仲有蟹籽添，十分足料又惹味，超級推薦！大蝦冬蔭功湯酸酸辣辣，入面好多菇，蝦大大隻，鍾意飲冬蔭功既男朋友表示好飲。黃咖哩海鮮多士盒好澎湃，一切啲黄咖哩搶住湧出黎，好療愈。海鮮有大蝦、青口、八爪魚，每樣各二。星空蘇打好靚之餘又好飲。檸檬甘蔗汁幾清甜。